UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2346
- Click on a sentence to show its analysis
- Keep the mouse pointer over a lemma to show its meanings.
munaya ūcuḥ / (1.1)
Par.?
purāṇasaṃkhyāmācakṣva sūta vistaraśaḥ kramāt / (1.2)
Par.?
dānadharmamaśeṣaṃ tu yathāvadanupūrvaśaḥ // (1.3)
Par.?
idameva purāṇeṣu purāṇapuruṣastadā / (2.2)
Par.?
yaduktavānsa viśvātmā manave tannibodhata // (2.3)
Par.?
matsya uvāca / (3.1)
Par.?
purāṇaṃ sarvaśāstrāṇāṃ prathamaṃ brahmaṇā smṛtam / (3.2)
Par.?
anantaraṃ ca vaktrebhyo vedāstasya vinirgatāḥ // (3.3)
Par.?
purāṇamekamevāsīttadā kalpāntare'nagha / (4.1)
Par.?
trivargasādhanaṃ puṇyaṃ śatakoṭipravistaram // (4.2)
Par.?
nirdagdheṣu ca lokeṣu vājirūpeṇa vai mayā / (5.1)
Par.?
aṅgāni caturo vedānpurāṇaṃ nyāyavistaram // (5.2)
Par.?
mīmāṃsāṃ dharmaśāstraṃ ca parigṛhya mayā kṛtam / (6.1)
Par.?
matsyarūpeṇa ca punaḥ kalpādāvudakārṇave // (6.2)
Par.?
aśeṣam etatkathitamudakāntargatena ca / (7.1)
Par.?
śrutvā jagāda ca munīnprati devāṃścaturmukhaḥ // (7.2)
Par.?
pravṛttiḥ sarvaśāstrāṇāṃ purāṇasyābhavattataḥ / (8.1)
Par.?
kālenāgrahaṇaṃ dṛṣṭvā purāṇasya tato nṛpa // (8.2)
Par.?
vyāsarūpamahaṃ kṛtvā saṃharāmi yuge yuge / (9.1)
Par.?
caturlakṣapramāṇena dvāpare dvāpare sadā // (9.2)
Par.?
tathāṣṭādaśadhā kṛtvā bhūrloke 'sminprakāśyate / (10.1)
Par.?
adyāpi devaloke'smiñchatakoṭipravistaram // (10.2)
Par.?
tadartho'tra caturlakṣaṃ saṃkṣepeṇa nivaśitaḥ / (11.1)
Par.?
purāṇāni daśāṣṭau ca sāmprataṃ tadihocyate // (11.2)
Par.?
nāmatastāni vakṣyāmi śṛṇudhvaṃ munisattamāḥ / (12.1)
Par.?
brahmaṇābhihitaṃ pūrvaṃ yāvanmātraṃ marīcaye // (12.2)
Par.?
brāhmaṃ tridaśasāhasraṃ purāṇaṃ parikīrtyate / (13.1)
Par.?
likhitvā tacca yo dadyājjaladhenusamanvitam / (13.2)
Par.?
vaiśākhapūrṇimāyāṃ ca brahmaloke mahīyate // (13.3)
Par.?
etadeva yadā padmam abhūddhairaṇmayaṃ jagat / (14.1)
Par.?
tadvṛttāntāśrayaṃ tadvatpādmamityucyate budhaiḥ / (14.2)
Par.?
pādmaṃ tatpañcapañcāśatsahasrāṇīha kathyate // (14.3)
Par.?
tatpurāṇaṃ ca yo dadyātsuvarṇakamalānvitam / (15.1)
Par.?
jyeṣṭhe māsi tilairyuktamaśvamedhaphalaṃ labhet // (15.2)
Par.?
vārāhakalpavṛttāntamadhikṛtya parāśaraḥ / (16.1)
Par.?
yatprāha dharmānakhilāṃstadyuktaṃ vaiṣṇavaṃ viduḥ // (16.2)
Par.?
tadāṣāḍhe ca yo dadyādghṛtadhenusamanvitam / (17.1)
Par.?
paurṇamāsyāṃ vipūtātmā sa padaṃ yāti vāruṇam / (17.2)
Par.?
trayoviṃśatisāhasraṃ tatpramāṇaṃ vidurbudhāḥ // (17.3)
Par.?
śvetakalpaprasaṅgena dharmānvāyurihābravīt / (18.1)
Par.?
yatra tadvāyavīyaṃ syādrudramāhātmyasaṃyutam / (18.2)
Par.?
caturviṃśasahasrāṇi purāṇaṃ tadihocyate // (18.3)
Par.?
