UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1755
- Click on a sentence to show its analysis
- Keep the mouse pointer over a lemma to show its meanings.
bhṛśam āvrajamānasya tasyādhovāmalocanam / (1.1)
Par.?
prāsphurac cāskhalad rāmo vepathuś cāsya jāyate // (1.2)
Par.?
upālakṣya nimittāni so 'śubhāni muhur muhuḥ / (2.1)
Par.?
api kṣemaṃ tu sītāyā iti vai vyājahāra ha // (2.2) Par.?
tvaramāṇo jagāmātha sītādarśanalālasaḥ / (3.1)
Par.?
śūnyam āvasathaṃ dṛṣṭvā babhūvodvignamānasaḥ // (3.2)
Par.?
udbhramann iva vegena vikṣipan raghunandanaḥ / (4.1)
Par.?
tatra tatroṭajasthānam abhivīkṣya samantataḥ // (4.2)
Par.?
dadarśa parṇaśālāṃ ca rahitāṃ sītayā tadā / (5.1)
Par.?
śriyā virahitāṃ dhvastāṃ hemante padminīm iva // (5.2)
Par.?
rudantam iva vṛkṣaiś ca mlānapuṣpamṛgadvijam / (6.1)
Par.?
śriyā vihīnaṃ vidhvastaṃ saṃtyaktavanadaivatam // (6.2)
Par.?
viprakīrṇājinakuśaṃ vipraviddhabṛsīkaṭam / (7.1)
Par.?
dṛṣṭvā śūnyoṭajasthānaṃ vilalāpa punaḥ punaḥ // (7.2)
Par.?
hṛtā mṛtā vā naṣṭā vā bhakṣitā vā bhaviṣyati / (8.1)
Par.?
nilīnāpy atha vā bhīrur atha vā vanam āśritā // (8.2)
Par.?
gatā vicetuṃ puṣpāṇi phalāny api ca vā punaḥ / (9.1)
Par.?
atha vā padminīṃ yātā jalārthaṃ vā nadīṃ gatā // (9.2)
Par.?
yatnān mṛgayamāṇas tu nāsasāda vane priyām / (10.1)
Par.?
śokaraktekṣaṇaḥ śokād unmatta iva lakṣyate // (10.2)
Par.?
vṛkṣād vṛkṣaṃ pradhāvan sa girīṃś cāpi nadīn nadīm / (11.1)
Par.?
babhūva vilapan rāmaḥ śokapaṅkārṇavaplutaḥ // (11.2)
Par.?
asti kaccit tvayā dṛṣṭā sā kadambapriyā priyā / (12.1)
Par.?
kadamba yadi jānīṣe śaṃsa sītāṃ śubhānanām // (12.2)
Par.?
snigdhapallavasaṃkāśāṃ pītakauśeyavāsinīm / (13.1)
Par.?
śaṃsasva yadi vā dṛṣṭā bilva bilvopamastanī // (13.2)
Par.?
atha vārjuna śaṃsa tvaṃ priyāṃ tām arjunapriyām / (14.1)
Par.?
janakasya sutā bhīrur yadi jīvati vā na vā // (14.2)
Par.?
kakubhaḥ kakubhoruṃ tāṃ vyaktaṃ jānāti maithilīm / (15.1)
Par.?
latāpallavapuṣpāḍhyo bhāti hy eṣa vanaspatiḥ // (15.2)
Par.?
bhramarair upagītaś ca yathā drumavaro hy ayam / (16.1)
Par.?
eṣa vyaktaṃ vijānāti tilakas tilakapriyām // (16.2)
Par.?
aśoka śokāpanuda śokopahatacetasam / (17.1)
Par.?
tvannāmānaṃ kuru kṣipraṃ priyāsaṃdarśanena mām // (17.2)
Par.?
yadi tāla tvayā dṛṣṭā pakvatālaphalastanī / (18.1)
Par.?
