UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1745
- Click on a sentence to show its analysis
- Keep the mouse pointer over a lemma to show its meanings.
kham utpatantaṃ taṃ dṛṣṭvā maithilī janakātmajā / (1.1)
Par.?
duḥkhitā paramodvignā bhaye mahati vartinī // (1.2)
Par.?
roṣarodanatāmrākṣī bhīmākṣaṃ rākṣasādhipam / (2.1)
Par.?
rudatī karuṇaṃ sītā hriyamāṇedam abravīt // (2.2)
Par.?
na vyapatrapase nīca karmaṇānena rāvaṇa / (3.1)
Par.?
jñātvā virahitāṃ yo māṃ corayitvā palāyase // (3.2)
Par.?
tvayaiva nūnaṃ duṣṭātman bhīruṇā hartum icchatā / (4.1)
Par.?
mamāpavāhito bhartā mṛgarūpeṇa māyayā / (4.2)
Par.?
yo hi mām udyatas trātuṃ so 'py ayaṃ vinipātitaḥ // (4.3)
Par.?
paramaṃ khalu te vīryaṃ dṛśyate rākṣasādhama / (5.1) Par.?
viśrāvya nāmadheyaṃ hi yuddhe nāsti jitā tvayā // (5.2)
Par.?
īdṛśaṃ garhitaṃ karma kathaṃ kṛtvā na lajjase / (6.1)
Par.?
striyāś ca haraṇaṃ nīca rahite ca parasya ca // (6.2)
Par.?
kathayiṣyanti lokeṣu puruṣāḥ karma kutsitam / (7.1)
Par.?
sunṛśaṃsam adharmiṣṭhaṃ tava śauṇḍīryamāninaḥ // (7.2)
Par.?
dhik te śauryaṃ ca sattvaṃ ca yat tvayā kathitaṃ tadā / (8.1)
Par.?
kulākrośakaraṃ loke dhik te cāritram īdṛśam // (8.2)
Par.?
kiṃ śakyaṃ kartum evaṃ hi yaj javenaiva dhāvasi / (9.1)
Par.?
muhūrtam api tiṣṭhasva na jīvan pratiyāsyasi // (9.2)
Par.?
na hi cakṣuḥpathaṃ prāpya tayoḥ pārthivaputrayoḥ / (10.1)
Par.?
sasainyo 'pi samarthas tvaṃ muhūrtam api jīvitum // (10.2)
Par.?
na tvaṃ tayoḥ śarasparśaṃ soḍhuṃ śaktaḥ kathaṃcana / (11.1)
Par.?
vane prajvalitasyeva sparśam agner vihaṃgamaḥ // (11.2)
Par.?
sādhu kṛtvātmanaḥ pathyaṃ sādhu māṃ muñca rāvaṇa / (12.1)
Par.?
matpradharṣaṇaruṣṭo hi bhrātrā saha patir mama / (12.2)
Par.?
vidhāsyati vināśāya tvaṃ māṃ yadi na muñcasi // (12.3)
Par.?
yena tvaṃ vyavasāyena balān māṃ hartum icchasi / (13.1)
Par.?
vyavasāyaḥ sa te nīca bhaviṣyati nirarthakaḥ // (13.2)
Par.?
na hy ahaṃ tam apaśyantī bhartāraṃ vibudhopamam / (14.1)
Par.?
utsahe śatruvaśagā prāṇān dhārayituṃ ciram // (14.2)
Par.?
na nūnaṃ cātmanaḥ śreyaḥ pathyaṃ vā samavekṣase / (15.1)
Par.?
mṛtyukāle yathā martyo viparītāni sevate // (15.2)
Par.?
mumūrṣūṇāṃ hi sarveṣāṃ yat pathyaṃ tan na rocate / (16.1)
Par.?
paśyāmīva hi kaṇṭhe tvāṃ kālapāśāvapāśitam // (16.2)
Par.?
yathā cāsmin bhayasthāne na bibheṣi daśānana / (17.1)
Par.?
vyaktaṃ hiraṇmayān hi tvaṃ saṃpaśyasi mahīruhān // (17.2)
Par.?
nadīṃ vaitaraṇīṃ ghorāṃ rudhiraughanivāhinīm / (18.1)
Par.?
khaḍgapattravanaṃ caiva bhīmaṃ paśyasi rāvaṇa // (18.2)
Par.?
taptakāñcanapuṣpāṃ ca vaiḍūryapravaracchadām / (19.1)
Par.?
drakṣyase śālmalīṃ tīkṣṇām āyasaiḥ kaṇṭakaiś citām // (19.2)
Par.?
na hi tvam īdṛśaṃ kṛtvā tasyālīkaṃ mahātmanaḥ / (20.1)
Par.?
dharituṃ śakṣyasi ciraṃ viṣaṃ pītveva nirghṛṇaḥ // (20.2)
Par.?
baddhas tvaṃ kālapāśena durnivāreṇa rāvaṇa / (21.1)
Par.?
kva gato lapsyase śarma bhartur mama mahātmanaḥ // (21.2)
Par.?
nimeṣāntaramātreṇa vinā bhrātaram āhave / (22.1)
Par.?
rākṣasā nihatā yena sahasrāṇi caturdaśa // (22.2)
Par.?
sa kathaṃ rāghavo vīraḥ sarvāstrakuśalo balī / (23.1)
Par.?
na tvāṃ hanyāc charais tīkṣṇair iṣṭabhāryāpahāriṇam // (23.2)
Par.?
etac cānyac ca paruṣaṃ vaidehī rāvaṇāṅkagā / (24.1)
Par.?
bhayaśokasamāviṣṭā karuṇaṃ vilalāpa ha // (24.2)
Par.?
tathā bhṛśārtāṃ bahu caiva bhāṣiṇīṃ vilalāpa pūrvaṃ karuṇaṃ ca bhāminīm / (25.1)
Par.?
jahāra pāpas taruṇīṃ viveṣṭatīṃ nṛpātmajām āgatagātravepathum // (25.2)
Par.?
Duration=0.082351922988892 secs.