UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2404
- Click on a sentence to show its analysis
- Keep the mouse pointer over a lemma to show its meanings.
mohādvāpi madādvāpi yaḥ parastrīṃ samāśrayet / (1.2)
Par.?
tasyāpi niṣkṛtiṃ deva vada sarvakṛpākara // (1.3)
Par.?
bhagavanpuruṣasyeha striyāśca virahādikam / (2.1)
Par.?
śokavyādhibhayaṃ duḥkhaṃ na bhavedyena tadvada // (2.2)
Par.?
śrībhagavānuvāca / (3.1)
Par.?
śrāvaṇasya dvitīyāyāṃ kṛṣṇāyāṃ madhusūdanaḥ / (3.2)
Par.?
kṣīrārṇave sapatnīkaḥ sadā vasati keśavaḥ // (3.3)
Par.?
tasyāṃ sampūjya govindaṃ sarvānkāmānsamaśnute / (4.1)
Par.?
gobhūhiraṇyadānādi saptakalpaśatānugam // (4.2)
Par.?
aśūnyaśayanaṃ nāma dvitīyā saṃprakīrtitā / (5.1)
Par.?
tasyāṃ sampūjayedviṣṇum ebhirmantrairvidhānataḥ // (5.2)
Par.?
śrīvatsadhāriñchrīkānta śrīdhāmañchrīpate'vyaya / (6.1)
Par.?
gārhasthyaṃ mā praṇāśaṃ me yātu dharmārthakāmadam // (6.2)
Par.?
agnayo mā praṇaśyantu devatāḥ puruṣottama / (7.1)
Par.?
pitaro mā praṇaśyantu māstu dāmpatyabhedanam // (7.2)
Par.?
lakṣmyā viyujyate deva na kadācidyathā bhavān / (8.1)
Par.?
tathā kalatrasambandho deva mā me viyujyatām // (8.2)
Par.?
lakṣmyā na śūnyo varada śayyāṃ tvaṃ śayanaṃ gataḥ / (9.1)
Par.?
śayyā mamāpy aśūnyāstu tathaiva madhusūdana // (9.2)
Par.?
gītavāditranirghoṣaṃ devadevasya kīrtayet / (10.1)
Par.?
ghaṇṭā bhavedaśaktasya sarvavādyamayī yataḥ // (10.2)
Par.?
evaṃ sampūjya govindamaśnīyāttailavarjitam / (11.1)
Par.?
naktamakṣāralavaṇaṃ yāvattatsyāccatuṣṭayam // (11.2)
Par.?
tataḥ prabhāte saṃjāte lakṣmīpatisamanvitām / (12.1)
Par.?
dīpānnabhājanairyuktāṃ śayyāṃ dadyādvilakṣaṇām // (12.2)
Par.?
pādukopānahacchattracāmarāsanasaṃyutām / (13.1)
Par.?
abhīṣṭopaskarair yuktāṃ śuklapuṣpāmbarāvṛtām // (13.2)
Par.?
sopadhānakaviśrāmāṃ phalairnānāvidhairyutām / (14.1)
Par.?
tathābharaṇadhānyaiśca yathāśaktyā samanvitām // (14.2)
Par.?
avyaṅgāṅgāya viprāya vaiṣṇavāya kuṭumbine / (15.1)
Par.?
dātavyā vedaviduṣe bhāvenāpatitāya ca // (15.2)
Par.?
tatropaviśya dāmpatyamalaṃkṛtya vidhānataḥ / (16.1)
Par.?
patnyāstu bhājanaṃ dadyādbhakṣyabhojyasamanvitam // (16.2)
Par.?
brāhmaṇasyāpi sauvarṇīm upaskarasamanvitām / (17.1)
Par.?
pratimāṃ devadevasya sodakumbhāṃ nivedayet // (17.2)
Par.?
evaṃ yastu pumānkuryādaśūnyaśayanaṃ hareḥ / (18.1)
Par.?
vittaśāṭhyena rahito nārāyaṇaparāyaṇaḥ // (18.2) Par.?
na tasya patnyā virahaḥ kadācidapi jāyate / (19.1)
Par.?
nārī vā vidhavā brahmanyāvaccandrārkatārakam / (19.2)
Par.?
na virūpau na śokārtau dampatī bhavataḥ kvacit // (19.3)
Par.?
na putrapaśuratnāni kṣayaṃ yānti pitāmaha / (20.1)
Par.?
sapta kalpasahasrāṇi sapta kalpaśatāni ca / (20.2)
Par.?
kurvannaśūnyaśayanaṃ viṣṇuloke mahīyate // (20.3)
Par.?
Duration=0.12996697425842 secs.