UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 7471
- Click on a sentence to show its analysis
- Keep the mouse pointer over a lemma to show its meanings.
janamejaya uvāca / (1.1)
Par.?
uttaṅkāya varaṃ dattvā govindo dvijasattama / (1.2)
Par.?
ata ūrdhvaṃ mahābāhuḥ kiṃ cakāra mahāyaśāḥ // (1.3)
Par.?
vaiśaṃpāyana uvāca / (2.1)
Par.?
dattvā varam uttaṅkāya prāyāt sātyakinā saha / (2.2)
Par.?
dvārakām eva govindaḥ śīghravegair mahāhayaiḥ // (2.3)
Par.?
sarāṃsi ca nadīścaiva vanāni vividhāni ca / (3.1)
Par.?
atikramya sasādātha ramyāṃ dvāravatīṃ purīm // (3.2)
Par.?
vartamāne mahārāja mahe raivatakasya ca / (4.1)
Par.?
upāyāt puṇḍarīkākṣo yuyudhānānugastadā // (4.2)
Par.?
alaṃkṛtastu sa girir nānārūpavicitritaiḥ / (5.1)
Par.?
babhau rukmamayaiḥ kāśaiḥ sarvataḥ puruṣarṣabha // (5.2)
Par.?
kāñcanasragbhir agryābhiḥ sumanobhistathaiva ca / (6.1)
Par.?
vāsobhiśca mahāśailaḥ kalpavṛkṣaiśca sarvaśaḥ // (6.2)
Par.?
dīpavṛkṣaiśca sauvarṇair abhīkṣṇam upaśobhitaḥ / (7.1)
Par.?
guhānirjharadeśeṣu divābhūto babhūva ha // (7.2)
Par.?
patākābhir vicitrābhiḥ saghaṇṭābhiḥ samantataḥ / (8.1) Par.?
puṃbhiḥ strībhiśca saṃghuṣṭaḥ pragīta iva cābhavat / (8.2)
Par.?
atīva prekṣaṇīyo 'bhūnmerur munigaṇair iva // (8.3)
Par.?
mattānāṃ hṛṣṭarūpāṇāṃ strīṇāṃ puṃsāṃ ca bhārata / (9.1)
Par.?
gāyatāṃ parvatendrasya divaspṛg iva nisvanaḥ // (9.2)
Par.?
pramattamattasaṃmattakṣveḍitotkṛṣṭasaṃkulā / (10.1)
Par.?
tathā kilakilāśabdair bhūr abhūt sumanoharā // (10.2)
Par.?
vipaṇāpaṇavān ramyo bhakṣyabhojyavihāravān / (11.1)
Par.?
vastramālyotkarayuto vīṇāveṇumṛdaṅgavān // (11.2)
Par.?
surāmaireyamiśreṇa bhakṣyabhojyena caiva ha / (12.1)
Par.?
dīnāndhakṛpaṇādibhyo dīyamānena cāniśam / (12.2)
Par.?
babhau paramakalyāṇo mahastasya mahāgireḥ // (12.3)
Par.?
puṇyāvasathavān vīra puṇyakṛdbhir niṣevitaḥ / (13.1)
Par.?
vihāro vṛṣṇivīrāṇāṃ mahe raivatakasya ha / (13.2)
Par.?
sa nago veśmasaṃkīrṇo devaloka ivābabhau // (13.3)
Par.?
tadā ca kṛṣṇasāṃnidhyam āsādya bharatarṣabha / (14.1)
Par.?
śakrasadmapratīkāśo babhūva sa hi śailarāṭ // (14.2)
Par.?
tataḥ sampūjyamānaḥ sa viveśa bhavanaṃ śubham / (15.1)
Par.?
govindaḥ sātyakiścaiva jagāma bhavanaṃ svakam // (15.2)
Par.?
viveśa ca sa hṛṣṭātmā cirakālapravāsakaḥ / (16.1)
Par.?
kṛtvā nasukaraṃ karma dānaveṣviva vāsavaḥ // (16.2)
Par.?
upayātaṃ tu vārṣṇeyaṃ bhojavṛṣṇyandhakāstadā / (17.1)
Par.?
abhyagacchanmahātmānaṃ devā iva śatakratum // (17.2)
Par.?
sa tān abhyarcya medhāvī pṛṣṭvā ca kuśalaṃ tadā / (18.1)
Par.?
abhyavādayata prītaḥ pitaraṃ mātaraṃ tathā // (18.2)
Par.?
tābhyāṃ ca sampariṣvaktaḥ sāntvitaśca mahābhujaḥ / (19.1)
Par.?
upopaviṣṭastaiḥ sarvair vṛṣṇibhiḥ parivāritaḥ // (19.2)
Par.?
sa viśrānto mahātejāḥ kṛtapādāvasecanaḥ / (20.1)
Par.?
kathayāmāsa taṃ kṛṣṇaḥ pṛṣṭaḥ pitrā mahāhavam // (20.2)
Par.?
Duration=0.094161987304688 secs.