Texts

dūta uvāca / (1.1) Par.?

janyārtham annaṃ drupadena rājñā vivāhahetor upasaṃskṛtaṃ ca / (1.2) Par.?

tad āpnuvadhvaṃ kṛtasarvakāryāḥ kṛṣṇā ca tatraiva ciraṃ na kāryam // (1.3) Par.?

ime rathāḥ kāñcanapadmacitrāḥ sadaśvayuktā vasudhādhipārhāḥ / (2.1) Par.?

etān samāruhya paraita sarve pāñcālarājasya niveśanaṃ tat // (2.2) Par.?

vaiśaṃpāyana uvāca / (3.1) Par.?

tataḥ prayātāḥ kurupuṃgavāste purohitaṃ taṃ prathamaṃ prayāpya / (3.2) Par.?

āsthāya yānāni mahānti tāni kuntī ca kṛṣṇā ca sahaiva yāte / (3.3) Par.?

*susnāpitāḥ sākṣatalājadhānair varair ghaṭaiścandanavāripūrṇaiḥ / (3.4) Par.?

*strībhiḥ sugandhāmbaramālyadāmair vibhūṣitā ābharaṇair vicitraiḥ / (3.5) Par.?

*māṅgalyagītadhvanivādyaśabdair manoharaiḥ puṇyavatāṃ pravṛddhaiḥ / (3.6) Par.?

*saṃgīyamānāḥ prayayuḥ prahṛṣṭā dīpair jvaladbhiḥ sahitāśca vipraiḥ / (3.7) Par.?

*sa vai tathoktastu yudhiṣṭhireṇa pāñcālarājasya purohitāgryaḥ / (3.8) Par.?

*yathoktaṃ kurunandanena nivedayāmāsa nṛpāya gatvā // (3.9) Par.?

śrutvā tu vākyāni purohitasya yānyuktavān bhārata dharmarājaḥ / (4.1) Par.?

jijñāsayaivātha kurūttamānāṃ dravyāṇyanekānyupasaṃjahāra // (4.2) Par.?

phalāni mālyāni susaṃskṛtāni carmāṇi varmāṇi tathāsanāni / (5.1) Par.?

gāścaiva rājann atha caiva rajjūr dravyāṇi cānyāni kṛṣīnimittam // (5.2) Par.?

anyeṣu śilpeṣu ca yānyapi syuḥ sarvāṇi kﾱptānyakhilena tatra / (6.1) Par.?

krīḍānimittāni ca yāni tāni sarvāṇi tatropajahāra rājā // (6.2) Par.?

rathāśvavarmāṇi ca bhānumanti khaḍgā mahānto 'śvarathāśca citrāḥ / (7.1) Par.?

dhanūṃṣi cāgryāṇi śarāśca mukhyāḥ śaktyṛṣṭayaḥ kāñcanabhūṣitāśca // (7.2) Par.?

prāsā bhuśuṇḍyaśca paraśvadhāśca sāṃgrāmikaṃ caiva tathaiva sarvam / (8.1) Par.?

śayyāsanānyuttamasaṃskṛtāni tathaiva cāsan vividhāni tatra // (8.2) Par.?

kuntī tu kṛṣṇāṃ parigṛhya sādhvīm antaḥpuraṃ drupadasyāviveṣa / (9.1) Par.?

striyaśca tāṃ kauravarājapatnīṃ pratyarcayāṃcakrur adīnasattvāḥ // (9.2) Par.?

tān siṃhavikrāntagatīn avekṣya maharṣabhākṣān ajinottarīyān / (10.1) Par.?

gūḍhottarāṃsān bhujagendrabhogapralambabāhūn puruṣapravīrān // (10.2) Par.?

rājā ca rājñaḥ sacivāśca sarve putrāśca rājñaḥ suhṛdastathaiva / (11.1) Par.?

preṣyāśca sarve nikhilena rājan harṣaṃ samāpetur atīva tatra // (11.2) Par.?

te tatra vīrāḥ paramāsaneṣu sapādapīṭheṣvaviśaṅkamānāḥ / (12.1) Par.?

yathānupūrvyā viviśur narāgryās tadā mahārheṣu na vismayantaḥ // (12.2) Par.?

uccāvacaṃ pārthivabhojanīyaṃ pātrīṣu jāmbūnadarājatīṣu / (13.1) Par.?

dāsāśca dāsyaśca sumṛṣṭaveṣāḥ bhojāpakāś cāpyupajahrur annam // (13.2) Par.?

te tatra bhuktvā puruṣapravīrā yathānukāmaṃ subhṛśaṃ pratītāḥ / (14.1) Par.?

utkramya sarvāṇi vasūni tatra sāṃgrāmikānyāviviśur nṛvīrāḥ // (14.2) Par.?

tal lakṣayitvā drupadasya putro rājā ca sarvaiḥ saha mantrimukhyaiḥ / (15.1) Par.?

samarcayāmāsur upetya hṛṣṭāḥ kuntīsutān pārthivaputrapautrān // (15.2) Par.?