Texts

Select a text:
Bibliography

Select a chapter:
(no revisions)

Associated topic(s): Alchemy

Show parallels Show headlines
Use dependency labeler

Chapter id: 3944

saṃprati rasamāraṇavidhimāha dhūmasāramiti // (1) Par.?

dhūmasāraṃ gṛhadhūmaṃ rasaṃ pāradam torī sphaṭikā navasādaraṃ prasiddham // (2) Par.?

amlairiti // (3) Par.?

jambīranimbūkarasairityarthaḥ // (4) Par.?

samāṃśakaṃ bhāgamiti // (5) Par.?

etena kimuktaṃ pūrvoktaṃ sakaladravyaṃ pratyekaṃ rasamānaṃ melayediti krama iti bhāvaḥ // (6) Par.?

tathāhyuktam / (7.1) Par.?

pṛthak samaṃ samaṃ kṛtvā pāradaṃ gandhakaṃ tathā / (7.2) Par.?

navasāraṃ dhūmasāraṃ sphaṭikaṃ yāmamātrakam // (7.3) Par.?

nimbūnīreṇa saṃmardya kācakūpyāṃ vipācayet / (8.1) Par.?

mukhe pāṣāṇakhaṭikāṃ dattvā mudrāṃ pradāpayet // (8.2) Par.?

saptabhir mṛttikāvastraiḥ pṛthak saṃśoṣya veṣṭayet / (9.1) Par.?

sachidrāyāṃ mṛdaḥ sthālyāṃ kūpikāṃ saṃniveśayet // (9.2) Par.?

pūrayet sikatāpūrair ā galaṃ matimān bhiṣak / (10.1) Par.?

niveśya cullyāṃ dahanaṃ mandamadhyakharakramāt // (10.2) Par.?

prajvālya dvādaśayāmaṃ svāṅgaśītaṃ samuddharet / (11.1) Par.?

visphoṭayitvātha yuktyā ca ūrdhvalagnaṃ baliṃ tyajet // (11.2) Par.?

adhaḥsthaṃ rasasindūraṃ sarvakarmasu yojayet / (12.1) Par.?

iti // (12.2) Par.?

kecit tu dhūmasārasthāne sīsakaṃ paṭhanti tacca saṃgataṃ tantrāntaradarśanāt / (13.1) Par.?

pṛthak pṛthak samaṃ kṛtvā pāradaṃ gandhakaṃ tathā / (13.2) Par.?

navasāraṃ ca sphaṭikaṃ sanāgaṃ yāmamātrakam // (13.3) Par.?

nimbūnīreṇa saṃmardya kācakūpyāṃ vinikṣipet / (14.1) Par.?

budhaśca vālukāyantre yāmadvādaśakaṃ pacet // (14.2) Par.?

svāṅgaśītaṃ sphoṭayitvā ūrdhvalagnaṃ baliṃ tyajet / (15.1) Par.?

adhaḥsthaṃ rasasindūraṃ yojayedrasakarmaṇi // (15.2) Par.?

iti // (16) Par.?

śeṣaṃ subodham // (17) Par.?

Duration=0.067403078079224 secs.