Texts

Select a text:
Bibliography

Select a chapter:
(no revisions)

Show parallels Show headlines
Use dependency labeler

Chapter id: 15101

Click on a sentence to show its analysis
Keep the mouse pointer over a lemma to show its meanings.

taṃ prapadābhyāṃ prāpadyata brahmemaṃ puruṣaṃ yat prapadābhyāṃ prāpadyata brahmemaṃ puruṣaṃ tasmāt prapade tasmāt prapade ity ācakṣate śaphāḥ khurā ity anyeṣāṃ paśūnām // (1) Par.?

tad ūrdhvam udasarpat tā ūrū abhavatām // (2) Par.?

uru gṛṇīhīty abravīt tad udaram abhavat // (3) Par.?

urv eva me kurv ity abravīt tad uro 'bhavat // (4) Par.?

udaraṃ brahmeti śārkarākṣyā upāsate hṛdayaṃ brahmety āruṇayo brahmāhaiva tā3i // (5) Par.?

ūrdhvaṃ tv evodasarpat tacchiro 'śrayata yacchiro 'śrayata tacchiro 'bhavat tacchirasaḥ śirastvam // (6) Par.?

tā etāḥ śīrṣañchriyaḥ śritāś cakṣuḥ śrotraṃ mano vāk prāṇaḥ // (7) Par.?

śrayante 'smiñchriyo ya evam etac chirasaḥ śirastvaṃ veda // (8) Par.?

tā ahiṃsantāham uktham asmy aham uktham asmīti // (9) Par.?

tā abruvan hantāsmāccharīrād utkrāmāma tad yasminn utkrānta idaṃ śarīraṃ patsyati tad ukthaṃ bhaviṣyatīti // (10) Par.?

vāg udakrāmad avadann aśnan pibann āstaiva // (11) Par.?

cakṣur udakrāmad apaśyann aśnan pibann āstaiva // (12) Par.?

śrotram udakrāmad aśṛṇvann aśnan pibann āstaiva // (13) Par.?

mana udakrāman mīlita ivāśnan pibann āstaiva // (14) Par.?

prāṇa udakrāmat tat prāṇa utkrānte 'padyata // (15) Par.?

tad aśīryatāśārītī3ṃ tac charīram abhavat taccharīrasya śarīratvam // (16) Par.?

śīryate ha vā asya dviṣan pāpmā bhrātṛvyaḥ parāsya dviṣan pāpmā bhrātṛvyo bhavati ya evaṃ veda // (17) Par.?

tā ahiṃsantaivāham uktham asmy aham uktham asmīti // (18) Par.?

tā abruvan hantedaṃ punaḥ śarīraṃ praviśāma tad yasmin naḥ prapanna idaṃ śarīram utthāsyati tad ukthaṃ bhaviṣyatīti // (19) Par.?

vāk prāviśad aśayad eva // (20) Par.?

cakṣuḥ prāviśad aśayad eva // (21) Par.?

śrotraṃ prāviśad aśayad eva // (22) Par.?

manaḥ prāviśad aśayad eva // (23) Par.?

prāṇaḥ prāviśat tat prāṇe prapanna udatiṣṭhat tad uktham abhavat // (24) Par.?

tad etad ukthā3ṃ prāṇa eva // (25) Par.?

prāṇa uktham ity eva vidyāt // (26) Par.?

taṃ devā abruvaṃs tvam uktham iti tvam idaṃ sarvam asi tava vayaṃ smas tvam asmākam asīti // (27) Par.?

tad apy etad ṛṣiṇoktam // (28) Par.?

tvam asmākaṃ tava smasīti // (29) Par.?

Duration=0.055891990661621 secs.