Texts

lomaśa uvāca / (1.1) Par.?

iha martyās tapas taptvā svargaṃ gacchanti bhārata / (1.2) Par.?

martukāmā narā rājann ihāyānti sahasraśaḥ // (1.3) Par.?

evam āśīḥ prayuktā hi dakṣeṇa yajatā purā / (2.1) Par.?

iha ye vai mariṣyanti te vai svargajito narāḥ // (2.2) Par.?

eṣā sarasvatī puṇyā divyā coghavatī nadī / (3.1) Par.?

etad vinaśanaṃ nāma sarasvatyā viśāṃ pate // (3.2) Par.?

dvāraṃ niṣādarāṣṭrasya yeṣāṃ dveṣāt sarasvatī / (4.1) Par.?

praviṣṭā pṛthivīṃ vīra mā niṣādā hi māṃ viduḥ // (4.2) Par.?

eṣa vai camasodbhedo yatra dṛśyā sarasvatī / (5.1) Par.?

yatrainām abhyavartanta divyāḥ puṇyāḥ samudragāḥ // (5.2) Par.?

etat sindhor mahat tīrthaṃ yatrāgastyam ariṃdama / (6.1) Par.?

lopāmudrā samāgamya bhartāram avṛṇīta vai // (6.2) Par.?

etat prabhāsate tīrthaṃ prabhāsaṃ bhāskaradyute / (7.1) Par.?

indrasya dayitaṃ puṇyaṃ pavitraṃ pāpanāśanam // (7.2) Par.?

etad viṣṇupadaṃ nāma dṛśyate tīrtham uttamam / (8.1) Par.?

eṣā ramyā vipāśā ca nadī paramapāvanī // (8.2) Par.?

atraiva putraśokena vasiṣṭho bhagavān ṛṣiḥ / (9.1) Par.?

baddhvātmānaṃ nipatito vipāśaḥ punar utthitaḥ // (9.2) Par.?

kāśmīramaṇḍalaṃ caitat sarvapuṇyam ariṃdama / (10.1) Par.?

maharṣibhiś cādhyuṣitaṃ paśyedaṃ bhrātṛbhiḥ saha // (10.2) Par.?

atrottarāṇāṃ sarveṣām ṛṣīṇāṃ nāhuṣasya ca / (11.1) Par.?

agneś cātraiva saṃvādaḥ kāśyapasya ca bhārata // (11.2) Par.?

etad dvāraṃ mahārāja mānasasya prakāśate / (12.1) Par.?

varṣam asya girer madhye rāmeṇa śrīmatā kṛtam // (12.2) Par.?

eṣa vātikaṣaṇḍo vai prakhyātaḥ satyavikramaḥ / (13.1) Par.?

nābhyavartata yad dvāraṃ videhān uttaraṃ ca yaḥ // (13.2) Par.?

eṣa ujjānako nāma yavakrīr yatra śāntavān / (14.1) Par.?

arundhatīsahāyaś ca vasiṣṭho bhagavān ṛṣiḥ // (14.2) Par.?

hradaś ca kuśavān eṣa yatra padmaṃ kuśeśayam / (15.1) Par.?

āśramaś caiva rukmiṇyā yatrāśāmyad akopanā // (15.2) Par.?

samādhīnāṃ samāsas tu pāṇḍaveya śrutas tvayā / (16.1) Par.?

taṃ drakṣyasi mahārāja bhṛgutuṅgaṃ mahāgirim // (16.2) Par.?

jalāṃ copajalāṃ caiva yamunām abhito nadīm / (17.1) Par.?

uśīnaro vai yatreṣṭvā vāsavād atyaricyata // (17.2) Par.?

tāṃ devasamitiṃ tasya vāsavaś ca viśāṃ pate / (18.1) Par.?

abhyagacchata rājānaṃ jñātum agniś ca bhārata // (18.2) Par.?

jijñāsamānau varadau mahātmānam uśīnaram / (19.1) Par.?

indraḥ śyenaḥ kapoto 'gnir bhūtvā yajñe 'bhijagmatuḥ // (19.2) Par.?

ūruṃ rājñaḥ samāsādya kapotaḥ śyenajād bhayāt / (20.1) Par.?

śaraṇārthī tadā rājan nililye bhayapīḍitaḥ // (20.2) Par.?