UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9279
- Click on a sentence to show its analysis
- Keep the mouse pointer over a lemma to show its meanings.
vāsudeva uvāca / (1.1)
Par.?
eṣa pārtha mahān svāduḥ paśumānnityam ambumān / (1.2)
Par.?
nirāmayaḥ suveśmāḍhyo niveśo māgadhaḥ śubhaḥ // (1.3)
Par.?
vaihāro vipulaḥ śailo varāho vṛṣabhastathā / (2.1)
Par.?
tathaivarṣigiristāta śubhāścaityakapañcamāḥ // (2.2)
Par.?
ete pañca mahāśṛṅgāḥ parvatāḥ śītaladrumāḥ / (3.1)
Par.?
rakṣantīvābhisaṃhatya saṃhatāṅgā girivrajam // (3.2)
Par.?
puṣpaveṣṭitaśākhāgrair gandhavadbhir manoramaiḥ / (4.1)
Par.?
nigūḍhā iva lodhrāṇāṃ vanaiḥ kāmijanapriyaiḥ // (4.2)
Par.?
śūdrāyāṃ gautamo yatra mahātmā saṃśitavrataḥ / (5.1)
Par.?
auśīnaryām ajanayat kākṣīvādīn sutān ṛṣiḥ // (5.2)
Par.?
gautamaḥ kṣayaṇād asmād athāsau tatra veśmani / (6.1)
Par.?
bhajate māgadhaṃ vaṃśaṃ sa nṛpāṇām anugrahāt // (6.2)
Par.?
aṅgavaṅgādayaścaiva rājānaḥ sumahābalāḥ / (7.1)
Par.?
gautamakṣayam abhyetya ramante sma purārjuna // (7.2)
Par.?
vanarājīstu paśyemāḥ priyālānāṃ manoramāḥ / (8.1)
Par.?
lodhrāṇāṃ ca śubhāḥ pārtha gautamaukaḥsamīpajāḥ // (8.2)
Par.?
arbudaḥ śakravāpī ca pannagau śatrutāpanau / (9.1)
Par.?
svastikasyālayaścātra maṇināgasya cottamaḥ // (9.2)
Par.?
aparihāryā meghānāṃ māgadheyaṃ maṇeḥ kṛte / (10.1)
Par.?
kauśiko maṇimāṃścaiva vavṛdhāte hyanugraham // (10.2)
Par.?
arthasiddhiṃ tvanapagāṃ jarāsaṃdho 'bhimanyate / (11.1)
Par.?
vayam āsādane tasya darpam adya nihanma hi // (11.2)
Par.?
vaiśaṃpāyana uvāca / (12.1)
Par.?
evam uktvā tataḥ sarve bhrātaro vipulaujasaḥ / (12.2)
Par.?
vārṣṇeyaḥ pāṇḍaveyau ca pratasthur māgadhaṃ puram // (12.3)
Par.?
tuṣṭapuṣṭajanopetaṃ cāturvarṇyajanākulam / (13.1)
Par.?
sphītotsavam anādhṛṣyam āseduśca girivrajam // (13.2)
Par.?
te 'tha dvāram anāsādya purasya girim ucchritam / (14.1)
Par.?
bārhadrathaiḥ pūjyamānaṃ tathā nagaravāsibhiḥ // (14.2)
Par.?
yatra māṣādam ṛṣabham āsasāda bṛhadrathaḥ / (15.1)
Par.?
taṃ hatvā māṣanālāśca tisro bherīr akārayat // (15.2)
Par.?
ānahya carmaṇā tena sthāpayāmāsa sve pure / (16.1)
Par.?
yatra tāḥ prāṇadan bheryo divyapuṣpāvacūrṇitāḥ // (16.2)
Par.?
māgadhānāṃ suruciraṃ caityakāntaṃ samādravan / (17.1)
Par.?
śirasīva jighāṃsanto jarāsaṃdhajighāṃsavaḥ // (17.2)
Par.?
sthiraṃ suvipulaṃ śṛṅgaṃ sumahāntaṃ purātanam / (18.1)
Par.?
arcitaṃ mālyadāmaiśca satataṃ supratiṣṭhitam // (18.2)
Par.?
vipulair bāhubhir vīrāste 'bhihatyābhyapātayan / (19.1)
Par.?
tataste māgadhaṃ dṛṣṭvā puraṃ praviviśustadā // (19.2)
Par.?
etasminn eva kāle tu jarāsaṃdhaṃ samarcayan / (20.1)
Par.?
paryagni kurvaṃśca nṛpaṃ dviradasthaṃ purohitāḥ // (20.2)
Par.?
snātakavratinaste tu bāhuśastrā nirāyudhāḥ / (21.1)
Par.?
yuyutsavaḥ praviviśur jarāsaṃdhena bhārata // (21.2)
Par.?
bhakṣyamālyāpaṇānāṃ ca dadṛśuḥ śriyam uttamām / (22.1)
Par.?
sphītāṃ sarvaguṇopetāṃ sarvakāmasamṛddhinīm // (22.2)
Par.?
tāṃ tu dṛṣṭvā samṛddhiṃ te vīthyāṃ tasyāṃ narottamāḥ / (23.1)
Par.?
rājamārgeṇa gacchantaḥ kṛṣṇabhīmadhanaṃjayāḥ // (23.2)
Par.?
balād gṛhītvā mālyāni mālākārānmahābalāḥ / (24.1)
Par.?
virāgavasanāḥ sarve sragviṇo mṛṣṭakuṇḍalāḥ // (24.2)
Par.?
niveśanam athājagmur jarāsaṃdhasya dhīmataḥ / (25.1)
Par.?
govāsam iva vīkṣantaḥ siṃhā haimavatā yathā // (25.2)
Par.?
