Texts

Help

Select a text:
Bibliography

Select a chapter:
(no revisions)

Associated topic(s): Sāṃkhya

Show parallels Show headlines
Use dependency labeler

Chapter id: 8687

Click on a sentence to show its analysis
Keep the mouse pointer over a lemma to show its meanings.

brahmovāca / (1.1) Par.?

manuṣyāṇāṃ tu rājanyaḥ kṣatriyo madhyamo guṇaḥ / (1.2) Par.?

kuñjaro vāhanānāṃ ca siṃhaścāraṇyavāsinām // (1.3) Par.?

aviḥ paśūnāṃ sarveṣām ākhuśca bilavāsinām / (2.1) Par.?

gavāṃ govṛṣabhaścaiva strīṇāṃ puruṣa eva ca // (2.2) Par.?

nyagrodho jambuvṛkṣaśca pippalaḥ śālmalistathā / (3.1) Par.?

śiṃśapā meṣaśṛṅgaśca tathā kīcakaveṇavaḥ / (3.2) Par.?

ete drumāṇāṃ rājāno loke 'sminnātra saṃśayaḥ // (3.3) Par.?

himavān pāriyātraśca sahyo vindhyastrikūṭavān / (4.1) Par.?

śveto nīlaśca bhāsaśca kāṣṭhavāṃścaiva parvataḥ // (4.2) Par.?

śubhaskandho mahendraśca mālyavān parvatastathā / (5.1) Par.?

ete parvatarājāno gaṇānāṃ marutastathā // (5.2) Par.?

sūryo grahāṇām adhipo nakṣatrāṇāṃ ca candramāḥ / (6.1) Par.?

yamaḥ pitṝṇām adhipaḥ saritām atha sāgaraḥ // (6.2) Par.?

ambhasāṃ varuṇo rājā sattvānāṃ mitra ucyate / (7.1) Par.?

arko 'dhipatir uṣṇānāṃ jyotiṣām indur ucyate // (7.2) Par.?

agnir bhūtapatir nityaṃ brāhmaṇānāṃ bṛhaspatiḥ / (8.1) Par.?

oṣadhīnāṃ patiḥ somo viṣṇur balavatāṃ varaḥ // (8.2) Par.?

tvaṣṭādhirājo rūpāṇāṃ paśūnām īśvaraḥ śivaḥ / (9.1) Par.?

dakṣiṇānāṃ tathā yajño vedānām ṛṣayastathā // (9.2) Par.?

diśām udīcī viprāṇāṃ somo rājā pratāpavān / (10.1) Par.?

kuberaḥ sarvayakṣāṇāṃ devatānāṃ puraṃdaraḥ / (10.2) Par.?

eṣa bhūtādikaḥ sargaḥ prajānāṃ ca prajāpatiḥ // (10.3) Par.?

sarveṣām eva bhūtānām ahaṃ brahmamayo mahān / (11.1) Par.?

bhūtaṃ parataraṃ matto viṣṇor vāpi na vidyate // (11.2) Par.?

rājādhirājaḥ sarvāsāṃ viṣṇur brahmamayo mahān / (12.1) Par.?

īśvaraṃ taṃ vijānīmaḥ sa vibhuḥ sa prajāpatiḥ // (12.2) Par.?

narakiṃnarayakṣāṇāṃ gandharvoragarakṣasām / (13.1) Par.?

devadānavanāgānāṃ sarveṣām īśvaro hi saḥ // (13.2) Par.?

bhagadevānuyātānāṃ sarvāsāṃ vāmalocanā / (14.1) Par.?

māheśvarī mahādevī procyate pārvatīti yā // (14.2) Par.?

umāṃ devīṃ vijānīta nārīṇām uttamāṃ śubhām / (15.1) Par.?

ratīnāṃ vasumatyastu strīṇām apsarasastathā // (15.2) Par.?

dharmakāmāśca rājāno brāhmaṇā dharmalakṣaṇāḥ / (16.1) Par.?

tasmād rājā dvijātīnāṃ prayateteha rakṣaṇe // (16.2) Par.?

rājñāṃ hi viṣaye yeṣām avasīdanti sādhavaḥ / (17.1) Par.?

hīnāste svaguṇaiḥ sarvaiḥ pretyāvāṅmārgagāminaḥ // (17.2) Par.?

rājñāṃ tu viṣaye yeṣāṃ sādhavaḥ parirakṣitāḥ / (18.1) Par.?

te 'smiṃl loke pramodante pretya cānantyam eva ca / (18.2) Par.?

prāpnuvanti mahātmāna iti vitta dvijarṣabhāḥ // (18.3) Par.?

ata ūrdhvaṃ pravakṣyāmi niyataṃ dharmalakṣaṇam / (19.1) Par.?

ahiṃsālakṣaṇo dharmo hiṃsā cādharmalakṣaṇā // (19.2) Par.?

prakāśalakṣaṇā devā manuṣyāḥ karmalakṣaṇāḥ / (20.1) Par.?

