UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2875
- Click on a sentence to show its analysis
- Keep the mouse pointer over a lemma to show its meanings.
yudhiṣṭhira uvāca / (1.1)
Par.?
nāpadām asti maryādā na nimittaṃ na kāraṇam / (1.2)
Par.?
dharmastu vibhajatyatra ubhayoḥ puṇyapāpayoḥ // (1.3)
Par.?
bhīma uvāca / (2.1)
Par.?
prātikāmyanayat kṛṣṇāṃ sabhāyāṃ preṣyavat tadā / (2.2)
Par.?
na mayā nihatas tatra tena prāptāḥ sma saṃśayam // (2.3)
Par.?
arjuna uvāca / (3.1)
Par.?
vācas tīkṣṇāsthibhedinyaḥ sūtaputreṇa bhāṣitāḥ / (3.2)
Par.?
atitīkṣṇā mayā kṣāntāstena prāptāḥ sma saṃśayam // (3.3)
Par.?
sahadeva uvāca / (4.1)
Par.?
śakunistvāṃ yadājaiṣīd akṣadyūtena bhārata / (4.2)
Par.?
sa mayā na hatas tatra tena prāptāḥ sma saṃśayam // (4.3)
Par.?
vaiśampāyana uvāca / (5.1)
Par.?
tato yudhiṣṭhiro rājā nakulaṃ vākyam abravīt / (5.2) Par.?
āruhya vṛkṣaṃ mādreya nirīkṣasva diśo daśa // (5.3)
Par.?
pānīyam antike paśya vṛkṣān vāpyudakāśrayān / (6.1)
Par.?
ime hi bhrātaraḥ śrāntās tava tāta pipāsitāḥ // (6.2)
Par.?
nakulastu tathetyuktvā śīghram āruhya pādapam / (7.1)
Par.?
abravīd bhrātaraṃ jyeṣṭham abhivīkṣya samantataḥ // (7.2)
Par.?
paśyāmi bahulān rājan vṛkṣān udakasaṃśrayān / (8.1)
Par.?
sārasānāṃ ca nirhrādam atrodakam asaṃśayam // (8.2)
Par.?
tato 'bravīt satyadhṛtiḥ kuntīputro yudhiṣṭhiraḥ / (9.1)
Par.?
gaccha saumya tataḥ śīghraṃ tūrṇaṃ pānīyam ānaya // (9.2)
Par.?
nakulastu tathetyuktvā bhrātur jyeṣṭhasya śāsanāt / (10.1)
Par.?
prādravad yatra pānīyaṃ śīghraṃ caivānvapadyata // (10.2)
Par.?
sa dṛṣṭvā vimalaṃ toyaṃ sārasaiḥ parivāritam / (11.1)
Par.?
pātukāmas tato vācam antarikṣāt sa śuśruve // (11.2)
Par.?
mā tāta sāhasaṃ kārṣīr mama pūrvaparigrahaḥ / (12.1)
Par.?
praśnān uktvā tu mādreya tataḥ piba harasva ca // (12.2)
Par.?
anādṛtya tu tad vākyaṃ nakulaḥ supipāsitaḥ / (13.1)
Par.?
apibacchītalaṃ toyaṃ pītvā ca nipapāta ha // (13.2)
Par.?
cirāyamāṇe nakule kuntīputro yudhiṣṭhiraḥ / (14.1)
Par.?
abravīd bhrātaraṃ vīraṃ sahadevam ariṃdamam // (14.2)
Par.?
bhrātā cirāyate tāta sahadeva tavāgrajaḥ / (15.1)
Par.?
taṃ caivānaya sodaryaṃ pānīyaṃ ca tvam ānaya // (15.2)
Par.?
sahadevastathetyuktvā tāṃ diśaṃ pratyapadyata / (16.1)
Par.?
dadarśa ca hataṃ bhūmau bhrātaraṃ nakulaṃ tadā // (16.2)
Par.?
bhrātṛśokābhisaṃtaptastṛṣayā ca prapīḍitaḥ / (17.1)
Par.?
abhidudrāva pānīyaṃ tato vāg abhyabhāṣata // (17.2)
Par.?
mā tāta sāhasaṃ kārṣīr mama pūrvaparigrahaḥ / (18.1)
Par.?
praśnān uktvā yathākāmaṃ tataḥ piba harasva ca // (18.2)
Par.?
anādṛtya tu tad vākyaṃ sahadevaḥ pipāsitaḥ / (19.1)
Par.?
apibacchītalaṃ toyaṃ pītvā ca nipapāta ha // (19.2)
Par.?
athābravīt sa vijayaṃ kuntīputro yudhiṣṭhiraḥ / (20.1)
Par.?
bhrātarau te ciragatau bībhatso śatrukarśana / (20.2)
Par.?
tau caivānaya bhadraṃ te pānīyaṃ ca tvam ānaya // (20.3)
Par.?
evam ukto guḍākeśaḥ pragṛhya saśaraṃ dhanuḥ / (21.1)
Par.?
