UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1114
- Click on a sentence to show its analysis
- Keep the mouse pointer over a lemma to show its meanings.
hateṣu teṣu putreṣu ditiḥ paramaduḥkhitā / (1.1)
Par.?
mārīcaṃ kāśyapaṃ rāma bhartāram idam abravīt // (1.2)
Par.?
hataputrāsmi bhagavaṃs tava putrair mahābalaiḥ / (2.1)
Par.?
śakrahantāram icchāmi putraṃ dīrghatapo'rjitam // (2.2)
Par.?
sāhaṃ tapaś cariṣyāmi garbhaṃ me dātum arhasi / (3.1)
Par.?
īdṛśaṃ śakrahantāraṃ tvam anujñātum arhasi // (3.2)
Par.?
tasyās tadvacanaṃ śrutvā mārīcaḥ kāśyapas tadā / (4.1)
Par.?
pratyuvāca mahātejā ditiṃ paramaduḥkhitām // (4.2)
Par.?
evaṃ bhavatu bhadraṃ te śucir bhava tapodhane / (5.1)
Par.?
janayiṣyasi putraṃ tvaṃ śakrahantāram āhave // (5.2)
Par.?
pūrṇe varṣasahasre tu śucir yadi bhaviṣyasi / (6.1)
Par.?
putraṃ trailokyahantāraṃ mattas tvaṃ janayiṣyasi // (6.2)
Par.?
evam uktvā mahātejāḥ pāṇinā sa mamārja tām / (7.1)
Par.?
samālabhya tataḥ svastīty uktvā sa tapase yayau // (7.2)
Par.?
gate tasmin naraśreṣṭha ditiḥ paramaharṣitā / (8.1)
Par.?
kuśaplavanam āsādya tapas tepe sudāruṇam // (8.2)
Par.?
tapas tasyāṃ hi kurvatyāṃ paricaryāṃ cakāra ha / (9.1)
Par.?
sahasrākṣo naraśreṣṭha parayā guṇasampadā // (9.2)
Par.?
agniṃ kuśān kāṣṭham apaḥ phalaṃ mūlaṃ tathaiva ca / (10.1)
Par.?
nyavedayat sahasrākṣo yac cānyad api kāṅkṣitam // (10.2)
Par.?
gātrasaṃvāhanaiś caiva śramāpanayanais tathā / (11.1)
Par.?
śakraḥ sarveṣu kāleṣu ditiṃ paricacāra ha // (11.2)
Par.?
atha varṣasahasre tu daśone raghunandana / (12.1)
Par.?
ditiḥ paramasaṃprītā sahasrākṣam athābravīt // (12.2)
Par.?
tapaś carantyā varṣāṇi daśa vīryavatāṃ vara / (13.1)
Par.?
avaśiṣṭāni bhadraṃ te bhrātaraṃ drakṣyase tataḥ // (13.2)
Par.?
tam ahaṃ tvatkṛte putra samādhāsye jayotsukam / (14.1)
Par.?
trailokyavijayaṃ putra saha bhokṣyasi vijvaraḥ // (14.2)
Par.?
evam uktvā ditiḥ śakraṃ prāpte madhyaṃ divākare / (15.1)
Par.?
nidrayāpahṛtā devī pādau kṛtvātha śīrṣataḥ // (15.2)
Par.?
dṛṣṭvā tām aśuciṃ śakraḥ pādataḥ kṛtamūrdhajām / (16.1)
Par.?
śiraḥsthāne kṛtau pādau jahāsa ca mumoda ca // (16.2)
Par.?
tasyāḥ śarīravivaraṃ viveśa ca puraṃdaraḥ / (17.1)
Par.?
garbhaṃ ca saptadhā rāma bibheda paramātmavān // (17.2)
Par.?
bhidyamānas tato garbho vajreṇa śataparvaṇā / (18.1)
Par.?
ruroda susvaraṃ rāma tato ditir abudhyata // (18.2)
Par.?
mā rudo mā rudaś ceti garbhaṃ śakro 'bhyabhāṣata / (19.1) Par.?
bibheda ca mahātejā rudantam api vāsavaḥ // (19.2)
Par.?
na hantavyo na hantavya ity evaṃ ditir abravīt / (20.1)
Par.?
niṣpapāta tataḥ śakro mātur vacanagauravāt // (20.2)
Par.?
prāñjalir vajrasahito ditiṃ śakro 'bhyabhāṣata / (21.1)
Par.?
aśucir devi suptāsi pādayoḥ kṛtamūrdhajā // (21.2)
Par.?
tadantaram ahaṃ labdhvā śakrahantāram āhave / (22.1)
Par.?
abhindaṃ saptadhā devi tan me tvaṃ kṣantum arhasi // (22.2)
Par.?
Duration=0.10954999923706 secs.