UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5616
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
tataḥ keśān samutkṣipya vellitāgrān aninditān / (1.2)
Par.?
jugūha dakṣiṇe pārśve mṛdūn asitalocanā // (1.3)
Par.?
vāsaśca paridhāyaikaṃ kṛṣṇaṃ sumalinaṃ mahat / (2.1)
Par.?
kṛtvā veṣaṃ ca sairandhryāḥ kṛṣṇā vyacarad ārtavat // (2.2)
Par.?
tāṃ narāḥ paridhāvantīṃ striyaśca samupādravan / (3.1)
Par.?
apṛcchaṃścaiva tāṃ dṛṣṭvā kā tvaṃ kiṃ ca cikīrṣasi // (3.2)
Par.?
sā tān uvāca rājendra sairandhryaham upāgatā / (4.1)
Par.?
karma cecchāmi vai kartuṃ tasya yo māṃ pupukṣati // (4.2)
Par.?
tasyā rūpeṇa veṣeṇa ślakṣṇayā ca tathā girā / (5.1)
Par.?
nāśraddadhata tāṃ dāsīm annahetor upasthitām // (5.2)
Par.?
virāṭasya tu kaikeyī bhāryā paramasaṃmatā / (6.1)
Par.?
avalokayantī dadṛśe prāsādād drupadātmajām // (6.2)
Par.?
sā samīkṣya tathārūpām anāthām ekavāsasam / (7.1)
Par.?
samāhūyābravīd bhadre kā tvaṃ kiṃ ca cikīrṣasi // (7.2)
Par.?
sā tām uvāca rājendra sairandhryaham upāgatā / (8.1)
Par.?
karma cecchāmyahaṃ kartuṃ tasya yo māṃ pupukṣati // (8.2)
Par.?
sudeṣṇovāca / (9.1)
Par.?
naivaṃrūpā bhavantyevaṃ yathā vadasi bhāmini / (9.2)
Par.?
preṣayanti ca vai dāsīr dāsāṃścaivaṃvidhān bahūn // (9.3)
Par.?
gūḍhagulphā saṃhatorustrigambhīrā ṣaḍunnatā / (10.1)
Par.?
raktā pañcasu rakteṣu haṃsagadgadabhāṣiṇī // (10.2)
Par.?
sukeśī sustanī śyāmā pīnaśroṇipayodharā / (11.1)
Par.?
tena tenaiva sampannā kāśmīrīva turaṃgamā // (11.2)
Par.?
svarālapakṣmanayanā bimboṣṭhī tanumadhyamā / (12.1)
Par.?
kambugrīvā gūḍhasirā pūrṇacandranibhānanā // (12.2)
Par.?
kā tvaṃ brūhi yathā bhadre nāsi dāsī kathaṃcana / (13.1)
Par.?
yakṣī vā yadi vā devī gandharvī yadi vāpsarāḥ // (13.2)
Par.?
alambusā miśrakeśī puṇḍarīkātha mālinī / (14.1)
Par.?
indrāṇī vāruṇī vā tvaṃ tvaṣṭur dhātuḥ prajāpateḥ / (14.2)
Par.?
devyo deveṣu vikhyātāstāsāṃ tvaṃ katamā śubhe // (14.3)
Par.?
draupadyuvāca / (15.1)
Par.?
nāsmi devī na gandharvī nāsurī na ca rākṣasī / (15.2)
Par.?
sairandhrī tu bhujiṣyāsmi satyam etad bravīmi te // (15.3)
Par.?
keśāñ jānāmyahaṃ kartuṃ piṃṣe sādhu vilepanam / (16.1)
Par.?
grathayiṣye vicitrāśca srajaḥ paramaśobhanāḥ // (16.2)
Par.?
ārādhayaṃ satyabhāmāṃ kṛṣṇasya mahiṣīṃ priyām / (17.1)
Par.?
kṛṣṇāṃ ca bhāryāṃ pāṇḍūnāṃ kurūṇām ekasundarīm // (17.2)
Par.?
tatra tatra carāmyevaṃ labhamānā suśobhanam / (18.1)
Par.?
vāsāṃsi yāvacca labhe tāvat tāvad rame tathā // (18.2)
Par.?
mālinītyeva me nāma svayaṃ devī cakāra sā / (19.1)
Par.?
sāham abhyāgatā devi sudeṣṇe tvanniveśanam // (19.2)
Par.?
sudeṣṇovāca / (20.1)
Par.?
mūrdhni tvāṃ vāsayeyaṃ vai saṃśayo me na vidyate / (20.2)
Par.?
no ced iha tu rājā tvāṃ gacchet sarveṇa cetasā // (20.3)
Par.?
striyo rājakule paśya yāścemā mama veśmani / (21.1)
Par.?
prasaktāstvāṃ nirīkṣante pumāṃsaṃ kaṃ na mohayeḥ // (21.2)
Par.?
vṛkṣāṃścāvasthitān paśya ya ime mama veśmani / (22.1)
Par.?
te 'pi tvāṃ saṃnamantīva pumāṃsaṃ kaṃ na mohayeḥ // (22.2)
Par.?
rājā virāṭaḥ suśroṇi dṛṣṭvā vapur amānuṣam / (23.1)
Par.?
vihāya māṃ varārohe tvāṃ gacchet sarvacetasā // (23.2)
Par.?
yaṃ hi tvam anavadyāṅgi naram āyatalocane / (24.1)
Par.?
prasaktam abhivīkṣethāḥ sa kāmavaśago bhavet // (24.2)
Par.?
yaśca tvāṃ satataṃ paśyet puruṣaścāruhāsini / (25.1)
Par.?
evaṃ sarvānavadyāṅgi sa cānaṅgavaśo bhavet // (25.2)
Par.?
yathā karkaṭakī garbham ādhatte mṛtyum ātmanaḥ / (26.1)
Par.?
tathāvidham ahaṃ manye vāsaṃ tava śucismite // (26.2)
Par.?
draupadyuvāca / (27.1)
Par.?
nāsmi labhyā virāṭena na cānyena kathaṃcana / (27.2)
Par.?
gandharvāḥ patayo mahyaṃ yuvānaḥ pañca bhāmini // (27.3)
Par.?
putrā gandharvarājasya mahāsattvasya kasyacit / (28.1) Par.?
rakṣanti te ca māṃ nityaṃ duḥkhācārā tathā nvaham // (28.2)
Par.?
yo me na dadyād ucchiṣṭaṃ na ca pādau pradhāvayet / (29.1)
Par.?
prīyeyustena vāsena gandharvāḥ patayo mama // (29.2)
Par.?
yo hi māṃ puruṣo gṛdhyed yathānyāḥ prākṛtastriyaḥ / (30.1)
Par.?
tām eva sa tato rātriṃ praviśed aparāṃ tanum // (30.2)
Par.?
na cāpyahaṃ cālayituṃ śakyā kenacid aṅgane / (31.1)
Par.?
duḥkhaśīlā hi gandharvāste ca me balavattarāḥ // (31.2)
Par.?
sudeṣṇovāca / (32.1)
Par.?
evaṃ tvāṃ vāsayiṣyāmi yathā tvaṃ nandinīcchasi / (32.2)
Par.?
na ca pādau na cocchiṣṭaṃ sprakṣyasi tvaṃ kathaṃcana // (32.3)
Par.?
vaiśaṃpāyana uvāca / (33.1)
Par.?
evaṃ kṛṣṇā virāṭasya bhāryayā parisāntvitā / (33.2)
Par.?
na caināṃ veda tatrānyastattvena janamejaya // (33.3)
Par.?
Duration=0.19282507896423 secs.