āmuktakhaḍgo medhāvī tat saraḥ pratyapadyata // (21.2)
Par.?
yataḥ puruṣaśārdūlau pānīyaharaṇe gatau / (22.1)
Par.?
tau dadarśa hatau tatra bhrātarau śvetavāhanaḥ // (22.2)
Par.?
prasuptāviva tau dṛṣṭvā narasiṃhaḥ suduḥkhitaḥ / (23.1)
Par.?
dhanur udyamya kaunteyo vyalokayata tad vanam // (23.2)
Par.?
nāpaśyat tatra kiṃcit sa bhūtaṃ tasmin mahāvane / (24.1)
Par.?
savyasācī tataḥ śrāntaḥ pānīyaṃ so 'bhyadhāvata // (24.2)
Par.?
abhidhāvaṃstato vācam antarikṣāt sa śuśruve / (25.1)
Par.?
kim āsīd asi pānīyaṃ naitacchakyaṃ balāt tvayā // (25.2)
Par.?
kaunteya yadi vai praśnān mayoktān pratipatsyase / (26.1)
Par.?
tataḥ pāsyasi pānīyaṃ hariṣyasi ca bhārata // (26.2)
Par.?
vāritastvabravīt pārtho dṛśyamāno nivāraya / (27.1)
Par.?
yāvad bāṇair vinirbhinnaḥ punar naivaṃ vadiṣyasi // (27.2)
Par.?
evam uktvā tataḥ pārthaḥ śarair astrānumantritaiḥ / (28.1)
Par.?
vavarṣa tāṃ diśaṃ kṛtsnāṃ śabdavedhaṃ ca darśayan // (28.2)
Par.?
karṇinālīkanārācān utsṛjan bharatarṣabha / (29.1)
Par.?
anekair iṣusaṃghātair antarikṣaṃ vavarṣa ha // (29.2)
Par.?
yakṣa uvāca / (30.1)
Par.?
kiṃ vighātena te pārtha praśnān uktvā tataḥ piba / (30.2)
Par.?
anuktvā tu tataḥ praśnān pītvaiva na bhaviṣyasi // (30.3)
Par.?
vaiśampāyana uvāca / (31.1)
Par.?
sa tvamoghān iṣūn muktvā tṛṣṇayābhiprapīḍitaḥ / (31.2)
Par.?
avijñāyaiva tān praśnān pītvaiva nipapāta ha // (31.3)
Par.?
athābravīd bhīmasenaṃ kuntīputro yudhiṣṭhiraḥ / (32.1)
Par.?
nakulaḥ sahadevaś ca bībhatsuś cāparājitaḥ // (32.2)
Par.?
ciraṃ gatās toyahetor na cāgacchanti bhārata / (33.1)
Par.?
tāṃś caivānaya bhadraṃ te pānīyaṃ ca tvam ānaya // (33.2)
Par.?
bhīmasenastathetyuktvā tāṃ diśaṃ pratyapadyata / (34.1)
Par.?
yatra te puruṣavyāghrā bhrātaro 'sya nipātitāḥ // (34.2)
Par.?
tān dṛṣṭvā duḥkhito bhīmas tṛṣayā ca prapīḍitaḥ / (35.1)
Par.?
amanyata mahābāhuḥ karma tad yakṣarakṣasām / (35.2)
Par.?
sa cintayāmāsa tadā yoddhavyaṃ dhruvam adya me // (35.3)
Par.?
pāsyāmi tāvat pānīyam iti pārtho vṛkodaraḥ / (36.1)
Par.?
tato 'bhyadhāvat pānīyaṃ pipāsuḥ puruṣarṣabhaḥ // (36.2)
Par.?
yakṣa uvāca / (37.1)
Par.?
mā tāta sāhasaṃ kārṣīr mama pūrvaparigrahaḥ / (37.2)
Par.?
praśnān uktvā tu kaunteya tataḥ piba harasva ca // (37.3)
Par.?
vaiśampāyana uvāca / (38.1)
Par.?
evam uktas tato bhīmo yakṣeṇāmitatejasā / (38.2)
Par.?
avijñāyaiva tān praśnān pītvaiva nipapāta ha // (38.3)
Par.?
tataḥ kuntīsuto rājā vicintya puruṣarṣabhaḥ / (39.1)
Par.?
samutthāya mahābāhur dahyamānena cetasā // (39.2)
Par.?
apetajananirghoṣaṃ praviveśa mahāvanam / (40.1)
Par.?
rurubhiśca varāhaiśca pakṣibhiś ca niṣevitam // (40.2)
Par.?
nīlabhāsvaravarṇaiśca pādapair upaśobhitam / (41.1)
Par.?
bhramarair upagītaṃ ca pakṣibhiś ca mahāyaśāḥ // (41.2)
Par.?
sa gacchan kānane tasmin hemajālapariṣkṛtam / (42.1)
Par.?
dadarśa tat saraḥ śrīmān viśvakarmakṛtaṃ yathā // (42.2)
Par.?
upetaṃ nalinījālaiḥ sindhuvāraiś ca vetasaiḥ / (43.1)
Par.?
ketakaiḥ karavīraiś ca pippalaiś caiva saṃvṛtam / (43.2)
Par.?
śramārtastad upāgamya saro dṛṣṭvātha vismitaḥ // (43.3)
Par.?
Duration=0.1816520690918 secs.