Texts

manuruvāca / (1.1) Par.?

madhurā bhāratī kena vratena madhusūdana / (1.2) Par.?

tathaiva janasaubhāgyamatividyāsu kauśalam // (1.3) Par.?

abhedaścāpi dampatyostathā bandhujanena ca / (2.1) Par.?

āyuśca vipulaṃ puṃsāṃ tanme kathaya mādhava // (2.2) Par.?

matsya uvāca / (3.1) Par.?

samyakpṛṣṭaṃ tvayā rājañchṛṇu sārasvataṃ vratam / (3.2) Par.?

yasya saṃkīrtanādeva tuṣyatīha sarasvatī // (3.3) Par.?

yo yadbhaktaḥ pumānkuryādetadvratamanuttamam / (4.1) Par.?

tadvāsarādau sampūjya viprānetānsamācaret // (4.2) Par.?

athavādityavāreṇa grahatārābalena ca / (5.1) Par.?

pāyasaṃ bhojayedviprānkṛtvā brāhmaṇavācanam // (5.2) Par.?

śuklavastrāṇi dattvā ca sahiraṇyāni śaktitaḥ / (6.1) Par.?

gāyatrīṃ pūjayedbhaktyā śuklamālyānulepanaiḥ // (6.2) Par.?

yathā na devi bhagavānbrahmaloke pitāmahaḥ / (7.1) Par.?

tvāṃ parityajya saṃtiṣṭhettathā bhava varapradā // (7.2) Par.?

vedāḥ śāstrāṇi sarvāṇi gītanṛtyādikaṃ ca yat / (8.1) Par.?

na vihīnaṃ tvayā devi tathā me santu siddhayaḥ // (8.2) Par.?

lakṣmīrmedhā dharā puṣṭirgaurī tuṣṭiḥ prabhā matiḥ / (9.1) Par.?

etābhiḥ pāhi cāṣṭābhistanubhirmāṃ sarasvati // (9.2) Par.?

evaṃ sampūjya gāyatrīṃ vīṇākṣamaṇidhāriṇīm / (10.1) Par.?

śuklapuṣpākṣatair bhaktyā sakamaṇḍalupustakām / (10.2) Par.?

maunavratena bhuñjīta sāyaṃ prātastu dharmavit // (10.3) Par.?

pañcamyāṃ pratipakṣaṃ ca pūjayedbrahmavāsinīm / (11.1) Par.?

tathaiva taṇḍulaprasthaṃ ghṛtapātreṇa saṃyutam / (11.2) Par.?

kṣīraṃ dadyāddhiraṇyaṃ ca gāyatrī prīyatāmiti // (11.3) Par.?

saṃdhyāyāṃ ca tathā maunametatkurvansamācaret / (12.1) Par.?

nāntarā bhojanaṃ kuryādyāvanmāsāstrayodaśa // (12.2) Par.?

samāpte tu vrate kuryādbhojanaṃ śuklataṇḍulaiḥ / (13.1) Par.?

pūrvaṃ savastrayugmaṃ ca dadyādviprāya bhojanam // (13.2) Par.?

devyā vitānaṃ ghaṇṭāṃ ca sitanetre payasvinīm / (14.1) Par.?

candanaṃ vastrayugmaṃ ca dadyācca śikharaṃ punaḥ // (14.2) Par.?

tathopadeṣṭāramapi bhaktyā sampūjayedgurum / (15.1) Par.?

vittaśāṭhyena rahito vastramālyānulepanaiḥ // (15.2) Par.?

anena vidhinā yastu kuryātsārasvataṃ vratam / (16.1) Par.?

vidyāvānarthasaṃyukto raktakaṇṭhaśca jāyate // (16.2) Par.?

sarasvatyāḥ prasādena brahmaloke mahīyate / (17.1) Par.?

nārī vā kurute yā tu sāpi tatphalagāminī // (17.2) Par.?

brahmaloke vased rājanyāvat kalpāyutatrayam // (18) Par.?

sārasvataṃ vrataṃ yastu śṛṇuyādapi yaḥ paṭhet / (19.1) Par.?

vidyādharapure so'pi vasetkalpāyutatrayam // (19.2) Par.?