śrāvaṇyāṃ śrāvaṇe māsi guḍadhenusamanvitam / (19.1)
Par.?
yo dadyādvṛṣasaṃyuktaṃ brāhmaṇāya kuṭumbine / (19.2)
Par.?
śivaloke sa pūtātmā kalpamekaṃ vasennaraḥ // (19.3)
Par.?
yatrādhikṛtya gāyatrīṃ varṇyate dharmavistaraḥ / (20.1)
Par.?
vṛtrāsuravadhopetaṃ tadbhāgavatamucyate // (20.2)
Par.?
sārasvatasya kalpasya madhye ye syurnarottamāḥ / (21.1)
Par.?
tadvṛttāntodbhavaṃ loke tadbhāgavatamucyate // (21.2)
Par.?
likhitvā tacca yo dadyāddhemasiṃhasamanvitam / (22.1)
Par.?
paurṇamāsyāṃ prauṣṭhapadyāṃ sa yāti paramāṃ gatim / (22.2)
Par.?
aṣṭādaśa sahasrāṇi purāṇaṃ tatpracakṣate // (22.3)
Par.?
yatrāha nārado dharmānbṛhatkalpāśrayāṇi ca / (23.1)
Par.?
pañcaviṃśatsahasrāṇi nāradīyaṃ taducyate // (23.2)
Par.?
āśvine pañcadaśyāṃ tu dadyāddhenusamanvitam / (24.1)
Par.?
paramāṃ siddhimāpnoti punarāvṛttidurlabhām // (24.2)
Par.?
yatrādhikṛtya śakunīndharmādharmavicāraṇā / (25.1)
Par.?
vyākhyātā vai munipraśne munibhirdharmacāribhiḥ // (25.2)
Par.?
mārkaṇḍeyena kathitaṃ tatsarvaṃ vistareṇa tu / (26.1)
Par.?
purāṇaṃ navasāhasraṃ mārkaṇḍeyam ihocyate // (26.2)
Par.?
pratilikhya ca yo dadyātsauvarṇakarisaṃyutam / (27.1)
Par.?
kārttikyāṃ puṇḍarīkasya yajñasya phalabhāgbhavet // (27.2)
Par.?
yat tad īśānakaṃ kalpaṃ vṛttāntamadhikṛtya ca / (28.1)
Par.?
vasiṣṭhāyāgninā proktamāgneyaṃ tatpracakṣate // (28.2)
Par.?
likhitvā tacca yo dadyāddhemapadmasamanvitam / (29.1)
Par.?
mārgaśīrṣyāṃ vidhānena tiladhenusamanvitam // (29.2)
Par.?
tacca ṣoḍaśasāhasraṃ sarvakratuphalapradam / (30.1)
Par.?
yaḥ pradadhannaraḥ so'tha svargaloke mahīyate // (30.2)
Par.?
yatrādhikṛtya māhātmyamādityasya caturmukhaḥ / (31.1)
Par.?
aghorakalpavṛttāntaprasaṅgena jagatsthitim / (31.2)
Par.?
manave kathayāmāsa bhūtagrāmasya lakṣaṇam // (31.3) Par.?
caturdaśa sahasrāṇi tathā pañca śatāni ca / (32.1)
Par.?
bhaviṣyacaritaprāyaṃ bhaviṣyaṃ tadihocyate // (32.2)
Par.?
tatpauṣe māsi yo dadyātpaurṇamāsyāṃ vimatsaraḥ / (33.1)
Par.?
guḍakumbhasamāyuktamagniṣṭomaphalaṃ bhavet // (33.2)
Par.?
rathaṃtarasya kalpasya vṛttāntamadhikṛtya ca / (34.1)
Par.?
sāvarṇinā nāradāya kṛṣṇamāhātmyamuttamam // (34.2)
Par.?
yatra brahmavarāhasya codantaṃ varṇitaṃ muhuḥ / (35.1)
Par.?
tadaṣṭādaśasāhasraṃ brahmavaivartamucyate // (35.2)
Par.?
purāṇaṃ brahmavaivartaṃ yo dadyānmāghamāsi ca / (36.1)
Par.?
paurṇamāsyāṃ śubhadine brahmaloke mahīyate // (36.2)
Par.?
yatrāgniliṅgamadhyasthaḥ prāha devo maheśvaraḥ / (37.1)
Par.?
dharmārthakāmamokṣārtham āgneyamadhikṛtya ca // (37.2)
Par.?
kalpānte laiṅgamityuktaṃ purāṇaṃ brahmaṇā svayam / (38.1)
Par.?
