UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2862
- Click on a sentence to show its analysis
- Keep the mouse pointer over a lemma to show its meanings.
mārkaṇḍeya uvāca / (1.1)
Par.?
tasyāṃ rātryāṃ vyatītāyām udite sūryamaṇḍale / (1.2)
Par.?
kṛtapūrvāhṇikāḥ sarve sameyuste tapodhanāḥ // (1.3)
Par.?
tad eva sarvaṃ sāvitryā mahābhāgyaṃ maharṣayaḥ / (2.1)
Par.?
dyumatsenāya nātṛpyan kathayantaḥ punaḥ punaḥ // (2.2)
Par.?
tataḥ prakṛtayaḥ sarvāḥ śālvebhyo 'bhyāgatā nṛpa / (3.1)
Par.?
ācakhyur nihataṃ caiva svenāmātyena taṃ nṛpam // (3.2)
Par.?
taṃ mantriṇā hataṃ śrutvā sasahāyaṃ sabāndhavam / (4.1)
Par.?
nyavedayan yathātattvaṃ vidrutaṃ ca dviṣadbalam // (4.2)
Par.?
aikamatyaṃ ca sarvasya janasyātha nṛpaṃ prati / (5.1)
Par.?
sacakṣur vāpyacakṣur vā sa no rājā bhavatviti // (5.2)
Par.?
anena niścayeneha vayaṃ prasthāpitā nṛpa / (6.1)
Par.?
prāptānīmāni yānāni caturaṅgaṃ ca te balam // (6.2)
Par.?
prayāhi rājan bhadraṃ te ghuṣṭas te nagare jayaḥ / (7.1)
Par.?
adhyāssva cirarātrāya pitṛpaitāmahaṃ padam // (7.2)
Par.?
cakṣuṣmantaṃ ca taṃ dṛṣṭvā rājānaṃ vapuṣānvitam / (8.1) Par.?
mūrdhabhiḥ patitāḥ sarve vismayotphullalocanāḥ // (8.2)
Par.?
tato 'bhivādya tān vṛddhān dvijān āśramavāsinaḥ / (9.1)
Par.?
taiś cābhipūjitaḥ sarvaiḥ prayayau nagaraṃ prati // (9.2)
Par.?
śaibyā ca saha sāvitryā svāstīrṇena suvarcasā / (10.1)
Par.?
narayuktena yānena prayayau senayā vṛtā // (10.2)
Par.?
tato 'bhiṣiṣicuḥ prītyā dyumatsenaṃ purohitāḥ / (11.1)
Par.?
putraṃ cāsya mahātmānaṃ yauvarājye 'bhyaṣecayan // (11.2)
Par.?
tataḥ kālena mahatā sāvitryāḥ kīrtivardhanam / (12.1)
Par.?
tad vai putraśataṃ jajñe śūrāṇām anivartinām // (12.2)
Par.?
bhrātṝṇāṃ sodarāṇāṃ ca tathaivāsyābhavacchatam / (13.1)
Par.?
madrādhipasyāśvapater mālavyāṃ sumahābalam // (13.2)
Par.?
evam ātmā pitā mātā śvaśrūḥ śvaśura eva ca / (14.1)
Par.?
bhartuḥ kulaṃ ca sāvitryā sarvaṃ kṛcchrāt samuddhṛtam // (14.2)
Par.?
tathaivaiṣāpi kalyāṇī draupadī śīlasaṃmatā / (15.1)
Par.?
tārayiṣyati vaḥ sarvān sāvitrīva kulāṅganā // (15.2)
Par.?
vaiśampāyana uvāca / (16.1)
Par.?
evaṃ sa pāṇḍavastena anunīto mahātmanā / (16.2)
Par.?
viśoko vijvaro rājan kāmyake nyavasat tadā // (16.3)
Par.?
Duration=0.067368984222412 secs.