UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5657
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
sa śatrusenāṃ tarasā praṇudya gāstā vijityātha dhanurdharāgryaḥ / (1.2)
Par.?
duryodhanāyābhimukhaṃ prayāto bhūyo 'rjunaḥ priyam ājau cikīrṣan // (1.3)
Par.?
goṣu prayātāsu javena matsyān kirīṭinaṃ kṛtakāryaṃ ca matvā / (2.1)
Par.?
duryodhanāyābhimukhaṃ prayāntaṃ kurupravīrāḥ sahasābhipetuḥ // (2.2)
Par.?
teṣām anīkāni bahūni gāḍhaṃ vyūḍhāni dṛṣṭvā bahuladhvajāni / (3.1)
Par.?
matsyasya putraṃ dviṣatāṃ nihantā vairāṭim āmantrya tato 'bhyuvāca // (3.2)
Par.?
etena tūrṇaṃ pratipādayemāñśvetān hayān kāñcanaraśmiyoktrān / (4.1)
Par.?
javena sarveṇa kuru prayatnam āsādayaitad rathasiṃhavṛndam // (4.2)
Par.?
gajo gajeneva mayā durātmā yo yoddhum ākāṅkṣati sūtaputraḥ / (5.1)
Par.?
tam eva māṃ prāpaya rājaputra duryodhanāpāśrayajātadarpam // (5.2)
Par.?
sa tair hayair vātajavair bṛhadbhiḥ putro virāṭasya suvarṇakakṣyaiḥ / (6.1)
Par.?
vidhvaṃsayaṃstadrathinām anīkaṃ tato 'vahat pāṇḍavam ājimadhye // (6.2)
Par.?
taṃ citraseno viśikhair vipāṭhaiḥ saṃgrāmajicchatrusaho jayaśca / (7.1)
Par.?
pratyudyayur bhāratam āpatantaṃ mahārathāḥ karṇam abhīpsamānāḥ // (7.2)
Par.?
tataḥ sa teṣāṃ puruṣapravīraḥ śarāsanārciḥ śaravegatāpaḥ / (8.1)
Par.?
vrātān rathānām adahat sa manyur vanaṃ yathāgniḥ kurupuṃgavānām // (8.2)
Par.?
tasmiṃstu yuddhe tumule pravṛtte pārthaṃ vikarṇo 'tirathaṃ rathena / (9.1)
Par.?
vipāṭhavarṣeṇa kurupravīro bhīmena bhīmānujam āsasāda // (9.2)
Par.?
tato vikarṇasya dhanur vikṛṣya jāmbūnadāgryopacitaṃ dṛḍhajyam / (10.1)
Par.?
apātayad dhvajam asya pramathya chinnadhvajaḥ so 'pyapayājjavena // (10.2)
Par.?
taṃ śātravāṇāṃ gaṇabādhitāraṃ karmāṇi kurvāṇam amānuṣāṇi / (11.1)
Par.?
śatruṃtapaḥ kopam amṛṣyamāṇaḥ samarpayat kūrmanakhena pārtham // (11.2)
Par.?
sa tena rājñātirathena viddho vigāhamāno dhvajinīṃ kurūṇām / (12.1)
Par.?
śatruṃtapaṃ pañcabhir āśu viddhvā tato 'sya sūtaṃ daśabhir jaghāna // (12.2)
Par.?
tataḥ sa viddho bharatarṣabheṇa bāṇena gātrāvaraṇātigena / (13.1)
Par.?
gatāsur ājau nipapāta bhūmau nago nagāgrād iva vātarugṇaḥ // (13.2)
Par.?
ratharṣabhāste tu ratharṣabheṇa vīrā raṇe vīratareṇa bhagnāḥ / (14.1)
Par.?
cakampire vātavaśena kāle prakampitānīva mahāvanāni // (14.2)
Par.?
hatāstu pārthena narapravīrā bhūmau yuvānaḥ suṣupuḥ suveṣāḥ / (15.1)
Par.?
vasupradā vāsavatulyavīryāḥ parājitā vāsavajena saṃkhye / (15.2) Par.?
suvarṇakārṣṇāyasavarmanaddhā nāgā yathā haimavatāḥ pravṛddhāḥ // (15.3)
Par.?
tathā sa śatrūn samare vinighnan gāṇḍīvadhanvā puruṣapravīraḥ / (16.1)
Par.?
cacāra saṃkhye pradiśo diśaśca dahann ivāgnir vanam ātapānte // (16.2)
Par.?
prakīrṇaparṇāni yathā vasante viśātayitvātyanilo nudan khe / (17.1)
Par.?
tathā sapatnān vikiran kirīṭī cacāra saṃkhye 'tiratho rathena // (17.2)
Par.?
śoṇāśvavāhasya hayānnihatya vaikartanabhrātur adīnasattvaḥ / (18.1)
Par.?
ekena saṃgrāmajitaḥ śareṇa śiro jahārātha kirīṭamālī // (18.2)
Par.?
tasmin hate bhrātari sūtaputro vaikartano vīryam athādadānaḥ / (19.1)
Par.?
pragṛhya dantāviva nāgarājo maharṣabhaṃ vyāghra ivābhyadhāvat // (19.2)
Par.?
sa pāṇḍavaṃ dvādaśabhiḥ pṛṣatkair vaikartanaḥ śīghram upājaghāna / (20.1)
Par.?
vivyādha gātreṣu hayāṃśca sarvān virāṭaputraṃ ca śarair nijaghne // (20.2)
Par.?
sa hastinevābhihato gajendraḥ pragṛhya bhallānniśitānniṣaṅgāt / (21.1)
Par.?
ākarṇapūrṇaṃ ca dhanur vikṛṣya vivyādha bāṇair atha sūtaputram // (21.2)
Par.?
athāsya bāhūruśirolalāṭaṃ grīvāṃ rathāṅgāni parāvamardī / (22.1)
Par.?
sthitasya bāṇair yudhi nirbibheda gāṇḍīvamuktair aśaniprakāśaiḥ // (22.2)
Par.?
sa pārthamuktair viśikhaiḥ praṇunno gajo gajeneva jitastarasvī / (23.1)
Par.?
vihāya saṃgrāmaśiraḥ prayāto vaikartanaḥ pāṇḍavabāṇataptaḥ // (23.2)
Par.?
Duration=0.087432146072388 secs.