UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5495
- Click on a sentence to show its analysis
- Keep the mouse pointer over a lemma to show its meanings.
kathaṃ vināyako jāto gajavaktro gaṇeśvaraḥ / (1.2)
Par.?
kathaṃ prabhāvastasyaivaṃ sūta vaktumihārhasi // (1.3)
Par.?
etasminnantare devāḥ sendropendrāḥ sametya te / (2.2)
Par.?
dharmavighnaṃ tadā kartuṃ daityānāmabhavandvijāḥ // (2.3)
Par.?
asurā yātudhānāś ca rākṣasāḥ krūrakarmiṇaḥ / (3.1)
Par.?
tāmasāś ca tathā cānye rājasāś ca tathā bhuvi // (3.2)
Par.?
avighnaṃ yajñadānādyaiḥ samabhyarcya maheśvaram / (4.1)
Par.?
brahmāṇaṃ ca hariṃ viprā labdhepsitavarā yataḥ // (4.2)
Par.?
tato 'smākaṃ suraśreṣṭhāḥ sadā vijayasaṃbhavaḥ / (5.1)
Par.?
teṣāṃ tatastu vighnārthamavighnāya divaukasām // (5.2)
Par.?
putrārthaṃ caiva nārīṇāṃ narāṇāṃ karmasiddhaye / (6.1)
Par.?
vighneśaṃ śaṅkaraṃ sraṣṭuṃ gaṇapaṃ stotumarhatha // (6.2)
Par.?
ityuktvānyonyamanaghaṃ tuṣṭuvuḥ śivamīśvaram / (7.1)
Par.?
namaḥ sarvātmane tubhyaṃ sarvajñāya pinākine // (7.2)
Par.?
anaghāya viriñcāya devyāḥ kāryārthadāyine / (8.1)
Par.?
akāyāyārthakāyāya hareḥ kāyāpahāriṇe // (8.2)
Par.?
kāyāntasthāmṛtādhāramaṇḍalāvasthitāya te / (9.1)
Par.?
kṛtādibhedakālāya kālavegāya te namaḥ // (9.2)
Par.?
kālāgnirudrarūpāya dharmādyaṣṭapadāya ca / (10.1)
Par.?
kālīviśuddhadehāya kālikākāraṇāya te // (10.2)
Par.?
kālakaṇṭhāya mukhyāya vāhanāya varāya te / (11.1)
Par.?
aṃbikāpataye tubhyaṃ hiraṇyapataye namaḥ // (11.2)
Par.?
hiraṇyaretase caiva namaḥ śarvāya śūline / (12.1)
Par.?
kapāladaṇḍapāśāsicarmāṅkuśadharāya ca // (12.2)
Par.?
pataye haimavatyāś ca hemaśuklāya te namaḥ / (13.1)
Par.?
pītaśuklāya rakṣārthaṃ surāṇāṃ kṛṣṇavartmane // (13.2)
Par.?
pañcamāya mahāpañcayajñināṃ phaladāya ca / (14.1)
Par.?
pañcāsyaphaṇihārāya pañcākṣaramayāya te // (14.2)
Par.?
pañcadhā pañcakaivalyadevairarcitamūrtaye / (15.1)
Par.?
pañcākṣaradṛśe tubhyaṃ parātparatarāya te // (15.2)
Par.?
ṣoḍaśasvaravajrāṅgavaktrāyākṣayarūpiṇe / (16.1)
Par.?
kādipañcakahastāya cādihastāya te namaḥ // (16.2)
Par.?
ṭādipādāya rudrāya tādipādāya te namaḥ / (17.1)
Par.?
pādimeṇḍhrāya yadyaṅgadhātusaptakadhāriṇe // (17.2) Par.?
śāntātmarūpiṇe sākṣāt kṣadantakrodhine namaḥ / (18.1)
Par.?
lavarephahalāṅgāya niraṅgāya ca te namaḥ // (18.2)
Par.?
sarveṣām eva bhūtānāṃ hṛdi niḥsvanakāriṇe / (19.1)
Par.?
bhruvor ante sadā sadbhir dṛṣṭāyātyantabhānave // (19.2)
Par.?
bhānusomāgninetrāya paramātmasvarūpiṇe / (20.1)
Par.?
guṇatrayoparisthāya tīrthapādāya te namaḥ // (20.2)
Par.?
tīrthatattvāya sārāya tasmādapi parāya te / (21.1)
Par.?
ṛgyajuḥsāmavedāya oṃkārāya namo namaḥ // (21.2)
Par.?
oṅkāre trividhaṃ rūpamāsthāyoparivāsine / (22.1)
Par.?
pītāya kṛṣṇavarṇāya raktāyātyantatejase // (22.2)
Par.?
sthānapañcakasaṃsthāya pañcadhāṇḍabahiḥ kramāt / (23.1)
Par.?
brahmaṇe viṣṇave tubhyaṃ kumārāya namonamaḥ // (23.2)
Par.?
aṃbāyāḥ parameśāya sarvoparicarāya te / (24.1)
Par.?
mūlasūkṣmasvarūpāya sthūlasūkṣmāya te namaḥ // (24.2)
Par.?
sarvasaṃkalpaśūnyāya sarvasmādrakṣitāya te / (25.1)
Par.?
ādimadhyāntaśūnyāya citsaṃsthāya namonamaḥ // (25.2)
Par.?
yamāgnivāyurudrāṃbusomaśakraniśācaraiḥ / (26.1)
Par.?
diṅmukhe diṅmukhe nityaṃ sagaṇaiḥ pūjitāya te // (26.2)
Par.?
sarveṣu sarvadā sarvamārge sampūjitāya te / (27.1)
Par.?
rudrāya rudranīlāya kadrudrāya pracetase / (27.2)
Par.?
maheśvarāya dhīrāya namaḥ sākṣācchivāya te // (27.3)
Par.?
atha śṛṇu bhagavan stavacchalena kathitamajendramukhaiḥ surāsureśaiḥ / (28.1)
Par.?
makhamadanayamāgnidakṣayajñakṣapaṇavicitraviceṣṭitaṃ kṣamasva // (28.2)
Par.?
sūta uvāca / (29.1)
Par.?
yaḥ paṭhettu stavaṃ bhaktyā śakrāgnipramukhaiḥ suraiḥ / (29.2)
Par.?
kīrtitaṃ śrāvayedvidvān sa yāti paramāṃ gatim // (29.3)
Par.?
iti śrīliṅgamahāpurāṇe pūrvabhāge devastutirnāma caturadhikaśatatamo 'dhyāyaḥ // (30.1)
Par.?
Duration=0.11988997459412 secs.