UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1737
- Click on a sentence to show its analysis
- Keep the mouse pointer over a lemma to show its meanings.
taṃ śabdam avasuptasya jaṭāyur atha śuśruve / (1.1)
Par.?
niraikṣad rāvaṇaṃ kṣipraṃ vaidehīṃ ca dadarśa saḥ // (1.2)
Par.?
tataḥ parvatakūṭābhas tīkṣṇatuṇḍaḥ khagottamaḥ / (2.1)
Par.?
vanaspatigataḥ śrīmān vyājahāra śubhāṃ giram // (2.2)
Par.?
daśagrīva sthito dharme purāṇe satyasaṃśrayaḥ / (3.1)
Par.?
jaṭāyur nāma nāmnāhaṃ gṛdhrarājo mahābalaḥ // (3.2)
Par.?
rājā sarvasya lokasya mahendravaruṇopamaḥ / (4.1)
Par.?
lokānāṃ ca hite yukto rāmo daśarathātmajaḥ // (4.2)
Par.?
tasyaiṣā lokanāthasya dharmapatnī yaśasvinī / (5.1)
Par.?
sītā nāma varārohā yāṃ tvaṃ hartum ihecchasi // (5.2)
Par.?
kathaṃ rājā sthito dharme paradārān parāmṛśet / (6.1)
Par.?
rakṣaṇīyā viśeṣeṇa rājadārā mahābala / (6.2) Par.?
nivartaya matiṃ nīcāṃ paradārābhimarśanam // (6.3)
Par.?
na tat samācared dhīro yat paro 'sya vigarhayet / (7.1)
Par.?
yathātmanas tathānyeṣāṃ dārā rakṣyā vimarśanāt // (7.2)
Par.?
arthaṃ vā yadi vā kāmaṃ śiṣṭāḥ śāstreṣvanāgatam / (8.1)
Par.?
vyavasyanty anu rājānaṃ dharmaṃ paulastyanandana // (8.2)
Par.?
rājā dharmaś ca kāmaś ca dravyāṇāṃ cottamo nidhiḥ / (9.1)
Par.?
dharmaḥ śubhaṃ vā pāpaṃ vā rājamūlaṃ pravartate // (9.2)
Par.?
pāpasvabhāvaś capalaḥ kathaṃ tvaṃ rakṣasāṃ vara / (10.1)
Par.?
aiśvaryam abhisamprāpto vimānam iva duṣkṛtiḥ // (10.2)
Par.?
kāmasvabhāvo yo yasya na sa śakyaḥ pramārjitum / (11.1)
Par.?
na hi duṣṭātmanām āryamāvasaty ālaye ciram // (11.2)
Par.?
viṣaye vā pure vā te yadā rāmo mahābalaḥ / (12.1)
Par.?
nāparādhyati dharmātmā kathaṃ tasyāparādhyasi // (12.2)
Par.?
yadi śūrpaṇakhāhetor janasthānagataḥ kharaḥ / (13.1)
Par.?
ativṛtto hataḥ pūrvaṃ rāmeṇākliṣṭakarmaṇā // (13.2)
Par.?
atra brūhi yathāsatyaṃ ko rāmasya vyatikramaḥ / (14.1)
Par.?
yasya tvaṃ lokanāthasya hṛtvā bhāryāṃ gamiṣyasi // (14.2)
Par.?
kṣipraṃ visṛja vaidehīṃ mā tvā ghoreṇa cakṣuṣā / (15.1)
Par.?
dahed dahanabhūtena vṛtram indrāśanir yathā // (15.2)
Par.?
sarpam āśīviṣaṃ baddhvā vastrānte nāvabudhyase / (16.1)
Par.?
grīvāyāṃ pratimuktaṃ ca kālapāśaṃ na paśyasi // (16.2)
Par.?
sa bhāraḥ saumya bhartavyo yo naraṃ nāvasādayet / (17.1)
Par.?
tad annam upabhoktavyaṃ jīryate yad anāmayam // (17.2)
Par.?
yat kṛtvā na bhaved dharmo na kīrtir na yaśo bhuvi / (18.1)
Par.?
śarīrasya bhavet khedaḥ kas tat karma samācaret // (18.2)
Par.?
ṣaṣṭivarṣasahasrāṇi mama jātasya rāvaṇa / (19.1)
Par.?
pitṛpaitāmahaṃ rājyaṃ yathāvad anutiṣṭhataḥ // (19.2)
Par.?
vṛddho 'haṃ tvaṃ yuvā dhanvī sarathaḥ kavacī śarī / (20.1)
Par.?
tathāpy ādāya vaidehīṃ kuśalī na gamiṣyasi // (20.2)
Par.?
na śaktas tvaṃ balāddhartuṃ vaidehīṃ mama paśyataḥ / (21.1)
Par.?
hetubhir nyāyasaṃyuktair dhruvāṃ vedaśrutim iva // (21.2)
Par.?
yudhyasva yadi śūro 'si muhūrtaṃ tiṣṭha rāvaṇa / (22.1)
Par.?
śayiṣyase hato bhūmau yathāpūrvaṃ kharas tathā // (22.2)
Par.?
asakṛt saṃyuge yena nihatā daityadānavāḥ / (23.1)
Par.?
nacirāc cīravāsās tvāṃ rāmo yudhi vadhiṣyati // (23.2)
Par.?
kiṃ nu śakyaṃ mayā kartuṃ gatau dūraṃ nṛpātmajau / (24.1)
Par.?
kṣipraṃ tvaṃ naśyase nīca tayor bhīto na saṃśayaḥ // (24.2)
Par.?
na hi me jīvamānasya nayiṣyasi śubhām imām / (25.1)
Par.?
sītāṃ kamalapattrākṣīṃ rāmasya mahiṣīṃ priyām // (25.2)
Par.?
avaśyaṃ tu mayā kāryaṃ priyaṃ tasya mahātmanaḥ / (26.1)
Par.?
jīvitenāpi rāmasya tathā daśarathasya ca // (26.2)
Par.?
tiṣṭha tiṣṭha daśagrīva muhūrtaṃ paśya rāvaṇa / (27.1)
Par.?
yuddhātithyaṃ pradāsyāmi yathāprāṇaṃ niśācara / (27.2)
Par.?
vṛntād iva phalaṃ tvāṃ tu pātayeyaṃ rathottamāt // (27.3)
Par.?
Duration=0.091638088226318 secs.