UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2439
- Click on a sentence to show its analysis
- Keep the mouse pointer over a lemma to show its meanings.
nandikeśvara uvāca / (1.1)
Par.?
purā rathaṃtare kalpe rājāsītpuṣpavāhanaḥ / (1.2)
Par.?
nāmnā lokeṣu vikhyātastejasā sūryasaṃnibhaḥ // (1.3)
Par.?
tapasā tasya tuṣṭena caturvaktreṇa nārada / (2.1)
Par.?
kamalaṃ kāñcanaṃ dattaṃ yathākāmagamaṃ mune // (2.2)
Par.?
lokaiḥ samastair nagaravāsibhiḥ sahito nṛpaḥ / (3.1)
Par.?
dvīpāni suralokaṃ ca yatheṣṭaṃ vyacarattadā // (3.2)
Par.?
kalpādau saptamaṃ dvīpaṃ tasya puṣkaravāsinaḥ / (4.1)
Par.?
loke ca pūjitaṃ yasmātpuṣkaradvīpamucyate // (4.2)
Par.?
devena brahmaṇā dattaṃ yānamasya yato'mbujam / (5.1)
Par.?
puṣpavāhanamityāhustasmāttaṃ devadānavāḥ // (5.2)
Par.?
nāgamyamasyāsti jagattraye'pi brahmāmbujasthasya tapo'nubhāvāt / (6.1)
Par.?
patnī ca tasyāpratimā munīndra nārīsahasrairabhito 'bhinandyā / (6.2)
Par.?
nāmnā ca lāvaṇyavatī babhūva sā pārvatīveṣṭatamā bhavasya // (6.3)
Par.?
tasyātmajānāmayutaṃ babhūva dharmātmanām agryadhanurdharāṇām / (7.1)
Par.?
tadātmanaḥ sarvamavekṣya rājā muhurmuhur vismayamāsasāda / (7.2)
Par.?
so'bhyāgataṃ vīkṣya munipravīraṃ prācetasaṃ vākyamidaṃ babhāṣe // (7.3)
Par.?
kasmādvibhūtir amalāmaramartyapūjyā jātā ca sarvavijitāmarasundarīṇām / (8.1)
Par.?
bhāryā mamālpatapasā paritoṣitena dattaṃ mamāmbujagṛhaṃ ca munīndra dhātrā // (8.2)
Par.?
yasminpraviṣṭamapi koṭiśataṃ nṛpāṇāṃ sāmātyakuñjararathaughajanāvṛtānām / (9.1)
Par.?
no lakṣyate kva gatamambaramadhya industārāgaṇairiva gataḥ paritaḥ sphuradbhiḥ // (9.2)
Par.?
tasmātkimanyajananījaṭharodbhavena dharmādikaṃ kṛtamaśeṣaphalāptihetuḥ / (10.1)
Par.?
bhagavanmayātha tanayair athavānayāpi bhadraṃ yadetadakhilaṃ kathaya pracetaḥ // (10.2)
Par.?
munirabhyadhādatha bhavāntaritaṃ samīkṣya pṛthvīpateḥ prasabhamadbhutahetuvṛttam / (11.1)
Par.?
janmābhavattava tu lubdhakule'tighore jātastvamapyanudinaṃ kila pāpakārī // (11.2)
Par.?
vapurapyabhūttava punaḥ puruṣāṅgasaṃdhir durgandhisattvabhujagāvaraṇaṃ samantāt / (12.1)
Par.?
na ca te suhṛn na sutabandhujano na tātastvādṛksvasā na jananī ca tadābhiśastā // (12.2)
Par.?
abhisaṃgatā paramabhīṣṭatamā vimukhī mahīśa tava yoṣidiyam / (13.1)
Par.?
abhūdanāvṛṣṭiratīva raudrā kadācidāhāranimittamasmin / (13.2)
Par.?
kṣutpīḍitenātha tadā na kiṃcidāsāditaṃ dhānyaphalāmiṣādyam // (13.3)
Par.?
athābhidṛṣṭaṃ mahadambujāḍhyaṃ sarovaraṃ paṅkaparītarodhaḥ / (14.1)
Par.?
padmānyathādāya tato bahūni gataḥ puraṃ vaidiśanāmadheyam // (14.2)
Par.?
tanmaulyalābhāya puraṃ samastaṃ bhrāntaṃ tvayāśeṣam ahas tadāsīt / (15.1)
Par.?
kretā na kaścitkamaleṣu jātaḥ śrānto bhṛśaṃ kṣutparipīḍitaśca // (15.2)
Par.?
upaviṣṭas tvam ekasminsabhāryo bhavanāṅgaṇe / (16.1)
Par.?
atha maṅgalaśabdaśca tvayā rātrau mahāñśrutaḥ // (16.2)
Par.?
sabhāryastatra gatavānyatrāsau maṅgaladhvaniḥ / (17.1)
Par.?
