UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5607
- Click on a sentence to show its analysis
- Keep the mouse pointer over a lemma to show its meanings.
aghoreśasya māhātmyaṃ bhavatā kathitaṃ purā / (1.2)
Par.?
pūjāṃ pratiṣṭhāṃ devasya bhagavanvaktumarhasi // (1.3)
Par.?
aghoreṇāṅgayuktena vidhivacca viśeṣataḥ / (2.2)
Par.?
pratiṣṭhāliṅgavidhinā nānyathā munipuṅgavāḥ // (2.3)
Par.?
tathāgnipūjāṃ vai kuryādyathā pūjā tathaiva ca / (3.1)
Par.?
sahasraṃ vā tadardhaṃ vā śatamaṣṭottaraṃ tu vā // (3.2)
Par.?
tilair homaḥ prakartavyo dadhimadhvājyasaṃyutaiḥ / (4.1)
Par.?
ghṛtasaktumadhūnāṃ ca sarvaduḥkhapramārjanam // (4.2)
Par.?
vyādhīnāṃ nāśanaṃ caiva tilahomastu bhūtidaḥ / (5.1)
Par.?
sahasreṇa mahābhūtiḥ śatena vyādhināśanam // (5.2)
Par.?
sarvaduḥkhavinirmukto japena ca na saṃśayaḥ / (6.1)
Par.?
aṣṭottaraśatenaiva trikāle ca yathāvidhi // (6.2)
Par.?
aṣṭottarasahasreṇa ṣaṇmāsājjāyate dhruvam / (7.1)
Par.?
siddhayo naiva saṃdeho rājyamaṇḍalinām api // (7.2)
Par.?
sahasreṇa jvaro yāti kṣīreṇa ca juhoti yam / (8.1)
Par.?
trikālaṃ māsamekaṃ tu sahasraṃ juhuyātpayaḥ // (8.2)
Par.?
māsena sidhyate tasya mahāsaubhāgyamuttamam / (9.1)
Par.?
sidhyate cābdahomena kṣaudrājyadadhisaṃyutam // (9.2)
Par.?
yavakṣīrājyahomena jātitaṇḍulakena vā / (10.1)
Par.?
prīyeta bhagavānīśo hyaghoraḥ parameśvaraḥ // (10.2)
Par.?
dadhnā puṣṭirnṛpāṇāṃ ca kṣīrahomena śāntikam / (11.1)
Par.?
ṣaṇmāsaṃ tu ghṛtaṃ hutvā sarvavyādhivināśanam // (11.2)
Par.?
rājayakṣmā tilair homānnaśyate vatsareṇa tu / (12.1)
Par.?
yavahomena cāyuṣyaṃ ghṛtena ca jayastadā // (12.2)
Par.?
sarvakuṣṭhakṣayārthaṃ ca madhunāktaiśca taṇḍulaiḥ / (13.1)
Par.?
juhuyādayutaṃ nityaṃ ṣaṇmāsānniyataḥ sadā // (13.2)
Par.?
ājyaṃ kṣīraṃ madhuścaiva madhuratrayamucyate / (14.1)
Par.?
samastaṃ tuṣyate tasya nāśayedvai bhagandaram // (14.2)
Par.?
kevalaṃ ghṛtahomena sarvarogakṣayaḥ smṛtaḥ / (15.1)
Par.?
sarvavyādhiharaṃ dhyānaṃ sthāpanaṃ vidhinārcanam // (15.2)
Par.?
evaṃ saṃkṣepataḥ proktamaghorasya mahātmanaḥ / (16.1)
Par.?
pratiṣṭhā yajanaṃ sarvaṃ nandinā kathitaṃ purā // (16.2)
Par.?
brahmaputrāya śiṣyāya tena vyāsāya suvratāḥ // (17.1)
Par.?
iti śrīliṅgamahāpurāṇe uttarabhāge ekonapañcāśattamo 'dhyāyaḥ // (18.1) Par.?
Duration=0.070374011993408 secs.