UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1113
- Click on a sentence to show its analysis
- Keep the mouse pointer over a lemma to show its meanings.
viśvāmitravacaḥ śrutvā rāghavaḥ sahalakṣmaṇaḥ / (1.1)
Par.?
vismayaṃ paramaṃ gatvā viśvāmitram athābravīt // (1.2)
Par.?
atyadbhutam idaṃ brahman kathitaṃ paramaṃ tvayā / (2.1)
Par.?
gaṅgāvataraṇaṃ puṇyaṃ sāgarasya ca pūraṇam // (2.2)
Par.?
tasya sā śarvarī sarvā saha saumitriṇā tadā / (3.1)
Par.?
jagāma cintayānasya viśvāmitrakathāṃ śubhām // (3.2)
Par.?
tataḥ prabhāte vimale viśvāmitraṃ mahāmunim / (4.1)
Par.?
uvāca rāghavo vākyaṃ kṛtāhnikam ariṃdamaḥ // (4.2)
Par.?
gatā bhagavatī rātriḥ śrotavyaṃ paramaṃ śrutam / (5.1)
Par.?
kṣaṇabhūteva sā rātriḥ saṃvṛtteyaṃ mahātapaḥ / (5.2)
Par.?
imāṃ cintayataḥ sarvāṃ nikhilena kathāṃ tava // (5.3)
Par.?
tarāma saritāṃ śreṣṭhāṃ puṇyāṃ tripathagāṃ nadīm / (6.1)
Par.?
naur eṣā hi sukhāstīrṇā ṛṣīṇāṃ puṇyakarmaṇām / (6.2)
Par.?
bhagavantam iha prāptaṃ jñātvā tvaritam āgatā // (6.3)
Par.?
tasya tad vacanaṃ śrutvā rāghavasya mahātmanaḥ / (7.1)
Par.?
saṃtāraṃ kārayāmāsa sarṣisaṃghaḥ sarāghavaḥ // (7.2)
Par.?
uttaraṃ tīram āsādya sampūjyarṣigaṇaṃ tathā / (8.1)
Par.?
gaṅgākūle niviṣṭās te viśālāṃ dadṛśuḥ purīm // (8.2)
Par.?
tato munivaras tūrṇaṃ jagāma saharāghavaḥ / (9.1)
Par.?
viśālāṃ nagarīṃ ramyāṃ divyāṃ svargopamāṃ tadā // (9.2)
Par.?
atha rāmo mahāprājño viśvāmitraṃ mahāmunim / (10.1)
Par.?
papraccha prāñjalir bhūtvā viśālām uttamāṃ purīm // (10.2)
Par.?
kataro rājavaṃśo 'yaṃ viśālāyāṃ mahāmune / (11.1)
Par.?
śrotum icchāmi bhadraṃ te paraṃ kautūhalaṃ hi me // (11.2)
Par.?
tasya tad vacanaṃ śrutvā rāmasya munipuṃgavaḥ / (12.1)
Par.?
ākhyātuṃ tat samārebhe viśālasya purātanam // (12.2)
Par.?
śrūyatāṃ rāma śakrasya kathāṃ kathayataḥ śubhām / (13.1)
Par.?
asmin deśe hi yad vṛttaṃ śṛṇu tattvena rāghava // (13.2)
Par.?
pūrvaṃ kṛtayuge rāma diteḥ putrā mahābalāḥ / (14.1)
Par.?
aditeś ca mahābhāgā vīryavantaḥ sudhārmikāḥ // (14.2)
Par.?
tatas teṣāṃ naraśreṣṭha buddhir āsīn mahātmanām / (15.1)
Par.?
amarā nirjarāś caiva kathaṃ syāma nirāmayāḥ // (15.2)
Par.?
teṣāṃ cintayatāṃ rāma buddhir āsīd vipaścitām / (16.1)
Par.?
kṣīrodamathanaṃ kṛtvā rasaṃ prāpsyāma tatra vai // (16.2)
Par.?
tato niścitya mathanaṃ yoktraṃ kṛtvā ca vāsukim / (17.1)
Par.?
manthānaṃ mandaraṃ kṛtvā mamanthur amitaujasaḥ // (17.2)
Par.?
atha dhanvantarir nāma apsarāś ca suvarcasaḥ / (18.1)
Par.?
apsu nirmathanād eva rasāt tasmād varastriyaḥ / (18.2)
Par.?
utpetur manujaśreṣṭha tasmād apsaraso 'bhavan // (18.3)
Par.?
ṣaṣṭiḥ koṭyo 'bhavaṃs tāsām apsarāṇāṃ suvarcasām / (19.1) Par.?
asaṃkhyeyās tu kākutstha yās tāsāṃ paricārikāḥ // (19.2)
Par.?
na tāḥ sma pratigṛhṇanti sarve te devadānavāḥ / (20.1)
Par.?
apratigrahaṇāc caiva tena sādhāraṇāḥ smṛtāḥ // (20.2)
Par.?
varuṇasya tataḥ kanyā vāruṇī raghunandana / (21.1)
Par.?
utpapāta mahābhāgā mārgamāṇā parigraham // (21.2)
Par.?
diteḥ putrā na tāṃ rāma jagṛhur varuṇātmajām / (22.1)
Par.?
adites tu sutā vīra jagṛhus tām aninditām // (22.2)
Par.?
asurās tena daiteyāḥ surās tenāditeḥ sutāḥ / (23.1)
Par.?
hṛṣṭāḥ pramuditāś cāsan vāruṇīgrahaṇāt surāḥ // (23.2)
Par.?
uccaiḥśravā hayaśreṣṭho maṇiratnaṃ ca kaustubham / (24.1)
Par.?
udatiṣṭhan naraśreṣṭha tathaivāmṛtam uttamam // (24.2)
Par.?
atha tasya kṛte rāma mahān āsīt kulakṣayaḥ / (25.1)
Par.?
adites tu tataḥ putrā diteḥ putrān asūdayan // (25.2)
Par.?
aditer ātmajā vīrā diteḥ putrān nijaghnire / (26.1)
Par.?
tasmin ghore mahāyuddhe daiteyādityayor bhṛśam // (26.2)
Par.?
nihatya ditiputrāṃs tu rājyaṃ prāpya puraṃdaraḥ / (27.1)
Par.?
śaśāsa mudito lokān sarṣisaṃghān sacāraṇān // (27.2)
Par.?
Duration=0.10653614997864 secs.