UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4526
- Click on a sentence to show its analysis
- Keep the mouse pointer over a lemma to show its meanings.
athātaḥ śvayathucikitsitaṃ vyākhyāsyāmaḥ / (1.1)
Par.?
iti ha smāhur ātreyādayo maharṣayaḥ / (1.2)
Par.?
sarvatra sarvāṅgasare doṣaje śvayathau purā / (1.3)
Par.?
sāme viśoṣito bhuktvā laghu koṣṇāmbhasā pibet // (1.4)
Par.?
nāgarātiviṣādāruviḍaṅgendrayavoṣaṇam / (2.1)
Par.?
athavā vijayāśuṇṭhīdevadārupunarnavam // (2.2)
Par.?
navāyasaṃ vā doṣāḍhyaḥ śuddhyai mūtraharītakīḥ / (3.1)
Par.?
varākvāthena kaṭukākumbhāyastryūṣaṇāni ca // (3.2)
Par.?
athavā gugguluṃ tadvajjatu vā śailasaṃbhavam / (4.1)
Par.?
mandāgniḥ śīlayed āmagurubhinnavibandhaviṭ // (4.2)
Par.?
takraṃ sauvarcalavyoṣakṣaudrayuktaṃ guḍābhayām / (5.1)
Par.?
takrānupānām athavā tadvad vā guḍanāgaram // (5.2)
Par.?
ārdrakaṃ vā samaguḍaṃ prakuñcārdhavivardhitam / (6.1)
Par.?
paraṃ pañcapalaṃ māsaṃ yūṣakṣīrarasāśanaḥ // (6.2)
Par.?
gulmodarārśaḥśvayathupramehāñchvāsapratiśyālasakāvipākān / (7.1)
Par.?
sakāmalāśoṣamanovikārān kāsaṃ kaphaṃ caiva jayet prayogaḥ // (7.2)
Par.?
ghṛtam ārdrakanāgarasya kalkasvarasābhyāṃ payasā ca sādhayitvā / (8.1)
Par.?
śvayathukṣavathūdarāgnisādairabhibhūto 'pi piban bhavatyarogaḥ // (8.2)
Par.?
nirāmo baddhaśamalaḥ pibecchvayathupīḍitaḥ / (9.1)
Par.?
trikaṭutrivṛtādantīcitrakaiḥ sādhitaṃ payaḥ // (9.2)
Par.?
mūtraṃ gor vā mahiṣyā vā sakṣīraṃ kṣīrabhojanaḥ / (10.1)
Par.?
saptāhaṃ māsaṃ athavā syād uṣṭrakṣīravartanaḥ // (10.2)
Par.?
yavānakaṃ yavakṣāraṃ yavānīṃ pañcakolakam / (11.1)
Par.?
maricaṃ dāḍimaṃ pāṭhāṃ dhānakām amlavetasam // (11.2)
Par.?
bālabilvaṃ ca karṣāṃśaṃ sādhayet salilāḍhake / (12.1)
Par.?
tena pakvo ghṛtaprasthaḥ śophārśogulmamehahā // (12.2)
Par.?
dadhnaścitrakagarbhād vā ghṛtaṃ tattakrasaṃyutam / (13.1)
Par.?
pakvaṃ sacitrakaṃ tadvad guṇair yuñjyācca kālavit // (13.2)
Par.?
dhānvantaraṃ mahātiktaṃ kalyāṇam abhayāghṛtam / (14.1)
Par.?
daśamūlakaṣāyasya kaṃse pathyāśataṃ pacet // (14.2)
Par.?
dattvā guḍatulāṃ tasmin lehe dadyād vicūrṇitam / (15.1)
Par.?
trijātakaṃ trikaṭukaṃ kiṃcicca yavaśūkajam // (15.2)
Par.?
prasthārdhaṃ ca hime kṣaudrāt tan nihantyupayojitam / (16.1)
Par.?
pravṛddhaśophajvaramehagulmakārśyāmavātāmlakaraktapittam / (16.2)
Par.?
vaivarṇyamūtrānilaśukradoṣaśvāsāruciplīhagarodaraṃ ca // (16.3)
Par.?
purāṇayavaśālyannaṃ daśamūlāmbusādhitam // (17.1)
Par.?
alpam alpapaṭusnehaṃ bhojanaṃ śvayathor hitam / (18.1)
Par.?
kṣāravyoṣānvitair maudgaiḥ kaulatthaiḥ sakaṇai rasaiḥ // (18.2)
Par.?
tathā jāṅgalajaiḥ kūrmagodhāśalyakajairapi / (19.1)
Par.?
anamlaṃ mathitaṃ pāne madyānyauṣadhavanti ca // (19.2)
Par.?
ajājīśaṭhījīvantīkāravīpauṣkarāgnikaiḥ / (20.1)
Par.?
bilvamadhyayavakṣāravṛkṣāmlair badaronmitaiḥ // (20.2)
Par.?
kṛtā peyājyatailābhyāṃ yuktibhṛṣṭā paraṃ hitā / (21.1)
Par.?
śophātīsārahṛdrogagulmārśo'lpāgnimehinām // (21.2)
Par.?
guṇais tadvacca pāṭhāyāḥ pañcakolena sādhitā / (22.1)
Par.?
