UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1104
- Click on a sentence to show its analysis
- Keep the mouse pointer over a lemma to show its meanings.
tapyamāne tapo deve devāḥ sarṣigaṇāḥ purā / (1.1)
Par.?
senāpatim abhīpsantaḥ pitāmaham upāgaman // (1.2)
Par.?
tato 'bruvan surāḥ sarve bhagavantaṃ pitāmaham / (2.1)
Par.?
praṇipatya śubhaṃ vākyaṃ sendrāḥ sāgnipurogamāḥ // (2.2)
Par.?
yo naḥ senāpatir deva datto bhagavatā purā / (3.1)
Par.?
sa tapaḥ param āsthāya tapyate sma sahomayā // (3.2)
Par.?
yad atrānantaraṃ kāryaṃ lokānāṃ hitakāmyayā / (4.1)
Par.?
saṃvidhatsva vidhānajña tvaṃ hi naḥ paramā gatiḥ // (4.2)
Par.?
devatānāṃ vacaḥ śrutvā sarvalokapitāmahaḥ / (5.1)
Par.?
sāntvayan madhurair vākyais tridaśān idam abravīt // (5.2)
Par.?
śailaputryā yad uktaṃ tanna prajāsyatha
patniṣu / (6.1)
Par.?
tasyā vacanam akliṣṭaṃ satyam eva na saṃśayaḥ // (6.2)
Par.?
iyam ākāśagā gaṅgā yasyāṃ putraṃ hutāśanaḥ / (7.1)
Par.?
janayiṣyati devānāṃ senāpatim ariṃdamam // (7.2)
Par.?
jyeṣṭhā śailendraduhitā mānayiṣyati taṃ sutam / (8.1)
Par.?
umāyās tad bahumataṃ bhaviṣyati na saṃśayaḥ // (8.2)
Par.?
tac chrutvā vacanaṃ tasya kṛtārthā raghunandana / (9.1)
Par.?
praṇipatya surāḥ sarve pitāmaham apūjayan // (9.2)
Par.?
te gatvā parvataṃ rāma kailāsaṃ dhātumaṇḍitam / (10.1)
Par.?
agniṃ niyojayāmāsuḥ putrārthaṃ sarvadevatāḥ // (10.2)
Par.?
devakāryam idaṃ deva samādhatsva hutāśana / (11.1)
Par.?
śailaputryāṃ mahātejo gaṅgāyāṃ teja utsṛja // (11.2)
Par.?
devatānāṃ pratijñāya gaṅgām abhyetya pāvakaḥ / (12.1)
Par.?
garbhaṃ dhāraya vai devi devatānām idaṃ priyam // (12.2)
Par.?
ity etad vacanaṃ śrutvā divyaṃ rūpam adhārayat / (13.1)
Par.?
sa tasyā mahimāṃ dṛṣṭvā samantād avakīryata // (13.2)
Par.?
samantatas tadā devīm abhyaṣiñcata pāvakaḥ / (14.1)
Par.?
sarvasrotāṃsi pūrṇāni gaṅgāyā raghunandana // (14.2)
Par.?
tam uvāca tato gaṅgā sarvadevapurohitam / (15.1)
Par.?
aśaktā dhāraṇe deva tava tejaḥ samuddhatam / (15.2)
Par.?
dahyamānāgninā tena saṃpravyathitacetanā // (15.3)
Par.?
athābravīd idaṃ gaṅgāṃ sarvadevahutāśanaḥ / (16.1)
Par.?
iha haimavate pāde garbho 'yaṃ saṃniveśyatām // (16.2)
Par.?
śrutvā tv agnivaco gaṅgā taṃ garbham atibhāsvaram / (17.1)
Par.?
utsasarja mahātejāḥ srotobhyo hi tadānagha // (17.2)
Par.?
yad asyā nirgataṃ tasmāt taptajāmbūnadaprabham / (18.1)
Par.?
kāñcanaṃ dharaṇīṃ prāptaṃ hiraṇyam amalaṃ śubham // (18.2)
Par.?
tāmraṃ kārṣṇāyasaṃ caiva taikṣṇyād evābhijāyata / (19.1)
Par.?
malaṃ tasyābhavat tatra trapusīsakam eva ca // (19.2)
Par.?
tad etad dharaṇīṃ prāpya nānādhātur avardhata // (20.1)
Par.?
nikṣiptamātre garbhe tu tejobhir abhirañjitam / (21.1)
Par.?
sarvaṃ parvatasaṃnaddhaṃ sauvarṇam abhavad vanam // (21.2)
Par.?
jātarūpam iti khyātaṃ tadā prabhṛti rāghava / (22.1)
Par.?
suvarṇaṃ puruṣavyāghra hutāśanasamaprabham // (22.2)
Par.?
taṃ kumāraṃ tato jātaṃ sendrāḥ sahamarudgaṇāḥ / (23.1)
Par.?
kṣīrasambhāvanārthāya kṛttikāḥ samayojayan // (23.2)
Par.?
tāḥ kṣīraṃ jātamātrasya kṛtvā samayam uttamam / (24.1)
Par.?
daduḥ putro 'yam asmākaṃ sarvāsām iti niścitāḥ // (24.2) Par.?
tatas tu devatāḥ sarvāḥ kārttikeya iti bruvan / (25.1)
Par.?
putras trailokyavikhyāto bhaviṣyati na saṃśayaḥ // (25.2)
Par.?
teṣāṃ tad vacanaṃ śrutvā skannaṃ garbhaparisrave / (26.1)
Par.?
snāpayan parayā lakṣmyā dīpyamānam ivānalam // (26.2)
Par.?
skanda ity abruvan devāḥ skannaṃ garbhaparisravāt / (27.1)
Par.?
kārttikeyaṃ mahābhāgaṃ kākutstha jvalanopamam // (27.2)
Par.?
prādurbhūtaṃ tataḥ kṣīraṃ kṛttikānām anuttamam / (28.1)
Par.?
ṣaṇṇāṃ ṣaḍānano bhūtvā jagrāha stanajaṃ payaḥ // (28.2)
Par.?
gṛhītvā kṣīram ekāhnā sukumāravapus tadā / (29.1)
Par.?
ajayat svena vīryeṇa daityasainyagaṇān vibhuḥ // (29.2)
Par.?
surasenāgaṇapatiṃ tatas tam amaladyutim / (30.1)
Par.?
abhyaṣiñcan suragaṇāḥ sametyāgnipurogamāḥ // (30.2)
Par.?
eṣa te rāma gaṅgāyā vistaro 'bhihito mayā / (31.1)
Par.?
kumārasambhavaś caiva dhanyaḥ puṇyas tathaiva ca // (31.2)
Par.?
Duration=0.097168922424316 secs.