UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1155
- Click on a sentence to show its analysis
- Keep the mouse pointer over a lemma to show its meanings.
śrutvā taj jāmadagnyasya vākyaṃ dāśarathis tadā / (1.1)
Par.?
gauravād yantritakathaḥ pitū rāmam athābravīt // (1.2)
Par.?
śrutavān asmi yat karma kṛtavān asi bhārgava / (2.1)
Par.?
anurudhyāmahe brahman pitur ānṛṇyam
āsthitaḥ // (2.2)
Par.?
vīryahīnam ivāśaktaṃ kṣatradharmeṇa bhārgava / (3.1)
Par.?
avajānāmi me tejaḥ paśya me 'dya parākramam // (3.2)
Par.?
ity uktvā rāghavaḥ kruddho bhārgavasya varāyudham / (4.1)
Par.?
śaraṃ ca pratisaṃgṛhya hastāl laghuparākramaḥ // (4.2)
Par.?
āropya sa dhanū rāmaḥ śaraṃ sajyaṃ cakāra ha / (5.1)
Par.?
jāmadagnyaṃ tato rāmaṃ rāmaḥ kruddho 'bravīd vacaḥ // (5.2)
Par.?
brāhmaṇo 'sīti pūjyo me viśvāmitrakṛtena ca / (6.1)
Par.?
tasmāc chakto na te rāma moktuṃ prāṇaharaṃ śaram // (6.2)
Par.?
imāṃ vā tvadgatiṃ rāma
tapobalasamārjitān / (7.1)
Par.?
lokān apratimān vāpi haniṣyāmi yad icchasi // (7.2)
Par.?
na hy ayaṃ vaiṣṇavo divyaḥ śaraḥ parapuraṃjayaḥ / (8.1)
Par.?
moghaḥ patati vīryeṇa baladarpavināśanaḥ // (8.2)
Par.?
varāyudhadharaṃ rāmaṃ draṣṭuṃ sarṣigaṇāḥ surāḥ / (9.1) Par.?
pitāmahaṃ puraskṛtya sametās tatra saṃghaśaḥ // (9.2)
Par.?
gandharvāpsarasaś caiva siddhacāraṇakiṃnarāḥ / (10.1)
Par.?
yakṣarākṣasanāgāś ca tad draṣṭuṃ mahad adbhutam // (10.2)
Par.?
jaḍīkṛte tadā loke rāme varadhanurdhare / (11.1)
Par.?
nirvīryo jāmadagnyo 'sau
ramo rāmam udaikṣata // (11.2)
Par.?
tejobhir hatavīryatvāj jāmadagnyo jaḍīkṛtaḥ / (12.1)
Par.?
rāmaṃ kamalapattrākṣaṃ mandaṃ mandam uvāca ha // (12.2)
Par.?
kāśyapāya mayā dattā yadā pūrvaṃ vasuṃdharā / (13.1)
Par.?
viṣaye me na vastavyam iti māṃ kāśyapo 'bravīt // (13.2)
Par.?
so 'haṃ guruvacaḥ kurvan pṛthivyāṃ na vase niśām / (14.1)
Par.?
iti pratijñā kākutstha kṛtā vai kāśyapasya ha // (14.2)
Par.?
tad imāṃ tvaṃ gatiṃ vīra hantuṃ nārhasi rāghava / (15.1)
Par.?
manojavaṃ gamiṣyāmi mahendraṃ parvatottamam // (15.2)
Par.?
lokās tv apratimā rāma nirjitās tapasā mayā / (16.1)
Par.?
jahi tāñ śaramukhyena mā bhūt kālasya paryayaḥ // (16.2)
Par.?
akṣayyaṃ madhuhantāraṃ jānāmi tvāṃ sureśvaram / (17.1)
Par.?
dhanuṣo 'sya parāmarśāt svasti te 'stu paraṃtapa // (17.2)
Par.?
ete suragaṇāḥ sarve nirīkṣante samāgatāḥ / (18.1)
Par.?
tvām apratimakarmāṇam apratidvandvam āhave // (18.2)
Par.?
na ceyaṃ mama kākutstha vrīḍā bhavitum arhati / (19.1)
Par.?
tvayā trailokyanāthena yad ahaṃ vimukhīkṛtaḥ // (19.2)
Par.?
śaram apratimaṃ rāma moktum arhasi suvrata / (20.1)
Par.?
śaramokṣe gamiṣyāmi mahendraṃ parvatottamam // (20.2)
Par.?
tathā bruvati rāme tu jāmadagnye pratāpavān / (21.1)
Par.?
rāmo dāśarathiḥ śrīmāṃś cikṣepa śaram uttamam // (21.2)
Par.?
tato vitimirāḥ sarvā diśaḥ copadiśas tathā / (22.1)
Par.?
surāḥ sarṣigaṇā rāmaṃ praśaśaṃsur udāyudham // (22.2)
Par.?
rāmaṃ dāśarathiṃ rāmo jāmadagnyaḥ praśasya ca / (23.1)
Par.?
tataḥ pradakṣiṇīkṛtya jagāmātmagatiṃ prabhuḥ // (23.2)
Par.?
Duration=0.091996908187866 secs.