UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 1826
- Click on a sentence to show its analysis
- Keep the mouse pointer over a lemma to show its meanings.
etac ca vacanaṃ śrutvā sugrīveṇa subhāṣitam / (1.1)
Par.?
pratyayārthaṃ mahātejā rāmo jagrāha kārmukam // (1.2)
Par.?
sa gṛhītvā dhanur ghoraṃ śaram ekaṃ ca mānadaḥ / (2.1)
Par.?
sālān uddiśya cikṣepa jyāsvanaiḥ pūrayan diśaḥ // (2.2)
Par.?
sa visṛṣṭo balavatā bāṇaḥ svarṇapariṣkṛtaḥ / (3.1)
Par.?
bhittvā sālān giriprasthe sapta bhūmiṃ viveśa ha // (3.2)
Par.?
praviṣṭas tu muhūrtena rasāṃ bhittvā mahājavaḥ / (4.1)
Par.?
niṣpatya ca punas tūrṇaṃ svatūṇīṃ praviveśa ha // (4.2)
Par.?
tān dṛṣṭvā sapta nirbhinnān sālān vānarapuṃgavaḥ / (5.1)
Par.?
rāmasya śaravegena vismayaṃ paramaṃ gataḥ // (5.2)
Par.?
sa mūrdhnā nyapatad bhūmau pralambīkṛtabhūṣaṇaḥ / (6.1)
Par.?
sugrīvaḥ paramaprīto rāghavāya kṛtāñjaliḥ // (6.2)
Par.?
idaṃ covāca dharmajñaṃ karmaṇā tena harṣitaḥ / (7.1)
Par.?
rāmaṃ sarvāstraviduṣāṃ śreṣṭhaṃ śūram avasthitam // (7.2)
Par.?
sendrān api surān sarvāṃs tvaṃ bāṇaiḥ puruṣarṣabha / (8.1)
Par.?
samarthaḥ samare hantuṃ kiṃ punar vālinaṃ prabho // (8.2)
Par.?
yena sapta mahāsālā girir bhūmiś ca dāritāḥ / (9.1)
Par.?
bāṇenaikena kākutstha sthātā te ko raṇāgrataḥ // (9.2)
Par.?
adya me vigataḥ śokaḥ prītir adya parā mama / (10.1)
Par.?
suhṛdaṃ tvāṃ samāsādya mahendravaruṇopamam // (10.2)
Par.?
tam adyaiva priyārthaṃ me vairiṇaṃ bhrātṛrūpiṇam / (11.1)
Par.?
vālinaṃ jahi kākutstha mayā baddho 'yam añjaliḥ // (11.2)
Par.?
tato rāmaḥ pariṣvajya sugrīvaṃ priyadarśanam / (12.1)
Par.?
pratyuvāca mahāprājño lakṣmaṇānumataṃ vacaḥ // (12.2)
Par.?
asmād gacchāma kiṣkindhāṃ kṣipraṃ gaccha tvam agrataḥ / (13.1)
Par.?
gatvā cāhvaya sugrīva vālinaṃ bhrātṛgandhinam // (13.2)
Par.?
sarve te tvaritaṃ gatvā kiṣkindhāṃ vālinaḥ purīm / (14.1)
Par.?
vṛkṣair ātmānam āvṛtya vyatiṣṭhan gahane vane // (14.2)
Par.?
sugrīvo vyanadad ghoraṃ vālino hvānakāraṇāt / (15.1)
Par.?
gāḍhaṃ parihito vegān nādair bhindann ivāmbaram // (15.2)
Par.?
taṃ śrutvā ninadaṃ bhrātuḥ kruddho vālī mahābalaḥ / (16.1)
Par.?
niṣpapāta susaṃrabdho bhāskaro 'stataṭād iva // (16.2)
Par.?
tataḥ sutumulaṃ yuddhaṃ vālisugrīvayor abhūt / (17.1)
Par.?
gagane grahayor ghoraṃ budhāṅgārakayor iva // (17.2)
Par.?
talair aśanikalpaiś ca vajrakalpaiś ca muṣṭibhiḥ / (18.1)
Par.?
jaghnatuḥ samare 'nyonyaṃ bhrātarau krodhamūrchitau // (18.2)
Par.?
tato rāmo dhanuṣpāṇis tāv ubhau samudīkṣya tu / (19.1)
Par.?
