UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1106
- Click on a sentence to show its analysis
- Keep the mouse pointer over a lemma to show its meanings.
viśvāmitravacaḥ śrutvā kathānte raghunandana / (1.1)
Par.?
uvāca paramaprīto muniṃ dīptam ivānalam // (1.2)
Par.?
śrotum icchāmi bhadraṃ te vistareṇa kathām imām / (2.1)
Par.?
pūrvako me kathaṃ brahman yajñaṃ vai samupāharat // (2.2)
Par.?
viśvāmitras tu kākutstham uvāca prahasann iva / (3.1)
Par.?
śrūyatāṃ vistaro rāma sagarasya mahātmanaḥ // (3.2)
Par.?
śaṃkaraśvaśuro nāma himavān acalottamaḥ / (4.1)
Par.?
vindhyaparvatam āsādya nirīkṣete parasparam // (4.2)
Par.?
tayor madhye pravṛtto 'bhūd yajñaḥ sa puruṣottama / (5.1)
Par.?
sa hi deśo naravyāghra praśasto yajñakarmaṇi // (5.2)
Par.?
tasyāśvacaryāṃ kākutstha dṛḍhadhanvā mahārathaḥ / (6.1)
Par.?
aṃśumān akarot tāta sagarasya mate sthitaḥ // (6.2)
Par.?
tasya parvaṇi taṃ yajñaṃ yajamānasya vāsavaḥ / (7.1)
Par.?
rākṣasīṃ tanum āsthāya yajñiyāśvam apāharat // (7.2)
Par.?
hriyamāṇe tu kākutstha tasminn aśve mahātmanaḥ / (8.1)
Par.?
upādhyāyagaṇāḥ sarve yajamānam athābruvan // (8.2)
Par.?
ayaṃ parvaṇi vegena yajñiyāśvo 'panīyate / (9.1)
Par.?
hartāraṃ jahi kākutstha hayaś caivopanīyatām // (9.2)
Par.?
yajñacchidraṃ bhavaty etat sarveṣām aśivāya naḥ / (10.1)
Par.?
tat tathā kriyatāṃ rājan yathācchidraḥ kratur bhavet // (10.2)
Par.?
upādhyāyavacaḥ śrutvā tasmin sadasi pārthivaḥ / (11.1)
Par.?
ṣaṣṭiṃ putrasahasrāṇi vākyam etad uvāca ha // (11.2)
Par.?
gatiṃ putrā na paśyāmi rakṣasāṃ puruṣarṣabhāḥ / (12.1)
Par.?
mantrapūtair mahābhāgair āsthito hi mahākratuḥ // (12.2)
Par.?
tad gacchata vicinvadhvaṃ putrakā bhadram astu vaḥ / (13.1)
Par.?
samudramālinīṃ sarvāṃ pṛthivīm anugacchata // (13.2)
Par.?
ekaikaṃ yojanaṃ putrā vistāram abhigacchata / (14.1)
Par.?
yāvat turagasaṃdarśas tāvat khanata medinīm // (14.2)
Par.?
tam eva hayahartāraṃ mārgamāṇā mamājñayā / (15.1)
Par.?
dīkṣitaḥ pautrasahitaḥ sopādhyāyagaṇo hy aham // (15.2)
Par.?
iha sthāsyāmi bhadraṃ vo yāvat turagadarśanam / (16.1)
Par.?
ity uktvā hṛṣṭamanaso rājaputrā mahābalāḥ // (16.2)
Par.?
jagmur mahītalaṃ rāma pitur vacanayantritāḥ / (17.1)
Par.?
yojanāyām avistāram ekaiko dharaṇītalam // (17.2)
Par.?
bibhiduḥ puruṣavyāghra vajrasparśasamair bhujaiḥ / (18.1) Par.?
śūlair aśanikalpaiś ca halaiś cāpi sudāruṇaiḥ // (18.2)
Par.?
bhidyamānā vasumatī nanāda raghunandana / (19.1)
Par.?
nāgānāṃ vadhyamānānām asurāṇāṃ ca rāghava // (19.2)
Par.?
rākṣasānāṃ ca durdharṣaḥ sattvānāṃ ninado 'bhavat / (20.1)
Par.?
yojanānāṃ sahasrāṇi ṣaṣṭiṃ tu raghunandana // (20.2)
Par.?
bibhidur dharaṇīṃ vīrā rasātalam anuttamam / (21.1)
Par.?
evaṃ parvatasambādhaṃ jambūdvīpaṃ nṛpātmajāḥ // (21.2)
Par.?
khananto nṛpaśārdūla sarvataḥ paricakramuḥ / (22.1)
Par.?
tato devāḥ sagandharvāḥ sāsurāḥ sahapannagāḥ // (22.2)
Par.?
saṃbhrāntamanasaḥ sarve pitāmaham upāgaman / (23.1)
Par.?
te prasādya mahātmānaṃ viṣaṇṇavadanās tadā // (23.2)
Par.?
ūcuḥ paramasaṃtrastāḥ pitāmaham idaṃ vacaḥ / (24.1)
Par.?
bhagavan pṛthivī sarvā khanyate sagarātmajaiḥ // (24.2)
Par.?
bahavaś ca mahātmāno vadhyante jalacāriṇaḥ / (25.1)
Par.?
ayaṃ yajñahano 'smākam anenāśvo 'panīyate // (25.2)
Par.?
iti te sarvabhūtāni nighnanti sagarātmajāḥ // (26.1)
Par.?
Duration=0.15534591674805 secs.