tadekādaśasāhasraṃ phālgunyāṃ yaḥ prayacchati / (38.2)
Par.?
tiladhenusamāyuktaṃ sa yāti śivasāmyatām // (38.3)
Par.?
mahāvarāhasya punarmāhātmyamadhikṛtya ca / (39.1)
Par.?
viṣṇunābhihitaṃ kṣoṇyai tadvārāham ihocyate // (39.2)
Par.?
mānavasya prasaṅgena kalpasya munisattamāḥ / (40.1)
Par.?
caturviṃśatsahasrāṇi tatpurāṇamihocyate // (40.2)
Par.?
kāñcanaṃ garuḍaṃ kṛtvā tiladhenusamanvitam / (41.1)
Par.?
paurṇamāsyāṃ madhau dadyādbrāhmaṇāya kuṭumbine / (41.2)
Par.?
varāhasya prasādena padamāpnoti vaiṣṇavam // (41.3)
Par.?
yatra māheśvarāndharmānadhikṛtya ca ṣaṇmukhaḥ / (42.1)
Par.?
kalpe tatpuruṣaṃ vṛttaṃ caritairupabṛṃhitam // (42.2)
Par.?
skāndaṃ nāma purāṇaṃ ca hyekāśītirnigadyate / (43.1)
Par.?
sahasrāṇi śataṃ caikamiti martyeṣu gadyate // (43.2)
Par.?
parilikhya ca yo dadyāddhemaśūlasamanvitam / (44.1)
Par.?
śaivaṃ padamavāpnoti mīne copāgate ravau // (44.2)
Par.?
trivikramasya māhātmyamadhikṛtya caturmukhaḥ / (45.1)
Par.?
trivargamabhyadhāttacca vāmanaṃ parikīrtitam // (45.2)
Par.?
purāṇaṃ daśasāhasraṃ kūrmakalpānugaṃ śivam / (46.1)
Par.?
yaḥ śaradviṣuve dadyādvaiṣṇavaṃ yātyasau padam // (46.2)
Par.?
yatra dharmārthakāmānāṃ mokṣasya ca rasātale / (47.1)
Par.?
māhātmyaṃ kathayāmāsa kūrmarūpī janārdanaḥ // (47.2)
Par.?
indradyumnaprasaṅgena ṛṣibhyaḥ śakrasaṃnidhau / (48.1)
Par.?
aṣṭādaśa sahasrāṇi lakṣmīkalpānuṣaṅgikam // (48.2)
Par.?
yo dadyādayane kūrmaṃ hemakūrmasamanvitam / (49.1)
Par.?
gosahasrapradānasya phalaṃ samprāpnuyānnaraḥ // (49.2)
Par.?
śrutīnāṃ yatra kalpādau pravṛttyarthaṃ janārdanaḥ / (50.1)
Par.?
matsyarūpeṇa manave narasiṃhopavarṇanam // (50.2)
Par.?
adhikṛtyābravītsaptakalpavṛttaṃ munīśvarāḥ / (51.1)
Par.?
tanmātsyamiti jānīdhvaṃ sahasrāṇi caturdaśa // (51.2)
Par.?
viṣuve hemamatsyena dhenvā caiva samanvitam / (52.1)
Par.?
yo dadyātpṛthivī tena dattā bhavati cākhilā // (52.2)
Par.?
yadā ca gāruḍe kalpe viśvāṇḍādgaruḍodbhavam / (53.1)
Par.?
adhikṛtyābravītkṛṣṇo gāruḍaṃ tadihocyate // (53.2)
Par.?
tad aṣṭādaśakaṃ caikaṃ sahasrāṇīha paṭhyate / (54.1)
Par.?
sauvarṇahaṃsasaṃyuktaṃ yo dadāti pumāniha / (54.2)
Par.?
sa siddhiṃ labhate mukhyāṃ śivaloke ca saṃsthitim // (54.3)
Par.?
brahmā brahmāṇḍamāhātmyamadhikṛtyābravītpunaḥ / (55.1)
Par.?
tacca dvādaśasāhasraṃ brahmāṇḍaṃ dviśatādhikam // (55.2)
Par.?
bhaviṣyāṇāṃ ca kalpānāṃ śrūyate yatra vistaraḥ / (56.1)
Par.?
tadbrahmāṇḍapurāṇaṃ ca brahmaṇā samudāhṛtam // (56.2)
Par.?
yo dadyāttadvyatīpāte pītorṇāyugasaṃyutam / (57.1)
Par.?
rājasūyasahasrasya phalamāpnoti mānavaḥ / (57.2)
Par.?
