UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 6049
- Click on a sentence to show its analysis
- Keep the mouse pointer over a lemma to show its meanings.
janamejaya uvāca / (1.1)
Par.?
dharmātmani mahāsattve satyasaṃdhe jitātmani / (1.2)
Par.?
devavrate mahābhāge śaratalpagate 'cyute // (1.3)
Par.?
śayāne vīraśayane bhīṣme śaṃtanunandane / (2.1)
Par.?
gāṅgeye puruṣavyāghre pāṇḍavaiḥ paryupasthite // (2.2)
Par.?
kāḥ kathāḥ samavartanta tasmin vīrasamāgame / (3.1)
Par.?
hateṣu sarvasainyeṣu tanme śaṃsa mahāmune // (3.2)
Par.?
vaiśaṃpāyana uvāca / (4.1)
Par.?
śaratalpagate bhīṣme kauravāṇāṃ dhuraṃdhare / (4.2)
Par.?
ājagmur ṛṣayaḥ siddhā nāradapramukhā nṛpa // (4.3)
Par.?
hataśiṣṭāśca rājāno yudhiṣṭhirapurogamāḥ / (5.1)
Par.?
dhṛtarāṣṭraśca kṛṣṇaśca bhīmārjunayamāstathā // (5.2)
Par.?
te 'bhigamya mahātmāno bharatānāṃ pitāmaham / (6.1)
Par.?
anvaśocanta gāṅgeyam ādityaṃ patitaṃ yathā // (6.2)
Par.?
muhūrtam iva ca dhyātvā nārado devadarśanaḥ / (7.1)
Par.?
uvāca pāṇḍavān sarvān hataśiṣṭāṃśca pārthivān // (7.2)
Par.?
prāptakālaṃ ca ācakṣe bhīṣmo 'yam anuyujyatām / (8.1)
Par.?
astam eti hi gāṅgeyo bhānumān iva bhārata // (8.2)
Par.?
ayaṃ prāṇān utsisṛkṣustaṃ sarve 'bhyetya pṛcchata / (9.1)
Par.?
kṛtsnān hi vividhān dharmāṃścāturvarṇyasya vettyayam // (9.2)
Par.?
eṣa vṛddhaḥ purā lokān samprāpnoti tanutyajām / (10.1)
Par.?
taṃ śīghram anuyuñjadhvaṃ saṃśayānmanasi sthitān // (10.2)
Par.?
evam uktā nāradena bhīṣmam īyur narādhipāḥ / (11.1)
Par.?
praṣṭuṃ cāśaknuvantaste vīkṣāṃcakruḥ parasparam // (11.2)
Par.?
athovāca hṛṣīkeśaṃ pāṇḍuputro yudhiṣṭhiraḥ / (12.1)
Par.?
nānyastvad devakīputra śaktaḥ praṣṭuṃ pitāmaham // (12.2)
Par.?
pravyāhāraya durdharṣa tvam agre madhusūdana / (13.1)
Par.?
tvaṃ hi nastāta sarveṣāṃ sarvadharmavid uttamaḥ // (13.2)
Par.?
evam uktaḥ pāṇḍavena bhagavān keśavastadā / (14.1)
Par.?
abhigamya durādharṣaṃ pravyāhārayad acyutaḥ // (14.2)
Par.?
vāsudeva uvāca / (15.1)
Par.?
kaccit sukhena rajanī vyuṣṭā te rājasattama / (15.2)
Par.?
vispaṣṭalakṣaṇā buddhiḥ kacciccopasthitā tava // (15.3)
Par.?
kaccijjñānāni sarvāṇi pratibhānti ca te 'nagha / (16.1)
Par.?
na glāyate ca hṛdayaṃ na ca te vyākulaṃ manaḥ // (16.2)
Par.?
bhīṣma uvāca / (17.1)
Par.?
dāho mohaḥ śramaścaiva klamo glānistathā rujā / (17.2)
Par.?
tava prasādād govinda sadyo vyapagatānagha // (17.3)
Par.?
yacca bhūtaṃ bhaviṣyacca bhavacca paramadyute / (18.1)
Par.?
tat sarvam anupaśyāmi pāṇau phalam ivāhitam // (18.2)
Par.?
vedoktāścaiva ye dharmā vedāntanihitāśca ye / (19.1)
Par.?
tān sarvān samprapaśyāmi varadānāt tavācyuta // (19.2)
Par.?
