UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1126
- Click on a sentence to show its analysis
- Keep the mouse pointer over a lemma to show its meanings.
tataḥ saṃtaptahṛdayaḥ smaran nigraham ātmanaḥ / (1.1)
Par.?
viniḥśvasya viniḥśvasya kṛtavairo mahātmanā // (1.2)
Par.?
sa dakṣiṇāṃ diśaṃ gatvā mahiṣyā saha rāghava / (2.1)
Par.?
tatāpa paramaṃ ghoraṃ viśvāmitro mahātapāḥ / (2.2)
Par.?
phalamūlāśano dāntaś cacāra paramaṃ tapaḥ // (2.3)
Par.?
athāsya jajñire putrāḥ satyadharmaparāyaṇāḥ / (3.1)
Par.?
haviṣyando madhuṣyando dṛḍhanetro mahārathaḥ // (3.2)
Par.?
pūrṇe varṣasahasre tu brahmā lokapitāmahaḥ / (4.1)
Par.?
abravīn madhuraṃ vākyaṃ viśvāmitraṃ tapodhanam // (4.2)
Par.?
jitā rājarṣilokās te tapasā kuśikātmaja / (5.1)
Par.?
anena tapasā tvāṃ hi rājarṣir iti vidmahe // (5.2)
Par.?
evam uktvā mahātejā jagāma saha daivataiḥ / (6.1)
Par.?
triviṣṭapaṃ brahmalokaṃ lokānāṃ parameśvaraḥ // (6.2)
Par.?
viśvāmitro 'pi tac chrutvā hriyā kiṃcid avāṅmukhaḥ / (7.1) Par.?
duḥkhena mahatāviṣṭaḥ samanyur idam abravīt // (7.2)
Par.?
tapaś ca sumahat taptaṃ rājarṣir iti māṃ viduḥ / (8.1)
Par.?
devāḥ sarṣigaṇāḥ sarve nāsti manye tapaḥphalam // (8.2)
Par.?
evaṃ niścitya manasā bhūya eva mahātapāḥ / (9.1)
Par.?
tapaś cacāra kākutstha paramaṃ paramātmavān // (9.2)
Par.?
etasminn eva kāle tu satyavādī jitendriyaḥ / (10.1)
Par.?
triśaṅkur iti vikhyāta ikṣvākukulanandanaḥ // (10.2)
Par.?
tasya buddhiḥ samutpannā yajeyam iti rāghava / (11.1)
Par.?
gaccheyaṃ svaśarīreṇa devānāṃ paramāṃ gatim // (11.2)
Par.?
sa vasiṣṭhaṃ samāhūya kathayāmāsa cintitam / (12.1)
Par.?
aśakyam iti cāpy ukto vasiṣṭhena mahātmanā // (12.2)
Par.?
pratyākhyāto vasiṣṭhena sa yayau dakṣiṇāṃ diśam / (13.1)
Par.?
vasiṣṭhā dīrghatapasas tapo yatra hi tepire // (13.2)
Par.?
triśaṅkuḥ sumahātejāḥ śataṃ paramabhāsvaram / (14.1)
Par.?
vasiṣṭhaputrān dadṛśe tapyamānān yaśasvinaḥ // (14.2)
Par.?
so 'bhigamya
mahātmanaḥ sarvān eva guroḥ sutān / (15.1)
Par.?
abhivādyānupūrvyeṇa hriyā kiṃcid avāṅmukhaḥ / (15.2)
Par.?
abravīt sumahātejāḥ sarvān eva kṛtāñjaliḥ // (15.3)
Par.?
śaraṇaṃ vaḥ prapadye 'haṃ śaraṇyāñ śaraṇāgataḥ / (16.1)
Par.?
pratyākhyāto 'smi bhadraṃ vo vasiṣṭhena mahātmanā // (16.2)
Par.?
yaṣṭukāmo mahāyajñaṃ tad anujñātum arhatha / (17.1)
Par.?
guruputrān ahaṃ sarvān namaskṛtya prasādaye // (17.2)
Par.?
śirasā praṇato yāce brāhmaṇāṃs tapasi sthitān / (18.1)
Par.?
te māṃ bhavantaḥ siddhyarthaṃ yājayantu samāhitāḥ / (18.2)
Par.?
saśarīro yathāhaṃ hi devalokam avāpnuyām // (18.3)
Par.?
pratyākhyāto vasiṣṭhena gatim anyāṃ tapodhanāḥ / (19.1)
Par.?
guruputrān ṛte sarvān nāhaṃ paśyāmi kāñcana // (19.2)
Par.?
ikṣvākūṇāṃ hi sarveṣāṃ purodhāḥ paramā gatiḥ / (20.1)
Par.?
tasmād anantaraṃ sarve bhavanto daivataṃ mama // (20.2)
Par.?
Duration=0.13523101806641 secs.