Texts

yudhiṣṭhira uvāca / (1.1) Par.?

yau tu syātāṃ caraṇenopapannau yau vidyayā sadṛśau janmanā ca / (1.2) Par.?

tābhyāṃ dānaṃ katarasmai viśiṣṭam ayācamānāya ca yācate ca // (1.3) Par.?

bhīṣma uvāca / (2.1) Par.?

śreyo vai yācataḥ pārtha dattam āhur ayācate / (2.2) Par.?

arhattamo vai dhṛtimān kṛpaṇād adhṛtātmanaḥ // (2.3) Par.?

kṣatriyo rakṣaṇadhṛtir brāhmaṇo 'narthanādhṛtiḥ / (3.1) Par.?

brāhmaṇo dhṛtimān vidvān devān prīṇāti tuṣṭimān // (3.2) Par.?

yācñām āhur anīśasya abhihāraṃ ca bhārata / (4.1) Par.?

udvejayati yācan hi sadā bhūtāni dasyuvat // (4.2) Par.?

mriyate yācamāno vai tam anu mriyate dadat / (5.1) Par.?

dadat saṃjīvayatyenam ātmānaṃ ca yudhiṣṭhira // (5.2) Par.?

ānṛśaṃsyaṃ paro dharmo yācate yat pradīyate / (6.1) Par.?

ayācataḥ sīdamānān sarvopāyair nimantraya // (6.2) Par.?

yadi vai tādṛśā rāṣṭre vaseyuste dvijottamāḥ / (7.1) Par.?

bhasmacchannān ivāgnīṃstān budhyethāstvaṃ prayatnataḥ // (7.2) Par.?

tapasā dīpyamānāste daheyuḥ pṛthivīm api / (8.1) Par.?

pūjyā hi jñānavijñānatapoyogasamanvitāḥ // (8.2) Par.?

tebhyaḥ pūjāṃ prayuñjīthā brāhmaṇebhyaḥ paraṃtapa / (9.1) Par.?

dadad bahuvidhān dāyān upacchandān ayācatām // (9.2) Par.?

yad agnihotre suhute sāyaṃ prātar bhavet phalam / (10.1) Par.?

vidyāvedavratavati tad dānaphalam ucyate // (10.2) Par.?

vidyāvedavratasnātān avyapāśrayajīvinaḥ / (11.1) Par.?

gūḍhasvādhyāyatapaso brāhmaṇān saṃśitavratān // (11.2) Par.?

kṛtair āvasathair hṛdyaiḥ sapreṣyaiḥ saparicchadaiḥ / (12.1) Par.?

nimantrayethāḥ kaunteya kāmaiścānyair dvijottamān // (12.2) Par.?

api te pratigṛhṇīyuḥ śraddhāpūtaṃ yudhiṣṭhira / (13.1) Par.?

kāryam ityeva manvānā dharmajñāḥ sūkṣmadarśinaḥ // (13.2) Par.?

api te brāhmaṇā bhuktvā gatāḥ soddharaṇān gṛhān / (14.1) Par.?

yeṣāṃ dārāḥ pratīkṣante parjanyam iva karṣakāḥ // (14.2) Par.?

annāni prātaḥsavane niyatā brahmacāriṇaḥ / (15.1) Par.?

brāhmaṇāstāta bhuñjānāstretāgnīn prīṇayantu te // (15.2) Par.?

mādhyaṃdinaṃ te savanaṃ dadatastāta vartatām / (16.1) Par.?

gā hiraṇyāni vāsāṃsi tenendraḥ prīyatāṃ tava // (16.2) Par.?

tṛtīyaṃ savanaṃ tat te vaiśvadevaṃ yudhiṣṭhira / (17.1) Par.?

yad devebhyaḥ pitṛbhyaśca viprebhyaśca prayacchasi // (17.2) Par.?

ahiṃsā sarvabhūtebhyaḥ saṃvibhāgaśca sarvaśaḥ / (18.1) Par.?

damastyāgo dhṛtiḥ satyaṃ bhavatvavabhṛthāya te // (18.2) Par.?

eṣa te vitato yajñaḥ śraddhāpūtaḥ sadakṣiṇaḥ / (19.1) Par.?

viśiṣṭaḥ sarvayajñebhyo nityaṃ tāta pravartatām // (19.2) Par.?