anyonyasadṛśau vīrāv ubhau devāv ivāśvinau // (19.2) Par.?
yan nāvagacchat sugrīvaṃ vālinaṃ vāpi rāghavaḥ / (20.1)
Par.?
tato na kṛtavān buddhiṃ moktum antakaraṃ śaram // (20.2)
Par.?
etasminn antare bhagnaḥ sugrīvas tena vālinā / (21.1)
Par.?
apaśyan rāghavaṃ nātham ṛśyamūkaṃ pradudruve // (21.2)
Par.?
klānto rudhirasiktāṅgaḥ prahārair jarjarīkṛtaḥ / (22.1)
Par.?
vālinābhidrutaḥ krodhāt praviveśa mahāvanam // (22.2)
Par.?
taṃ praviṣṭaṃ vanaṃ dṛṣṭvā vālī śāpabhayāt tataḥ / (23.1)
Par.?
mukto hy asi tvam ity uktvā sa nivṛtto mahābalaḥ // (23.2)
Par.?
rāghavo 'pi saha bhrātrā saha caiva hanūmatā / (24.1)
Par.?
tad eva vanam āgacchat sugrīvo yatra vānaraḥ // (24.2)
Par.?
taṃ samīkṣyāgataṃ rāmaṃ sugrīvaḥ sahalakṣmaṇam / (25.1)
Par.?
hrīmān dīnam uvācedaṃ vasudhām avalokayan // (25.2)
Par.?
āhvayasveti mām uktvā darśayitvā ca vikramam / (26.1)
Par.?
vairiṇā ghātayitvā ca kim idānīṃ tvayā kṛtam // (26.2)
Par.?
tām eva velāṃ vaktavyaṃ tvayā rāghava tattvataḥ / (27.1)
Par.?
vālinaṃ na nihanmīti tato nāham ito vraje // (27.2)
Par.?
tasya caivaṃ bruvāṇasya sugrīvasya mahātmanaḥ / (28.1)
Par.?
karuṇaṃ dīnayā vācā rāghavaḥ punar abravīt // (28.2)
Par.?
sugrīva śrūyatāṃ tāta krodhaś ca vyapanīyatām / (29.1)
Par.?
kāraṇaṃ yena bāṇo 'yaṃ na mayā sa visarjitaḥ // (29.2)
Par.?
alaṃkāreṇa veṣeṇa pramāṇena gatena ca / (30.1)
Par.?
tvaṃ ca sugrīva vālī ca sadṛśau sthaḥ parasparam // (30.2)
Par.?
svareṇa varcasā caiva prekṣitena ca vānara / (31.1)
Par.?
vikrameṇa ca vākyaiś ca vyaktiṃ vāṃ nopalakṣaye // (31.2)
Par.?
tato 'haṃ rūpasādṛśyān mohito vānarottama / (32.1)
Par.?
notsṛjāmi mahāvegaṃ śaraṃ śatrunibarhaṇam // (32.2)
Par.?
etanmuhūrte tu mayā paśya vālinam āhave / (33.1)
Par.?
nirastam iṣuṇaikena veṣṭamānaṃ mahītale // (33.2)
Par.?
abhijñānaṃ kuruṣva tvam ātmano vānareśvara / (34.1)
Par.?
yena tvām abhijānīyāṃ dvaṃdvayuddham upāgatam // (34.2)
Par.?
gajapuṣpīm imāṃ phullām utpāṭya śubhalakṣaṇām / (35.1)
Par.?
kuru lakṣmaṇa kaṇṭhe 'sya sugrīvasya mahātmanaḥ // (35.2)
Par.?
tato giritaṭe jātām utpāṭya kusumāyutām / (36.1)
Par.?
lakṣmaṇo gajapuṣpīṃ tāṃ tasya kaṇṭhe vyasarjayat // (36.2)
Par.?
sa tathā śuśubhe śrīmāṃl latayā kaṇṭhasaktayā / (37.1)
Par.?
mālayeva balākānāṃ sasaṃdhya iva toyadaḥ // (37.2)
Par.?
vibhrājamāno vapuṣā rāmavākyasamāhitaḥ / (38.1)
Par.?
jagāma saha rāmeṇa kiṣkindhāṃ vālipālitām // (38.2)
Par.?
Duration=0.15577101707458 secs.