UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2426
- Click on a sentence to show its analysis
- Keep the mouse pointer over a lemma to show its meanings.
īśvara uvāca / (1.1)
Par.?
ataḥ paraṃ pravakṣyāmi ratnācalamanuttamam / (1.2)
Par.?
muktāphalasahasreṇa parvataḥ syādanuttamaḥ // (1.3) Par.?
madhyamaḥ pañcaśatikastriśatenādhamaḥ smṛtaḥ / (2.1)
Par.?
caturthāṃśena viṣkambhaparvatāḥ syuḥ samantataḥ // (2.2)
Par.?
pūrveṇa vajragomedairdakṣiṇenendranīlakaiḥ / (3.1)
Par.?
padmarāgayutaḥ kāryo vidvadbhirgandhamādanaḥ // (3.2)
Par.?
vaidūryavidrumaiḥ paścātsammiśro vimalācalaḥ / (4.1)
Par.?
padmarāgaiḥ sasauvarṇair uttareṇa ca vinyaset // (4.2)
Par.?
dhānyaparvatavatsarvamatrāpi parikalpayet / (5.1)
Par.?
tadvadāvāhanaṃ kuryādvṛkṣāndevāṃśca kāñcanān // (5.2)
Par.?
pūjayetpuṣpagandhādyaiḥ prabhāte ca vimatsaraḥ / (6.1)
Par.?
pūrvavadguruṛtvigbhya imānmantrānudīrayet // (6.2)
Par.?
yadā devagaṇāḥ sarve sarvaratneṣvavasthitāḥ / (7.1)
Par.?
tvaṃ ca ratnamayo nityaṃ namaste'stu sadācala // (7.2)
Par.?
yasmādratnapradānena tuṣṭiṃ prakurute hariḥ / (8.1)
Par.?
sadā ratnapradānena tasmānnaḥ pāhi parvata // (8.2)
Par.?
anena vidhinā yastu dadyādratnamayaṃ girim / (9.1)
Par.?
sa yāti viṣṇusālokyamamareśvarapūjitaḥ // (9.2)
Par.?
yāvatkalpaśataṃ sāgraṃ vasecceha narādhipa / (10.1)
Par.?
rūpārogyaguṇopetaḥ saptadvīpādhipo bhavet // (10.2)
Par.?
brahmahatyādikaṃ kiṃcidyadatrāmutra vā kṛtam / (11.1)
Par.?
tatsarvaṃ nāśamāyāti girirvajrahato yathā // (11.2)
Par.?
Duration=0.040934801101685 secs.