Texts

snātvā mātāpitarau paricaret // (1) Par.?

tadadhīnaḥ syāt // (2) Par.?

tābhyām anujñāto jāyāṃ vindetānagnikāṃ samānajātīyām asagotrāṃ mātur asapiṇḍāṃ jyāyasaḥ kanīyasīm // (3) Par.?

dūtam anumantrayate 'nṛkṣarā ṛjavaḥ santu panthā ebhiḥ sakhāyo yanti no vareyam / (4.1) Par.?

sam aryamā saṃ bhago no 'nunīyāt saṃ jāspatyaṃ suyamam astu devā iti // (4.2) Par.?

pāṇigrahaṇe 'gnim āhriyamāṇam anumantrayate 'gnir aitu prathamo devatānāṃ so 'syai prajāṃ muñcatu mṛtyupāśāt / (5.1) Par.?

tad ayaṃ rājā varuṇo 'numanyatāṃ yatheyaṃ strī pautram aghaṃ na rodād iti // (5.2) Par.?

prajvalitam upatiṣṭhata imām agnistrāyatāṃ gārhapatyaḥ prajām asyai nayatu dīrgham āyuḥ / (6.1) Par.?

aśūnyopasthā jīvatām astu mātā pautram ānandam abhi prabudhyatām iyam iti // (6.2) Par.?

purastād agner brāhmaṇo vāgyataḥ pratyaṅmukha udakumbhaṃ dhārayaṃstiṣṭhet // (7) Par.?

dakṣiṇato 'gneḥ śamīpalāśamiśrān lājāñchūrpe mātā dhārayet // (8) Par.?

mātur abhāve tanmātrī // (9) Par.?

pratyag agner erakāṃ tejanīṃ vānyad vaivaṃjātīyaṃ saṃveṣṭya nidadhyād yathā prasāryamāṇaṃ paścārdhaṃ barhiṣaḥ prāpnoti // (10) Par.?

athāsyai vāsasī prokṣyānumantrya dadāti yā akṛntann avayan yā atanvata yāśca devīr antām abhito 'dadanta / (11.1) Par.?

tāstvā devīr jarasā saṃvyayantv āyuṣmatīdaṃ paridhatsva vāsa iti // (11.2) Par.?

tāṃ brūyād imām erakāṃ dakṣiṇena pādenābhijahīti // (12) Par.?

pra me patiyānaḥ panthāḥ kalpatām iti // (13) Par.?

ajapatyāṃ svayaṃ japet prāsyā iti // (14) Par.?

dakṣiṇata erakāyāṃ bhāryām upaveśyottarataḥ patiḥ // (15) Par.?

ubhāvanvārabheyātām // (16) Par.?

svayam uccair juhuyājjāyāyām anvārabdhāyām // (17) Par.?

mahāvyāhṛtibhir hutvā yā tiraścīti saptabhir juhoti // (18) Par.?

saṃpātaṃ prathamayā mūrdhanyāsiñcet // (19) Par.?

yā tiraścī nipadyase 'haṃ vidharaṇīti / (20.1) Par.?

tāṃ tvā ghṛtasya dhārayā saṃrādhā rādhayāmasi saṃrādhāyai svāhā / (20.2) Par.?

mā te gṛhe niśi ghoṣa utthād anyatra tvad rudatyaḥ saṃviśantu / (20.3) Par.?

mā tvaṃ vikeśyura āvadhiṣṭhā jīvapatnī patiloke virāja prajāṃ paśyantī sumanasyamānā svāhā / (20.4) Par.?

anvadya no 'numatir yajñaṃ deveṣu manyatām / (20.5) Par.?

agniśca havyavāhanastat karotu samṛdhyatāṃ svāhā / (20.6) Par.?

dyauste pṛṣṭhaṃ rakṣatu vāyur ūrū aśvinau ca stanaṃ dhayataste putrān savitābhirakṣatu / (20.7) Par.?

ā vāsasaḥ paridhānād bṛhaspatir viśve devā abhirakṣantu paścāt svāhā / (20.8) Par.?

aprajastāṃ pautramṛtyuṃ pāpmānam uta vāgham / (20.9) Par.?

śīrṣṇaḥ srajam ivonmucya dviṣadbhyaḥ pratimuñcāmi pāśaṃ svāhā / (20.10) Par.?

yāni kāni ca pāpāni sarvāṅgeṣu tavābhavan / (20.11) Par.?

pūrṇāhutibhir ājyasya sarvāṇi tānyaśīśamaṃ svāhā / (20.12) Par.?

prajāpata ityekā // (20.13) Par.?