tatra maṇḍapamadhyasthā viṣṇorarcāvalokitā // (17.2)
Par.?
veśyānaṅgavatī nāma vibhūtidvādaśīvratam / (18.1)
Par.?
samāptau māghamāsasya lavaṇācalamuttamam // (18.2)
Par.?
nivedayantī gurave śayyāṃ copaskarānvitām / (19.1)
Par.?
alaṃkṛtya hṛṣīkeśaṃ sauvarṇāmarapādapam // (19.2)
Par.?
tāṃ tu dṛṣṭvā tatastābhyāmidaṃ ca paricintitam / (20.1)
Par.?
kimebhiḥ kamalaiḥ kāryaṃ varaṃ viṣṇuralaṃkṛtaḥ // (20.2)
Par.?
iti bhaktistadā jātā dampatyostu narādhipa / (21.1)
Par.?
tatprasaṅgātsamabhyarcya keśavaṃ lavaṇācalam / (21.2)
Par.?
śayyā ca puṣpaprakaraiḥ pūjitā bhūśca sarvataḥ // (21.3)
Par.?
athānaṅgavatī tuṣṭā tayordhanaśatatrayam / (22.1)
Par.?
dīyatāmādideśātha kaladhautaśatatrayam // (22.2)
Par.?
na gṛhītaṃ tatastābhyāṃ bahusattvāvalambanāt / (23.1)
Par.?
anaṅgavatyā ca punastayorannaṃ caturvidham / (23.2)
Par.?
ānīya vyāhṛtaṃ cātra bhujyatāmiti bhūpate // (23.3)
Par.?
tābhyāṃ tu tadapi tyaktaṃ bhokṣyāvo vai varānane / (24.1)
Par.?
prasaṅgādupavāsena tavādya sukhamāvayoḥ // (24.2)
Par.?
janmaprabhṛti pāpiṣṭhau kukarmāṇau dṛḍhavrate / (25.1)
Par.?
tatprasaṅgāttayormadhye dharmaleśastu te 'nagha // (25.2)
Par.?
iti jāgaraṇaṃ tābhyāṃ tatprasaṅgādanuṣṭhitam / (26.1) Par.?
prabhāte ca tadā dattā śayyā salavaṇācalā // (26.2)
Par.?
grāmāśca gurave bhaktyā vipreṣu dvādaśaiva tu / (27.1)
Par.?
vastrālaṃkārasaṃyuktā gāvaśca karakānvitāḥ // (27.2)
Par.?
bhojanaṃ ca suhṛnmitradīnāndhakṛpaṇaiḥ samam / (28.1)
Par.?
tacca lubdhakadāmpatyaṃ pūjayitvā visarjitam // (28.2)
Par.?
sa bhavāṁl lubdhako jātaḥ sapatnīko nṛpeśvaraḥ / (29.1)
Par.?
puṣkaraprakarāttasmātkeśavasya na pūjanāt // (29.2)
Par.?
vinaṣṭāśeṣapāpasya tava puṣkaramandiram / (30.1)
Par.?
tasya sattvasya māhātmyādalpena tapasā nṛpa // (30.2)
Par.?
yathākāmagamaṃ jātaṃ lokanāthaścaturmukhaḥ / (31.1)
Par.?
saṃtuṣṭastava rājendra brahmarūpī janārdanaḥ // (31.2)
Par.?
sāpyanaṅgavatī veśyā kāmadevasya sāmpratam / (32.1)
Par.?
patnī sapatnī saṃjātā ratyāḥ prītiriti śrutā / (32.2)
Par.?
lokeṣvānandajananī sakalāmarapūjitā // (32.3)
Par.?
tasmādutsṛjya rājendra puṣkaraṃ tanmahītale / (33.1)
Par.?
gaṅgātaṭaṃ samāśritya vibhūtidvādaśīvratam / (33.2)
Par.?
kuru rājendra nirvāṇamavaśyaṃ samavāpsyasi // (33.3)
Par.?
ityuktvā sa munir brahmaṃstatraivāntaradhīyata / (34.1)
Par.?
rājā yathoktaṃ ca punarakarotpuṣpavāhanaḥ // (34.2)
Par.?
idamācarato brahmannakhaṇḍavratam ācaret / (35.1)
Par.?
yathākathaṃcit kamalairdvādaśa dvādaśīr mune // (35.2)
Par.?
kartavyāḥ śaktito deyā viprebhyo dakṣiṇānagha / (36.1)
Par.?
na vittaśāṭhyaṃ kurvīta bhaktyā tuṣyati keśavaḥ // (36.2)
Par.?
iti kaluṣatridāraṇaṃ janānāmapi paṭhatīha śṛṇoti cātha bhaktyā / (37.1)
Par.?
matimapi ca dadāti devaloke vasati sa koṭiśatāni vatsarāṇām // (37.2)
Par.?
Duration=0.15711402893066 secs.