UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2824
- Click on a sentence to show its analysis
- Keep the mouse pointer over a lemma to show its meanings.
vaiśampāyana uvāca / (1.1)
Par.?
athāsīneṣu sarveṣu teṣu rājasu bhārata / (1.2)
Par.?
koṭikāśyavacaḥ śrutvā śaibyaṃ sauvīrako 'bravīt // (1.3)
Par.?
yadā vācaṃ vyāharantyām asyāṃ me ramate manaḥ / (2.1)
Par.?
sīmantinīnāṃ mukhyāyāṃ vinivṛttaḥ kathaṃ bhavān // (2.2)
Par.?
etāṃ dṛṣṭvā striyo me 'nyā yathā śākhāmṛgastriyaḥ / (3.1)
Par.?
pratibhānti mahābāho satyam etad bravīmi te // (3.2)
Par.?
darśanād eva hi manas tayā me 'pahṛtaṃ bhṛśam / (4.1)
Par.?
tāṃ samācakṣva kalyāṇīṃ yadi syācchaibya mānuṣī // (4.2)
Par.?
koṭikāśya uvāca / (5.1)
Par.?
eṣā vai draupadī kṛṣṇā rājaputrī yaśasvinī / (5.2)
Par.?
pañcānāṃ pāṇḍuputrāṇāṃ mahiṣī saṃmatā bhṛśam // (5.3)
Par.?
sarveṣāṃ caiva pārthānāṃ priyā bahumatā satī / (6.1)
Par.?
tayā sametya sauvīra suvīrān susukhī vraja // (6.2)
Par.?
vaiśampāyana uvāca / (7.1)
Par.?
evam uktaḥ pratyuvāca paśyāmo draupadīm iti / (7.2)
Par.?
patiḥ sauvīrasindhūnāṃ duṣṭabhāvo jayadrathaḥ // (7.3)
Par.?
sa praviśyāśramaṃ śūnyaṃ siṃhagoṣṭhaṃ vṛko yathā / (8.1) Par.?
ātmanā saptamaḥ kṛṣṇām idaṃ vacanam abravīt // (8.2)
Par.?
kuśalaṃ te varārohe bhartāras te 'pyanāmayāḥ / (9.1)
Par.?
yeṣāṃ kuśalakāmāsi te 'pi kaccid anāmayāḥ // (9.2)
Par.?
draupadyuvāca / (10.1)
Par.?
kauravyaḥ kuśalī rājā kuntīputro yudhiṣṭhiraḥ / (10.2)
Par.?
ahaṃ ca bhrātaraś cāsya yāṃścānyān paripṛcchasi // (10.3)
Par.?
pādyaṃ pratigṛhāṇedam āsanaṃ ca nṛpātmaja / (11.1)
Par.?
mṛgān pañcāśataṃ caiva prātarāśaṃ dadāni te // (11.2)
Par.?
aiṇeyān pṛṣatān nyaṅkūn hariṇāñśarabhāñśaśān / (12.1)
Par.?
ṛśyān rurūñśambarāṃśca gavayāṃśca mṛgān bahūn // (12.2)
Par.?
varāhān mahiṣāṃścaiva yāścānyā mṛgajātayaḥ / (13.1)
Par.?
pradāsyati svayaṃ tubhyaṃ kuntīputro yudhiṣṭhiraḥ // (13.2)
Par.?
jayadratha uvāca / (14.1)
Par.?
kuśalaṃ prātarāśasya sarvā me 'pacitiḥ kṛtā / (14.2)
Par.?
ehi me ratham āroha sukham āpnuhi kevalam // (14.3)
Par.?
gataśrīkāṃś cyutān rājyāt kṛpaṇān gatacetasaḥ / (15.1)
Par.?
araṇyavāsinaḥ pārthān nānuroddhuṃ tvam arhasi // (15.2)
Par.?
na vai prājñā gataśrīkaṃ bhartāram upayuñjate / (16.1)
Par.?
yuñjānam anuyuñjīta na śriyaḥ saṃkṣaye vaset // (16.2)
Par.?
śriyā vihīnā rājyācca vinaṣṭāḥ śāśvatīḥ samāḥ / (17.1)
Par.?
alaṃ te pāṇḍuputrāṇāṃ bhaktyā kleśam upāsitum // (17.2)
Par.?
bhāryā me bhava suśroṇi tyajainān sukham āpnuhi / (18.1)
Par.?
akhilān sindhusauvīrān avāpnuhi mayā saha // (18.2)
Par.?
vaiśampāyana uvāca / (19.1)
Par.?
ityuktā sindhurājena vākyaṃ hṛdayakampanam / (19.2)
Par.?
kṛṣṇā tasmād apākrāmad deśāt sabhrukuṭīmukhī // (19.3)
Par.?
avamatyāsya tad vākyam ākṣipya ca sumadhyamā / (20.1)
Par.?
maivam ityabravīt kṛṣṇā lajjasveti ca saindhavam // (20.2)
Par.?
sā kāṅkṣamāṇā bhartṝṇām upayānam aninditā / (21.1)
Par.?
vilobhayāmāsa paraṃ vākyair vākyāni yuñjatī // (21.2)
Par.?
Duration=0.076076984405518 secs.