śiṣṭaiśca dharmo yaḥ proktaḥ sa ca me hṛdi vartate / (20.1)
Par.?
deśajātikulānāṃ ca dharmajño 'smi janārdana // (20.2)
Par.?
caturṣvāśramadharmeṣu yo 'rthaḥ sa ca hṛdi sthitaḥ / (21.1)
Par.?
rājadharmāṃśca sakalān avagacchāmi keśava // (21.2)
Par.?
yatra yatra ca vaktavyaṃ tad vakṣyāmi janārdana / (22.1)
Par.?
tava prasādāddhi śubhā mano me buddhir āviśat // (22.2)
Par.?
yuveva cāsmi saṃvṛttastvadanudhyānabṛṃhitaḥ / (23.1)
Par.?
vaktuṃ śreyaḥ samartho 'smi tvatprasādājjanārdana // (23.2)
Par.?
svayaṃ kimarthaṃ tu bhavāñ śreyo na prāha pāṇḍavam / (24.1)
Par.?
kiṃ te vivakṣitaṃ cātra tad āśu vada mādhava // (24.2)
Par.?
vāsudeva uvāca / (25.1)
Par.?
yaśasaḥ śreyasaścaiva mūlaṃ māṃ viddhi kaurava / (25.2)
Par.?
mattaḥ sarve 'bhinirvṛttā bhāvāḥ sadasadātmakāḥ // (25.3)
Par.?
śītāṃśuścandra ityukte ko loke vismayiṣyati / (26.1)
Par.?
tathaiva yaśasā pūrṇe mayi ko vismayiṣyati // (26.2)
Par.?
ādheyaṃ tu mayā bhūyo yaśastava mahādyute / (27.1)
Par.?
tato me vipulā buddhistvayi bhīṣma samāhitā // (27.2)
Par.?
yāvaddhi pṛthivīpāla pṛthivī sthāsyate dhruvā / (28.1)
Par.?
tāvat tavākṣayā kīrtir lokān anu cariṣyati // (28.2)
Par.?
yacca tvaṃ vakṣyase bhīṣma pāṇḍavāyānupṛcchate / (29.1)
Par.?
vedapravādā iva te sthāsyanti vasudhātale // (29.2)
Par.?
yaścaitena pramāṇena yokṣyatyātmānam ātmanā / (30.1)
Par.?
sa phalaṃ sarvapuṇyānāṃ pretya cānubhaviṣyati // (30.2)
Par.?
etasmāt kāraṇād bhīṣma matir divyā mayā hi te / (31.1)
Par.?
dattā yaśo vipratheta kathaṃ bhūyastaveti ha // (31.2)
Par.?
yāvaddhi prathate loke puruṣasya yaśo bhuvi / (32.1)
Par.?
tāvat tasyākṣayaṃ sthānaṃ bhavatīti viniścitam // (32.2)
Par.?
rājāno hataśiṣṭāstvāṃ rājann abhita āsate / (33.1) Par.?
dharmān anuyuyukṣantastebhyaḥ prabrūhi bhārata // (33.2)
Par.?
bhavān hi vayasā vṛddhaḥ śrutācārasamanvitaḥ / (34.1)
Par.?
kuśalo rājadharmāṇāṃ pūrveṣām aparāśca ye // (34.2)
Par.?
janmaprabhṛti te kaścid vṛjinaṃ na dadarśa ha / (35.1)
Par.?
jñātāram anudharmāṇāṃ tvāṃ viduḥ sarvapārthivāḥ // (35.2)
Par.?
tebhyaḥ piteva putrebhyo rājan brūhi paraṃ nayam / (36.1)
Par.?
ṛṣayaśca hi devāśca tvayā nityam upāsitāḥ // (36.2)
Par.?
tasmād vaktavyam eveha tvayā paśyāmyaśeṣataḥ / (37.1)
Par.?
dharmāñ śuśrūṣamāṇebhyaḥ pṛṣṭena ca satā punaḥ // (37.2)
Par.?
vaktavyaṃ viduṣā ceti dharmam āhur manīṣiṇaḥ / (38.1)
Par.?
apratibruvataḥ kaṣṭo doṣo hi bhavati prabho // (38.2)
Par.?
tasmāt putraiśca pautraiśca dharmān pṛṣṭaḥ sanātanān / (39.1)
Par.?
vidvāñ jijñāsamānaistvaṃ prabrūhi bharatarṣabha // (39.2)
Par.?
Duration=0.16532492637634 secs.