kathayasva varārohāṃ kāruṇyaṃ yadi te mayi // (18.2)
Par.?
yadi dṛṣṭā tvayā sītā jambu jāmbūnadaprabhā / (19.1)
Par.?
priyāṃ yadi vijānīṣe niḥśaṅkaṃ kathayasva me // (19.2)
Par.?
atha vā mṛgaśāvākṣīṃ mṛga jānāsi maithilīm / (20.1)
Par.?
mṛgaviprekṣaṇī kāntā mṛgībhiḥ sahitā bhavet // (20.2)
Par.?
gaja sā gajanāsorur yadi dṛṣṭā tvayā bhavet / (21.1)
Par.?
tāṃ manye viditāṃ tubhyam ākhyāhi varavāraṇa // (21.2)
Par.?
śārdūla yadi sā dṛṣṭā priyā candranibhānanā / (22.1)
Par.?
maithilī mama viśrabdhaḥ kathayasva na te bhayam // (22.2)
Par.?
kiṃ dhāvasi priye nūnaṃ dṛṣṭāsi kamalekṣaṇe / (23.1)
Par.?
vṛkṣeṇācchādya cātmānaṃ kiṃ māṃ na pratibhāṣase // (23.2)
Par.?
tiṣṭha tiṣṭha varārohe na te 'sti karuṇā mayi / (24.1)
Par.?
nātyarthaṃ hāsyaśīlāsi kimarthaṃ mām upekṣase // (24.2)
Par.?
pītakauśeyakenāsi sūcitā varavarṇini / (25.1)
Par.?
dhāvanty api mayā dṛṣṭā tiṣṭha yady asti sauhṛdam // (25.2)
Par.?
naiva sā nūnam atha vā hiṃsitā cāruhāsinī / (26.1)
Par.?
kṛcchraṃ prāptaṃ hi māṃ nūnaṃ yathopekṣitum arhati // (26.2)
Par.?
vyaktaṃ sā bhakṣitā bālā rākṣasaiḥ piśitāśanaiḥ / (27.1)
Par.?
vibhajyāṅgāni sarvāṇi mayā virahitā priyā // (27.2)
Par.?
nūnaṃ tac chubhadantauṣṭhaṃ mukhaṃ niṣprabhatāṃ gatam / (28.1)
Par.?
sā hi campakavarṇābhā grīvā graiveyaśobhitā // (28.2)
Par.?
komalā vilapantyās tu kāntāyā bhakṣitā śubhā / (29.1)
Par.?
nūnaṃ vikṣipyamāṇau tau bāhū pallavakomalau // (29.2)
Par.?
bhakṣitau vepamānāgrau sahastābharaṇāṅgadau / (30.1)
Par.?
mayā virahitā bālā rakṣasāṃ bhakṣaṇāya vai // (30.2)
Par.?
sārtheneva parityaktā bhakṣitā bahubāndhavā / (31.1)
Par.?
hā lakṣmaṇa mahābāho paśyasi tvaṃ priyāṃ kvacit // (31.2)
Par.?
hā priye kva gatā bhadre hā sīteti punaḥ punaḥ / (32.1)
Par.?
ity evaṃ vilapan rāmaḥ paridhāvan vanād vanam // (32.2)
Par.?
kvacid udbhramate vegāt kvacid vibhramate balāt / (33.1)
Par.?
kvacin matta ivābhāti kāntānveṣaṇatatparaḥ // (33.2)
Par.?
sa vanāni nadīḥ śailān giriprasravaṇāni ca / (34.1)
Par.?
kānanāni ca vegena bhramaty aparisaṃsthitaḥ // (34.2)
Par.?
tathā sa gatvā vipulaṃ mahad vanaṃ parītya sarvaṃ tv atha maithilīṃ prati / (35.1)
Par.?
aniṣṭhitāśaḥ sa cakāra mārgaṇe punaḥ priyāyāḥ paramaṃ pariśramam // (35.2)
Par.?
Duration=0.16173791885376 secs.