hemadhenvā yutaṃ tacca brahmalokaphalapradam // (57.3)
Par.?
caturlakṣamidaṃ proktaṃ vyāsenādbhutakarmaṇā / (58.1)
Par.?
matpiturmama pitrā ca mayā tubhyaṃ niveditam // (58.2)
Par.?
iha lokahitārthāya saṃkṣiptaṃ paramarṣiṇā / (59.1)
Par.?
idamadyāpi deveṣu śatakoṭipravistaram // (59.2)
Par.?
upabhedānpravakṣyāmi loke ye sampratiṣṭhitāḥ / (60.1)
Par.?
pādme purāṇe yatroktaṃ narasiṃhopavarṇanam / (60.2)
Par.?
taccāṣṭādaśasāhasraṃ nārasiṃhamihocyate // (60.3)
Par.?
nandāyā yatra māhātmyaṃ kārttikeyena varṇyate / (61.1)
Par.?
nandīpurāṇaṃ tallokairākhyātamiti kīrtyate // (61.2)
Par.?
yatra sāmbaṃ puraskṛtya bhaviṣyati kathānakam / (62.1)
Par.?
procyate tatpunarloke sāmbametanmunivratāḥ // (62.2)
Par.?
purātanasya kalpasya purāṇāni vidurbudhāḥ / (63.1)
Par.?
dhanyaṃ yaśasyamāyuṣyaṃ purāṇānāmanukramam / (63.2)
Par.?
evamādityasaṃjñā ca tatraiva parigadyate // (63.3)
Par.?
aṣṭādaśabhyastu pṛthakpurāṇaṃ yatpradiśyate / (64.1)
Par.?
vijānīdhvaṃ dvijaśreṣṭhāstadetebhyo vinirgatam // (64.2)
Par.?
pañcāṅgāni purāṇeṣu ākhyānakamiti smṛtam / (65.1)
Par.?
sargaśca pratisargaśca vaṃśo manvantarāṇi ca / (65.2)
Par.?
vaṃśyānucaritaṃ caiva purāṇaṃ pañcalakṣaṇam // (65.3)
Par.?
brahmaviṣṇvarkarudrāṇāṃ māhātmyaṃ bhuvanasya ca / (66.1)
Par.?
sasaṃhārapradānāṃ ca purāṇe pañcavarṇake // (66.2)
Par.?
dharmaścārthaśca kāmaśca mokṣaścaivātra kīrtyate / (67.1)
Par.?
sarveṣvapi purāṇeṣu tadviruddhaṃ ca yatphalam // (67.2)
Par.?
sāttvikeṣu purāṇeṣu māhātmyamadhikaṃ hareḥ / (68.1)
Par.?
rājaseṣu ca māhātmyamadhikaṃ brahmaṇo viduḥ // (68.2)
Par.?
tadvadagneśca māhātmyaṃ tāmaseṣu śivasya ca / (69.1)
Par.?
saṃkīrṇeṣu sarasvatyāḥ pitṝṇāṃ ca nigadyate // (69.2)
Par.?
aṣṭādaśa purāṇāni kṛtvā satyavatīsutaḥ / (70.1)
Par.?
bhāratākhyānamakhilaṃ cakre tadupabṛṃhitam / (70.2)
Par.?
lakṣeṇaikena yatproktaṃ vedārthaparibṛṃhitam // (70.3)
Par.?
vālmīkinā tu yatproktaṃ rāmopākhyānamuttamam / (71.1)
Par.?
brahmaṇābhihitaṃ yacca śatakoṭipravistaram // (71.2)
Par.?
āhṛtya nāradāyaivaṃ tena vālmīkaye punaḥ / (72.1)
Par.?
vālmīkinā ca lokeṣu dharmakāmārthasādhanam / (72.2)
Par.?
evaṃ sapādāḥ pañcaite lakṣā martye prakīrtitāḥ // (72.3)
Par.?
purātanasya kalpasya purāṇāni vidurbudhāḥ / (73.1)
Par.?
dhanyaṃ yaśasyamāyuṣyaṃ purāṇānāmanukramam / (73.2)
Par.?
yaḥ paṭhecchṛṇuyādvāpi sa yāti paramāṃ gatim // (73.3)
Par.?
idaṃ pavitraṃ yaśaso nidhānamidaṃ pitṝṇāmativallabhaṃ ca / (74.1)
Par.?
idaṃ ca deveṣv amṛtāyitaṃ ca nityaṃ tvidaṃ pāpaharaṃ ca puṃsām // (74.2)
Par.?
Duration=0.33759999275208 secs.