Texts

athaitaddhavirucchiṣṭam udag udvāsyoddhṛtya brahmaṇe prayacchet // (1) Par.?

taṃ titarpayiṣet // (2) Par.?

brāhmaṇasya tṛptim anutṛpyāmīti ha yajñasya vedayante // (3) Par.?

atha yad asyānyad annam upasiddhaṃ syāt // (4) Par.?

atha brāhmaṇān bhaktenopepset // (5) Par.?

pūrṇapātro dakṣiṇā taṃ brahmaṇe dadyāt // (6) Par.?

kaṃsaṃ camasaṃ vānnasya pūrayitvā kṛtasya vākṛtasya vāpi vā phalānām evaitaṃ pūrṇapātram ity ācakṣate // (7) Par.?

brahmaivaika ṛtvik // (8) Par.?

pākayajñeṣu svayaṃ hotā bhavati // (9) Par.?

pūrṇapātro 'vamaḥ pākayajñānāṃ dakṣiṇā // (10) Par.?

aparimitaṃ parārdhyam // (11) Par.?

api ha sudāḥ paijavana aindrāgnena sthālīpākeneṣṭvā śataṃ sahasrāṇi dadau // (12) Par.?

atha yadi gṛhye 'gnau sāyaṃprātarhomayor vā darśapūrṇamāsayor vā havyaṃ vā hotāraṃ vā nādhigacchet kathaṃ kuryād iti // (13) Par.?

ā sāyamāhuteḥ prātarāhutir nātyety ā prātarāhuteḥ sāyamāhutir āmāvāsyāyāḥ paurṇamāsaṃ nātyety ā paurṇamāsyā āmāvāsyam // (14) Par.?

etenaivāvakāśena havyaṃ vā hotāraṃ vā lipseta // (15) Par.?

api vā yajñiyānām evauṣadhivanaspatīnāṃ phalāni vā palāśāni vā śrapayitvā juhuyāt // (16) Par.?

apy apa evāntato juhuyād iti ha smāha pākayajña aiḍo hutaṃ hy eva // (17) Par.?

ahutasya prāyaścittaṃ bhavatīti // (18) Par.?

nāvrato brāhmaṇaḥ syād iti // (19) Par.?

athāpy udāharanti // (20) Par.?

yāvan na hūyetābhojanenaiva tāvat saṃtanuyāt // (21) Par.?

atha yadādhigacchet pratijuhuyāt // (22) Par.?

evam apy asya vrataṃ saṃtataṃ bhavatīti // (23) Par.?

eṣo 'ta ūrdhvaṃ havirāhutiṣu nyāyaḥ // (24) Par.?

mantrānte svāhākāraḥ // (25) Par.?

ājyāhutiṣv ājyam eva saṃskṛtyopaghātaṃ juhuyān nājyabhāgau na sviṣṭakṛt // (26) Par.?

ājyāhutiṣv anādeśe purastāc copariṣṭācca mahāvyāhṛtibhir homaḥ // (27) Par.?

yathā pāṇigrahaṇe tathā cūḍākarmaṇy upanayane godāne // (28) Par.?

apavṛtte karmaṇi vāmadevyagānaṃ śāntyarthaṃ śāntyartham // (29) Par.?