śaileyakuṣṭhasthauṇeyareṇukāgurupadmakaiḥ // (22.2)
Par.?
śrīveṣṭakanakhaspṛkkādevadārupriyaṅgubhiḥ / (23.1)
Par.?
māṃsīmāgadhikāvanyadhānyadhyāmakavālakaiḥ // (23.2)
Par.?
caturjātakatālīśamustāgandhapalāśakaiḥ / (24.1)
Par.?
kuryād abhyañjanaṃ tailaṃ lepaṃ snānāya tūdakam // (24.2)
Par.?
snānaṃ vā nimbavarṣābhūnaktamālārkavāriṇā / (25.1)
Par.?
ekāṅgaśophe varṣābhūkaravīrakakiṃśukaiḥ // (25.2)
Par.?
viśālātriphalālodhranalikādevadārubhiḥ / (26.1)
Par.?
hiṃsrākośātakīmādrītālaparṇījayantibhiḥ // (26.2)
Par.?
sthūlakākādanīśālanākulīvṛṣaparṇibhiḥ / (27.1)
Par.?
vṛddhyarddhihastikarṇaiśca sukhoṣṇair lepanaṃ hitam // (27.2)
Par.?
athānilotthe śvayathau māsārdhaṃ trivṛtaṃ pibet / (28.1)
Par.?
tailam eraṇḍajaṃ vātaviḍvibandhe tad eva tu // (28.2)
Par.?
prāgbhaktaṃ payasā yuktaṃ rasair vā kārayet tathā / (29.1)
Par.?
svedābhyaṅgān samīraghnān lepam ekāṅgage punaḥ // (29.2)
Par.?
mātuluṅgāgnimanthena śuṇṭhīhiṃsrāmarāhvayaiḥ / (30.1)
Par.?
paitte tiktaṃ pibet sarpir nyagrodhādyena vā śṛtam // (30.2)
Par.?
kṣīraṃ tṛḍdāhamoheṣu lepābhyaṅgāśca śītalāḥ / (31.1)
Par.?
paṭolamūlatrāyantīyaṣṭyāhvakaṭukābhayāḥ // (31.2)
Par.?
dāru dārvī himaṃ dantī viśālā niculaṃ kaṇā / (32.1)
Par.?
taiḥ kvāthaḥ saghṛtaḥ pīto hantyantastāpatṛḍbhramān // (32.2)
Par.?
sasaṃnipātavīsarpaśophadāhaviṣajvarān / (33.1)
Par.?
āragvadhādinā siddhaṃ tailaṃ śleṣmodbhave pibet // (33.2)
Par.?
srotovibandhe mande 'gnāvarucau stimitāśayaḥ / (34.1)
Par.?
kṣāracūrṇāsavāriṣṭamūtratakrāṇi śīlayet // (34.2)
Par.?
kṛṣṇāpurāṇapiṇyākaśigrutvaksikatātasīḥ / (35.1)
Par.?
praleponmardane yuñjyāt sukhoṣṇā mūtrakalkitāḥ // (35.2)
Par.?
snānaṃ mūtrāmbhasī siddhe kuṣṭhatarkāricitrakaiḥ / (36.1)
Par.?
kulatthanāgarābhyāṃ vā caṇḍāguru vilepane // (36.2)
Par.?
kālājaśṛṅgīsaralabastagandhāhayāhvayāḥ / (37.1)
Par.?
ekaiṣīkā ca lepaḥ syācchvayathāvekagātrage // (37.2)
Par.?
yathādoṣaṃ yathāsannaṃ śuddhiṃ raktāvasecanam / (38.1)
Par.?
kurvīta miśradoṣe tu doṣodrekabalāt kriyām // (38.2)
Par.?
ajājipāṭhāghanapañcakolavyāghrīrajanyaḥ sukhatoyapītāḥ / (39.1)
Par.?
śophaṃ tridoṣaṃ cirajaṃ pravṛddhaṃ nighnanti bhūnimbamahauṣadhe ca // (39.2)
Par.?
amṛtādvitayaṃ sivātikā surakāṣṭhaṃ sapuraṃ sagojalam / (40.1)
Par.?
śvayathūdarakuṣṭhapāṇḍutākṛmimehordhvakaphānilāpaham // (40.2) Par.?
iti nijam adhikṛtya pathyam uktaṃ kṣatajanite kṣatajaṃ viśodhanīyam / (41.1)
Par.?
srutihimaghṛtalepasekarekair viṣajanite viṣajicca śopha iṣṭam // (41.2)
Par.?
grāmyābjānūpaṃ piśitam abalaṃ śuṣkaśākaṃ tilānnaṃ / (42.1)
Par.?
gauḍaṃ piṣṭānnaṃ dadhi salavaṇaṃ vijjalaṃ madyam amlam / (42.2)
Par.?
dhānā vallūraṃ samaśanam atho gurvasātmyaṃ vidāhi / (42.3)
Par.?
svapnaṃ cārātrau śvayathugadavān varjayen maithunaṃ ca // (42.4)
Par.?
Duration=0.35680985450745 secs.