UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1078
- Click on a sentence to show its analysis
- Keep the mouse pointer over a lemma to show its meanings.
bhūya eva ca rājendra śṛṇu me vacanaṃ hitam / (1.1)
Par.?
yathā sa devapravaraḥ kathayāmāsa buddhimān // (1.2)
Par.?
ikṣvākūṇāṃ kule jāto bhaviṣyati sudhārmikaḥ / (2.1)
Par.?
rājā daśaratho nāmnā śrīmān satyapratiśravaḥ // (2.2)
Par.?
aṅgarājena sakhyaṃ ca tasya rājño bhaviṣyati / (3.1)
Par.?
kanyā cāsya mahābhāgā śāntā nāma bhaviṣyati // (3.2)
Par.?
putras tv aṅgasya rājñas tu romapāda iti śrutaḥ / (4.1)
Par.?
taṃ sa rājā daśaratho gamiṣyati mahāyaśāḥ // (4.2)
Par.?
anapatyo 'smi dharmātmañ śāntā bhāryā mama kratum / (5.1)
Par.?
āhareta tvayājñaptaḥ saṃtānārthaṃ kulasya ca // (5.2)
Par.?
śrutvā rājño 'tha tad vākyaṃ manasā sa vicintya ca / (6.1)
Par.?
pradāsyate putravantaṃ śāntābhartāram ātmavān // (6.2)
Par.?
pratigṛhya ca taṃ vipraṃ sa rājā vigatajvaraḥ / (7.1)
Par.?
āhariṣyati taṃ yajñaṃ prahṛṣṭenāntarātmanā // (7.2)
Par.?
taṃ ca rājā daśaratho yaṣṭukāmaḥ kṛtāñjaliḥ / (8.1)
Par.?
ṛṣyaśṛṅgaṃ dvijaśreṣṭhaṃ varayiṣyati dharmavit // (8.2)
Par.?
yajñārthaṃ prasavārthaṃ ca svargārthaṃ ca nareśvaraḥ / (9.1)
Par.?
labhate ca sa taṃ kāmaṃ dvijamukhyād viśāṃpatiḥ // (9.2)
Par.?
putrāś cāsya bhaviṣyanti catvāro 'mitavikramāḥ / (10.1)
Par.?
vaṃśapratiṣṭhānakarāḥ sarvalokeṣu viśrutāḥ // (10.2)
Par.?
evaṃ sa devapravaraḥ pūrvaṃ kathitavān kathām / (11.1)
Par.?
sanatkumāro bhagavān purā devayuge prabhuḥ // (11.2)
Par.?
sa tvaṃ puruṣaśārdūla tam ānaya susatkṛtam / (12.1)
Par.?
svayam eva mahārāja gatvā sabalavāhanaḥ // (12.2)
Par.?
anumānya vasiṣṭhaṃ ca sūtavākyaṃ niśamya ca / (13.1)
Par.?
sāntaḥpuraḥ sahāmātyaḥ prayayau yatra sa dvijaḥ // (13.2)
Par.?
vanāni saritaś caiva vyatikramya śanaiḥ śanaiḥ / (14.1)
Par.?
abhicakrāma taṃ deśaṃ yatra vai munipuṃgavaḥ // (14.2)
Par.?
āsādya taṃ dvijaśreṣṭhaṃ romapādasamīpagam / (15.1)
Par.?
ṛṣiputraṃ dadarśādau dīpyamānam ivānalam // (15.2)
Par.?
tato rājā yathānyāyaṃ pūjāṃ cakre viśeṣataḥ / (16.1)
Par.?
sakhitvāt tasya vai rājñaḥ prahṛṣṭenāntarātmanā // (16.2) Par.?
romapādena cākhyātam ṛṣiputrāya dhīmate / (17.1)
Par.?
sakhyaṃ sambandhakaṃ caiva tadā taṃ pratyapūjayat // (17.2)
Par.?
evaṃ susatkṛtas tena sahoṣitvā nararṣabhaḥ / (18.1)
Par.?
saptāṣṭadivasān rājā rājānam idam abravīt // (18.2)
Par.?
śāntā tava sutā rājan saha bhartrā viśāṃpate / (19.1)
Par.?
madīyaṃ nagaraṃ yātu kāryaṃ hi mahad udyatam // (19.2)
Par.?
tatheti rājā saṃśrutya gamanaṃ tasya dhīmataḥ / (20.1)
Par.?
uvāca vacanaṃ vipraṃ gaccha tvaṃ saha bhāryayā // (20.2)
Par.?
ṛṣiputraḥ pratiśrutya tathety āha nṛpaṃ tadā / (21.1)
Par.?
sa nṛpeṇābhyanujñātaḥ prayayau saha bhāryayā // (21.2)
Par.?
tāv anyonyāñjaliṃ kṛtvā snehāt saṃśliṣya corasā / (22.1)
Par.?
nanandatur daśaratho romapādaś ca vīryavān // (22.2)
Par.?
tataḥ suhṛdam āpṛcchya prasthito raghunandanaḥ / (23.1)
Par.?
paurebhyaḥ preṣayāmāsa dūtān vai śīghragāminaḥ / (23.2)
Par.?
kriyatāṃ nagaraṃ sarvaṃ kṣipram eva svalaṃkṛtam // (23.3)
Par.?
tataḥ prahṛṣṭāḥ paurās te śrutvā rājānam āgatam / (24.1)
Par.?
tathā pracakrus tat sarvaṃ rājñā yat preṣitaṃ tadā // (24.2)
Par.?
tataḥ svalaṃkṛtaṃ rājā nagaraṃ praviveśa ha / (25.1)
Par.?
śaṅkhadundubhinirghoṣaiḥ puraskṛtya dvijarṣabham // (25.2)
Par.?
tataḥ pramuditāḥ sarve dṛṣṭvā vai nāgarā dvijam / (26.1)
Par.?
praveśyamānaṃ satkṛtya narendreṇendrakarmaṇā // (26.2)
Par.?
antaḥpuraṃ praveśyainaṃ pūjāṃ kṛtvā tu śāstrataḥ / (27.1)
Par.?
kṛtakṛtyaṃ tadātmānaṃ mene tasyopavāhanāt // (27.2)
Par.?
antaḥpurāṇi sarvāṇi śāntāṃ dṛṣṭvā tathāgatām / (28.1)
Par.?
saha bhartrā viśālākṣīṃ prītyānandam upāgaman // (28.2)
Par.?
pūjyamānā ca tābhiḥ sā rājñā caiva viśeṣataḥ / (29.1)
Par.?
uvāsa tatra sukhitā kaṃcit kālaṃ saha dvijā // (29.2)
Par.?
Duration=0.091861009597778 secs.