śailastambhanibhāsteṣāṃ candanāgurubhūṣitāḥ / (26.1)
Par.?
aśobhanta mahārāja bāhavo bāhuśālinām // (26.2)
Par.?
tān dṛṣṭvā dviradaprakhyāñ śālaskandhān ivodgatān / (27.1)
Par.?
vyūḍhoraskānmāgadhānāṃ vismayaḥ samajāyata // (27.2)
Par.?
te tvatītya janākīrṇāstisraḥ kakṣyā nararṣabhāḥ / (28.1)
Par.?
ahaṃkāreṇa rājānam upatasthur mahābalāḥ // (28.2)
Par.?
tān pādyamadhuparkārhānmānārhān satkṛtiṃ gatān / (29.1)
Par.?
pratyutthāya jarāsaṃdha upatasthe yathāvidhi // (29.2)
Par.?
uvāca caitān rājāsau svāgataṃ vo 'stviti prabhuḥ / (30.1)
Par.?
tasya hyetad vrataṃ rājan babhūva bhuvi viśrutam // (30.2)
Par.?
snātakān brāhmaṇān prāptāñ śrutvā sa samitiṃjayaḥ / (31.1)
Par.?
apyardharātre nṛpatiḥ pratyudgacchati bhārata // (31.2)
Par.?
tāṃstvapūrveṇa veṣeṇa dṛṣṭvā nṛpatisattamaḥ / (32.1)
Par.?
upatasthe jarāsaṃdho vismitaścābhavat tadā // (32.2)
Par.?
te tu dṛṣṭvaiva rājānaṃ jarāsaṃdhaṃ nararṣabhāḥ / (33.1)
Par.?
idam ūcur amitraghnāḥ sarve bharatasattama // (33.2)
Par.?
svastyastu kuśalaṃ rājann iti sarve vyavasthitāḥ / (34.1)
Par.?
taṃ nṛpaṃ nṛpaśārdūla vipraikṣanta parasparam // (34.2)
Par.?
tān abravījjarāsaṃdhastadā yādavapāṇḍavān / (35.1)
Par.?
āsyatām iti rājendra brāhmaṇacchadmasaṃvṛtān // (35.2) Par.?
athopaviviśuḥ sarve trayaste puruṣarṣabhāḥ / (36.1)
Par.?
saṃpradīptāstrayo lakṣmyā mahādhvara ivāgnayaḥ // (36.2)
Par.?
tān uvāca jarāsaṃdhaḥ satyasaṃdho narādhipaḥ / (37.1)
Par.?
vigarhamāṇaḥ kauravya veṣagrahaṇakāraṇāt // (37.2)
Par.?
na snātakavratā viprā bahirmālyānulepanāḥ / (38.1)
Par.?
bhavantīti nṛloke 'smin viditaṃ mama sarvaśaḥ // (38.2)
Par.?
te yūyaṃ puṣpavantaśca bhujair jyāghātalakṣaṇaiḥ / (39.1)
Par.?
bibhrataḥ kṣātram ojaśca brāhmaṇyaṃ
pratijānatha // (39.2)
Par.?
evaṃ virāgavasanā bahirmālyānulepanāḥ / (40.1)
Par.?
satyaṃ vadata ke yūyaṃ satyaṃ rājasu śobhate // (40.2)
Par.?
caityakaṃ ca gireḥ śṛṅgaṃ bhittvā kim iva sadma naḥ / (41.1)
Par.?
advāreṇa praviṣṭāḥ stha nirbhayā rājakilbiṣāt // (41.2)
Par.?
karma caitad viliṅgasya kiṃ vādya prasamīkṣitam / (42.1)
Par.?
vadadhvaṃ vāci vīryaṃ ca brāhmaṇasya viśeṣataḥ // (42.2)
Par.?
evaṃ ca mām upasthāya kasmācca vidhinārhaṇām / (43.1)
Par.?
praṇītāṃ no na gṛhṇīta kāryaṃ kiṃ cāsmadāgame // (43.2)
Par.?
evam uktastataḥ kṛṣṇaḥ pratyuvāca mahāmanāḥ / (44.1)
Par.?
snigdhagambhīrayā vācā vākyaṃ vākyaviśāradaḥ // (44.2)
Par.?
snātakavratino rājan brāhmaṇāḥ kṣatriyā viśaḥ / (45.1)
Par.?
viśeṣaniyamāścaiṣām aviśeṣāśca santyuta // (45.2)
Par.?
viśeṣavāṃśca satataṃ kṣatriyaḥ śriyam archati / (46.1)
Par.?
puṣpavatsu dhruvā śrīśca puṣpavantastato vayam // (46.2)
Par.?
kṣatriyo bāhuvīryastu na tathā vākyavīryavān / (47.1)
Par.?
apragalbhaṃ vacastasya tasmād bārhadrathe smṛtam // (47.2)
Par.?
svavīryaṃ kṣatriyāṇāṃ ca bāhvor dhātā nyaveśayat / (48.1)
Par.?
tad didṛkṣasi ced rājan draṣṭāsyadya na saṃśayaḥ // (48.2)
Par.?
advāreṇa ripor gehaṃ dvāreṇa suhṛdo gṛham / (49.1)
Par.?
praviśanti sadā santo dvāraṃ no varjitaṃ tataḥ // (49.2)
Par.?
kāryavanto gṛhān etya śatruto nārhaṇāṃ vayam / (50.1)
Par.?
pratigṛhṇīma tad viddhi etannaḥ śāśvataṃ vratam // (50.2)
Par.?
Duration=0.1504180431366 secs.