Texts

arjuna uvāca / (1.1) Par.?

tato 'haṃ stūyamānastu tatra tatra maharṣibhiḥ / (1.2) Par.?

apaśyam udadhiṃ bhīmam apāmpatim athāvyayam // (1.3) Par.?

phenavatyaḥ prakīrṇāś ca saṃhatāś ca samucchritāḥ / (2.1) Par.?

ūrmayaścātra dṛśyante calanta iva parvatāḥ / (2.2) Par.?

nāvaḥ sahasraśas tatra ratnapūrṇāḥ samantataḥ // (2.3) Par.?

timiṅgilāḥ kacchapāś ca tathā timitimiṃgilāḥ / (3.1) Par.?

makarāścātra dṛśyante jale magnā ivādrayaḥ // (3.2) Par.?

śaṅkhānāṃ ca sahasrāṇi magnāny apsu samantataḥ / (4.1) Par.?

dṛśyante sma yathā rātrau tārās tanvabhrasaṃvṛtāḥ // (4.2) Par.?

tathā sahasraśas tatra ratnasaṃghāḥ plavantyuta / (5.1) Par.?

vāyuś ca ghūrṇate bhīmas tad adbhutam ivābhavat // (5.2) Par.?

tam atītya mahāvegaṃ sarvāmbhonidhim uttamam / (6.1) Par.?

apaśyaṃ dānavākīrṇaṃ tad daityapuram antikāt // (6.2) Par.?

tatraiva mātalis tūrṇaṃ nipatya pṛthivītale / (7.1) Par.?

nādayan rathaghoṣeṇa tat puraṃ samupādravat // (7.2) Par.?

rathaghoṣaṃ tu taṃ śrutvā stanayitnor ivāmbare / (8.1) Par.?

manvānā devarājaṃ māṃ saṃvignā dānavābhavan // (8.2) Par.?

sarve saṃbhrāntamanasaḥ śaracāpadharāḥ sthitāḥ / (9.1) Par.?

tathā śūlāsiparaśugadāmusalapāṇayaḥ // (9.2) Par.?

tato dvārāṇi pidadhur dānavās trastacetasaḥ / (10.1) Par.?

saṃvidhāya pure rakṣāṃ na sma kaścana dṛśyate // (10.2) Par.?

tataḥ śaṅkham upādāya devadattaṃ mahāsvanam / (11.1) Par.?

puram āsuram āśliṣya prādhamaṃ taṃ śanair aham // (11.2) Par.?

sa tu śabdo divaṃ stabdhvā pratiśabdam ajījanat / (12.1) Par.?

vitresuśca nililyuśca bhūtāni sumahāntyapi // (12.2) Par.?

tato nivātakavacāḥ sarva eva samantataḥ / (13.1) Par.?

daṃśitā vividhais trāṇair vividhāyudhapāṇayaḥ // (13.2) Par.?

āyasaiś ca mahāśūlair gadābhir musalair api / (14.1) Par.?

paṭṭiśaiḥ karavālaiś ca rathacakraiś ca bhārata // (14.2) Par.?

śataghnībhir bhuśuṇḍībhiḥ khaḍgaiś citraiḥ svalaṃkṛtaiḥ / (15.1) Par.?

pragṛhītair diteḥ putrāḥ prādurāsan sahasraśaḥ // (15.2) Par.?

tato vicārya bahudhā rathamārgeṣu tān hayān / (16.1) Par.?

prācodayat same deśe mātalir bharatarṣabha // (16.2) Par.?

tena teṣāṃ praṇunnānām āśutvācchīghragāminām / (17.1) Par.?

nānvapaśyaṃ tadā kiṃcit tan me 'dbhutam ivābhavat // (17.2) Par.?

tatas te dānavās tatra yodhavrātānyanekaśaḥ / (18.1) Par.?

vikṛtasvararūpāṇi bhṛśaṃ sarvāṇyacodayan // (18.2) Par.?

tena śabdena mahatā samudre parvatopamāḥ / (19.1) Par.?

āplavanta gataiḥ sattvair matsyāḥ śatasahasraśaḥ // (19.2) Par.?

tato vegena mahatā dānavā mām upādravan / (20.1) Par.?

vimuñcantaḥ śitān bāṇāñ śataśo 'tha sahasraśaḥ // (20.2) Par.?

sa samprahāras tumulas teṣāṃ mama ca bhārata / (21.1) Par.?

avartata mahāghoro nivātakavacāntakaḥ // (21.2) Par.?

tato devarṣayaś caiva dānavarṣigaṇāśca ye / (22.1) Par.?

brahmarṣayaśca siddhāśca samājagmur mahāmṛdhe // (22.2) Par.?

te vai mām anurūpābhir madhurābhir jayaiṣiṇaḥ / (23.1) Par.?

astuvan munayo vāgbhir yathendraṃ tārakāmaye // (23.2) Par.?