Texts

vaiśaṃpāyana uvāca / (1.1) Par.?

tato visarjayāmāsa sarvāḥ prakṛtayo nṛpaḥ / (1.2) Par.?

viviśuścābhyanujñātā yathāsvāni gṛhāṇi ca // (1.3) Par.?

tato yudhiṣṭhiro rājā bhīmaṃ bhīmaparākramam / (2.1) Par.?

sāntvayann abravīd dhīmān arjunaṃ yamajau tathā // (2.2) Par.?

śatrubhir vividhaiḥ śastraiḥ kṛttadehā mahāraṇe / (3.1) Par.?

śrāntā bhavantaḥ subhṛśaṃ tāpitāḥ śokamanyubhiḥ // (3.2) Par.?

araṇye duḥkhavasatīr matkṛte puruṣottamāḥ / (4.1) Par.?

bhavadbhir anubhūtāśca yathā kupuruṣaistathā // (4.2) Par.?

yathāsukhaṃ yathājoṣaṃ jayo 'yam anubhūyatām / (5.1) Par.?

viśrāntāṃl labdhavijñānāñ śvaḥ sametāsmi vaḥ punaḥ // (5.2) Par.?

tato duryodhanagṛhaṃ prāsādair upaśobhitam / (6.1) Par.?

bahuratnasamākīrṇaṃ dāsīdāsasamākulam // (6.2) Par.?

dhṛtarāṣṭrābhyanujñātaṃ bhrātrā dattaṃ vṛkodaraḥ / (7.1) Par.?

pratipede mahābāhur mandaraṃ maghavān iva // (7.2) Par.?

yathā duryodhanagṛhaṃ tathā duḥśāsanasya ca / (8.1) Par.?

prāsādamālāsaṃyuktaṃ hematoraṇabhūṣitam // (8.2) Par.?

dāsīdāsasusampūrṇaṃ prabhūtadhanadhānyavat / (9.1) Par.?

pratipede mahābāhur arjuno rājaśāsanāt // (9.2) Par.?

durmarṣaṇasya bhavanaṃ duḥśāsanagṛhād varam / (10.1) Par.?

kuberabhavanaprakhyaṃ maṇihemavibhūṣitam // (10.2) Par.?

nakulāya varārhāya karśitāya mahāvane / (11.1) Par.?

dadau prīto mahārāja dharmarājo yudhiṣṭhiraḥ // (11.2) Par.?

durmukhasya ca veśmāgryaṃ śrīmat kanakabhūṣitam / (12.1) Par.?

pūrṇaṃ padmadalākṣīṇāṃ strīṇāṃ śayanasaṃkulam // (12.2) Par.?

pradadau sahadevāya satataṃ priyakāriṇe / (13.1) Par.?

mumude tacca labdhvā sa kailāsaṃ dhanado yathā // (13.2) Par.?

yuyutsur viduraścaiva saṃjayaśca mahādyutiḥ / (14.1) Par.?

sudharmā caiva dhaumyaśca yathāsvaṃ jagmur ālayān // (14.2) Par.?

saha sātyakinā śaurir arjunasya niveśanam / (15.1) Par.?

viveśa puruṣavyāghro vyāghro giriguhām iva // (15.2) Par.?

tatra bhakṣānnapānaiste samupetāḥ sukhoṣitāḥ / (16.1) Par.?

sukhaprabuddhā rājānam upatasthur yudhiṣṭhiram // (16.2) Par.?