UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1667
- Click on a sentence to show its analysis
- Keep the mouse pointer over a lemma to show its meanings.
tataḥ śūrpaṇakhā dṛṣṭvā sahasrāṇi caturdaśa / (1.1)
Par.?
hatāny ekena rāmeṇa rakṣasāṃ bhīmakarmaṇām // (1.2)
Par.?
dūṣaṇaṃ ca kharaṃ caiva hataṃ triśirasaṃ raṇe / (2.1)
Par.?
dṛṣṭvā punar mahānādaṃ nanāda jaladopamā // (2.2)
Par.?
sā dṛṣṭvā karma rāmasya kṛtam anyaiḥ suduṣkaram / (3.1)
Par.?
jagāma paramodvignā laṅkāṃ rāvaṇapālitām // (3.2)
Par.?
sā dadarśa vimānāgre rāvaṇaṃ dīptatejasam / (4.1)
Par.?
upopaviṣṭaṃ sacivair marudbhir iva vāsavam // (4.2)
Par.?
āsīnaṃ sūryasaṃkāśe kāñcane paramāsane / (5.1)
Par.?
rukmavedigataṃ prājyaṃ jvalantam iva pāvakam // (5.2)
Par.?
devagandharvabhūtānām ṛṣīṇāṃ ca mahātmanām / (6.1)
Par.?
ajeyaṃ samare śūraṃ vyāttānanam ivāntakam // (6.2)
Par.?
devāsuravimardeṣu vajrāśanikṛtavraṇam / (7.1)
Par.?
airāvataviṣāṇāgrair utkṛṣṭakiṇavakṣasam // (7.2)
Par.?
viṃśadbhujaṃ daśagrīvaṃ darśanīyaparicchadam / (8.1)
Par.?
viśālavakṣasaṃ vīraṃ rājalakṣmaṇalakṣitam // (8.2)
Par.?
snigdhavaiḍūryasaṃkāśaṃ taptakāñcanakuṇḍalam / (9.1)
Par.?
subhujaṃ śukladaśanaṃ mahāsyaṃ parvatopamam // (9.2)
Par.?
viṣṇucakranipātaiś ca śataśo devasaṃyuge / (10.1)
Par.?
āhatāṅgaṃ samastaiś ca devapraharaṇais tathā // (10.2)
Par.?
akṣobhyāṇāṃ samudrāṇāṃ kṣobhaṇaṃ kṣiprakāriṇam / (11.1)
Par.?
kṣeptāraṃ parvatāgrāṇāṃ surāṇāṃ ca pramardanam // (11.2)
Par.?
ucchettāraṃ ca dharmāṇāṃ paradārābhimarśanam / (12.1)
Par.?
sarvadivyāstrayoktāraṃ yajñavighnakaraṃ sadā // (12.2)
Par.?
purīṃ bhogavatīṃ gatvā parājitya ca vāsukim / (13.1)
Par.?
takṣakasya priyāṃ bhāryāṃ parājitya jahāra yaḥ // (13.2)
Par.?
kailāsaṃ parvataṃ gatvā vijitya naravāhanam / (14.1)
Par.?
vimānaṃ puṣpakaṃ tasya kāmagaṃ vai jahāra yaḥ // (14.2)
Par.?
vanaṃ caitrarathaṃ divyaṃ nalinīṃ nandanaṃ vanam / (15.1)
Par.?
vināśayati yaḥ krodhād devodyānāni vīryavān // (15.2)
Par.?
candrasūryau mahābhāgāv uttiṣṭhantau paraṃtapau / (16.1) Par.?
nivārayati bāhubhyāṃ yaḥ śailaśikharopamaḥ // (16.2)
Par.?
daśavarṣasahasrāṇi tapas taptvā mahāvane / (17.1)
Par.?
purā svayambhuve dhīraḥ śirāṃsy upajahāra yaḥ // (17.2)
Par.?
devadānavagandharvapiśācapatagoragaiḥ / (18.1)
Par.?
abhayaṃ yasya saṃgrāme mṛtyuto mānuṣād ṛte // (18.2)
Par.?
mantrair abhiṣutaṃ puṇyam adhvareṣu dvijātibhiḥ / (19.1)
Par.?
havirdhāneṣu yaḥ somam upahanti mahābalaḥ // (19.2)
Par.?
āptayajñaharaṃ krūraṃ brahmaghnaṃ duṣṭacāriṇam / (20.1)
Par.?
karkaśaṃ niranukrośaṃ prajānām ahite ratam / (20.2)
Par.?
rāvaṇaṃ sarvabhūtānāṃ sarvalokabhayāvaham // (20.3)
Par.?
rākṣasī bhrātaraṃ krūraṃ sā dadarśa mahābalam / (21.1)
Par.?
taṃ divyavastrābharaṇaṃ divyamālyopaśobhitam / (21.2)
Par.?
rākṣasendraṃ mahābhāgaṃ paulastyakulanandanam // (21.3)
Par.?
tam abravīd dīptaviśālalocanaṃ pradarśayitvā bhayamohamūrchitā / (22.1)
Par.?
sudāruṇaṃ vākyam abhītacāriṇī mahātmanā śūrpaṇakhā virūpitā // (22.2)
Par.?
Duration=0.080690860748291 secs.