śabdalakṣaṇam ākāśaṃ vāyustu sparśalakṣaṇaḥ // (20.2) Par.?

jyotiṣāṃ lakṣaṇaṃ rūpam āpaśca rasalakṣaṇāḥ / (21.1) Par.?

dharaṇī sarvabhūtānāṃ pṛthivī gandhalakṣaṇā // (21.2) Par.?

svaravyañjanasaṃskārā bhāratī satyalakṣaṇā / (22.1) Par.?

manaso lakṣaṇaṃ cintā tathoktā buddhir anvayāt // (22.2) Par.?

manasā cintayāno 'rthān buddhyā caiva vyavasyati / (23.1) Par.?

buddhir hi vyavasāyena lakṣyate nātra saṃśayaḥ // (23.2) Par.?

lakṣaṇaṃ mahato dhyānam avyaktaṃ sādhulakṣaṇam / (24.1) Par.?

pravṛttilakṣaṇo yogo jñānaṃ saṃnyāsalakṣaṇam // (24.2) Par.?

tasmājjñānaṃ puraskṛtya saṃnyased iha buddhimān / (25.1) Par.?

saṃnyāsī jñānasaṃyuktaḥ prāpnoti paramāṃ gatim / (25.2) Par.?

atīto 'dvaṃdvam abhyeti tamomṛtyujarātigam // (25.3) Par.?

dharmalakṣaṇasaṃyuktam uktaṃ vo vidhivanmayā / (26.1) Par.?

guṇānāṃ grahaṇaṃ samyag vakṣyāmyaham ataḥ param // (26.2) Par.?

pārthivo yastu gandho vai ghrāṇeneha sa gṛhyate / (27.1) Par.?

ghrāṇasthaśca tathā vāyur gandhajñāne vidhīyate // (27.2) Par.?

apāṃ dhāturaso nityaṃ jihvayā sa tu gṛhyate / (28.1) Par.?

jihvāsthaśca tathā somo rasajñāne vidhīyate // (28.2) Par.?

jyotiṣaśca guṇo rūpaṃ cakṣuṣā tacca gṛhyate / (29.1) Par.?

cakṣuḥsthaśca tathādityo rūpajñāne vidhīyate // (29.2) Par.?

vāyavyastu tathā sparśastvacā prajñāyate ca saḥ / (30.1) Par.?

tvaksthaścaiva tathā vāyuḥ sparśajñāne vidhīyate // (30.2) Par.?

ākāśasya guṇo ghoṣaḥ śrotreṇa sa tu gṛhyate / (31.1) Par.?

śrotrasthāśca diśaḥ sarvāḥ śabdajñāne prakīrtitāḥ // (31.2) Par.?

manasastu guṇaścintā prajñayā sa tu gṛhyate / (32.1) Par.?

hṛdisthacetanādhātur manojñāne vidhīyate // (32.2) Par.?

buddhir adhyavasāyena dhyānena ca mahāṃstathā / (33.1) Par.?

niścitya grahaṇaṃ nityam avyaktaṃ nātra saṃśayaḥ // (33.2) Par.?

aliṅgagrahaṇo nityaḥ kṣetrajño nirguṇātmakaḥ / (34.1) Par.?

tasmād aliṅgaḥ kṣetrajñaḥ kevalaṃ jñānalakṣaṇaḥ // (34.2) Par.?

avyaktaṃ kṣetram uddiṣṭaṃ guṇānāṃ prabhavāpyayam / (35.1) Par.?

sadā paśyāmyahaṃ līnaṃ vijānāmi śṛṇomi ca // (35.2) Par.?

puruṣastad vijānīte tasmāt kṣetrajña ucyate / (36.1) Par.?

guṇavṛttaṃ tathā kṛtsnaṃ kṣetrajñaḥ paripaśyati // (36.2) Par.?

ādimadhyāvasānāntaṃ sṛjyamānam acetanam / (37.1) Par.?

na guṇā vidur ātmānaṃ sṛjyamānaṃ punaḥ punaḥ // (37.2) Par.?

na satyaṃ veda vai kaścit kṣetrajñastveva vindati / (38.1) Par.?

guṇānāṃ guṇabhūtānāṃ yat paraṃ parato mahat // (38.2) Par.?

tasmād guṇāṃśca tattvaṃ ca parityajyeha tattvavit / (39.1) Par.?

kṣīṇadoṣo guṇān hitvā kṣetrajñaṃ praviśatyatha // (39.2) Par.?

nirdvaṃdvo nirnamaskāro niḥsvadhākāra eva ca / (40.1) Par.?

acalaścāniketaśca kṣetrajñaḥ sa paro vibhuḥ // (40.2) Par.?

Duration=0.225919008255 secs.