UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9458
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
ājñāpayāmāsa tataḥ senāṃ bharatasattamaḥ / (1.2)
Par.?
arjunapramukhair guptāṃ lokapālopamair naraiḥ // (1.3)
Par.?
yogo yoga iti prītyā tataḥ śabdo mahān abhūt / (2.1)
Par.?
krośatāṃ sādināṃ tatra yujyatāṃ yujyatām iti // (2.2)
Par.?
kecid yānair narā jagmuḥ kecid aśvair manojavaiḥ / (3.1)
Par.?
rathaiśca nagarākāraiḥ pradīptajvalanopamaiḥ // (3.2)
Par.?
gajendraiśca tathaivānye kecid uṣṭrair narādhipa / (4.1)
Par.?
padātinastathaivānye nakharaprāsayodhinaḥ // (4.2)
Par.?
paurajānapadāścaiva yānair bahuvidhaistathā / (5.1)
Par.?
anvayuḥ kururājānaṃ dhṛtarāṣṭradidṛkṣayā // (5.2)
Par.?
sa cāpi rājavacanād ācāryo gautamaḥ kṛpaḥ / (6.1)
Par.?
senām ādāya senānī prayayāvāśramaṃ prati // (6.2)
Par.?
tato dvijair vṛtaḥ śrīmān kururājo yudhiṣṭhiraḥ / (7.1)
Par.?
saṃstūyamāno bahubhiḥ sūtamāgadhabandibhiḥ // (7.2)
Par.?
pāṇḍureṇātapatreṇa dhriyamāṇena mūrdhani / (8.1)
Par.?
rathānīkena mahatā niryayau kurunandanaḥ // (8.2)
Par.?
gajaiścācalasaṃkāśair bhīmakarmā vṛkodaraḥ / (9.1)
Par.?
sajjayantrāyudhopetaiḥ prayayau mārutātmajaḥ // (9.2)
Par.?
mādrīputrāvapi tathā hayārohaiḥ susaṃvṛtau / (10.1)
Par.?
jagmatuḥ prītijananau saṃnaddhakavacadhvajau // (10.2)
Par.?
arjunaśca mahātejā rathenādityavarcasā / (11.1)
Par.?
vaśī śvetair hayair divyair yuktenānvagamannṛpam // (11.2)
Par.?
draupadīpramukhāścāpi strīsaṃghāḥ śibikāgatāḥ / (12.1)
Par.?
stryadhyakṣayuktāḥ prayayur visṛjanto 'mitaṃ vasu // (12.2)
Par.?
samṛddhanaranāgāśvaṃ veṇuvīṇānināditam / (13.1)
Par.?
śuśubhe pāṇḍavaṃ sainyaṃ tat tadā bharatarṣabha // (13.2)
Par.?
nadītīreṣu ramyeṣu saratsu ca viśāṃ pate / (14.1) Par.?
vāsān kṛtvā krameṇātha jagmuste kurupuṃgavāḥ // (14.2)
Par.?
yuyutsuśca mahātejā dhaumyaścaiva purohitaḥ / (15.1)
Par.?
yudhiṣṭhirasya vacanāt puraguptiṃ pracakratuḥ // (15.2)
Par.?
tato yudhiṣṭhiro rājā kurukṣetram avātarat / (16.1)
Par.?
krameṇottīrya yamunāṃ nadīṃ paramapāvanīm // (16.2)
Par.?
sa dadarśāśramaṃ dūrād rājarṣestasya dhīmataḥ / (17.1)
Par.?
śatayūpasya kauravya dhṛtarāṣṭrasya caiva ha // (17.2)
Par.?
tataḥ pramuditaḥ sarvo janastad vanam añjasā / (18.1)
Par.?
viveśa sumahānādair āpūrya bharatarṣabha // (18.2)
Par.?
Duration=0.10011506080627 secs.