Texts

Help

Select a text:
Bibliography

Select a chapter:
(no revisions)

Associated topic(s): third pressing, tṛtīyasavana

Show parallels Show headlines
Use dependency labeler

Chapter id: 15520

Click on a sentence to show its analysis
Keep the mouse pointer over a lemma to show its meanings.

dve vāvedam agre savane āstām // (1) Par.?

dvābhyāṃ vāvedaṃ savanābhyāṃ devā agre vyajayanta // (2) Par.?

tān vijitya yathālokam āsīnān indra etyābravīt trīṇi chandāṃsi trayaḥ prāṇāpānavyānās traya ime lokās trir deveṣv ity āhur eta imāni trīṇi savanāni karavāmeti // (3) Par.?

te 'bruvan na śakṣyāmo 'nena nvāva vayaṃ pūrveṇa karmaṇā pariśrāntāḥ sma iti // (4) Par.?

sa indro 'bravīt sa vā ahaṃ mad evādhi tṛtīyasavanaṃ nirmimā iti // (5) Par.?

sa ātmana evādhi tṛtīyasavanaṃ niramimīta // (6) Par.?

tad indro ha vā etad devatānāṃ yat tṛtīyasavanam // (7) Par.?

indreṇa hāsya devatānāṃ stutaṃ bhavati ya evaṃ vidvāṃs tṛtīyasavanena stute // (8) Par.?

dhītam iva vai tṛtīyasavanam // (9) Par.?

jāgataṃ suparṇa āharann adhayat // (10) Par.?

tad etat pīḍitam iva // (11) Par.?

svādiṣṭhayeti svadayanty evainat tena // (12) Par.?

madiṣṭhayeti rasam evāsmiṃs tan madaṃ dadhati // (13) Par.?

āśiram avanayanti paśunā caranty aivainat tena pyāyayanti // (14) Par.?

rakṣohā viśvacarṣaṇir abhi yonim ayohata iti pūrvayor evaiṣa savanayor abhisaṃkramaḥ // (15) Par.?

tāsu gāyatram uktabrāhmaṇam // (16) Par.?

Duration=0.030881881713867 secs.