Texts

athātaḥ kṣudrarogapratiṣedhaṃ vyākhyāsyāmaḥ / (1.1) Par.?

iti ha smāhurātreyādayo maharṣayaḥ / (1.2) Par.?

visrāvayejjalaukobhirapakvām ajagallikām / (1.3) Par.?

svedayitvā yavaprakhyāṃ vilayāya pralepayet // (1.4) Par.?

dārukuṣṭhamanohvālair ity ā pāṣāṇagardabhāt / (2.1) Par.?

vidhistāṃścācaret pakvān vraṇavat sājagallikān // (2.2) Par.?

lodhrakustumburuvacāḥ pralepo mukhadūṣike / (3.1) Par.?

vaṭapallavayuktā vā nārikelotthaśuktayaḥ // (3.2) Par.?

aśāntau vamanaṃ nasyaṃ lalāṭe ca sirāvyadhaḥ / (4.1) Par.?

nimbāmbuvānto nimbāmbusādhitaṃ padmakaṇṭake // (4.2) Par.?

pibet kṣaudrānvitaṃ sarpir nimbāragvadhalepanam / (5.1) Par.?

vivṛtādīṃstu jālāntāṃścikitset serivellikān / (5.2) Par.?

pittavisarpavat tadvat pratyākhyāyāgnirohiṇīm // (5.3) Par.?

vilaṅghanaṃ raktavimokṣaṇaṃ ca virūkṣaṇaṃ kāyaviśodhanaṃ ca / (6.1) Par.?

dhātrīprayogāñchiśirapradehān kuryāt sadā jālakagardabhasya // (6.2) Par.?

vidārikāṃ hṛte rakte śleṣmagranthivad ācaret / (7.1) Par.?

medo'rbudakriyāṃ kuryāt sutarāṃ śarkarārbude // (7.2) Par.?

pravṛddhaṃ subahucchidraṃ saśophaṃ marmaṇi sthitam / (8.1) Par.?

valmīkaṃ hastapāde ca varjayed itarat punaḥ // (8.2) Par.?

śuddhasyāsre hṛte limpet sapaṭvārevatāmṛtaiḥ / (9.1) Par.?

śyāmākulatthikāmūladantīpalalasaktubhiḥ // (9.2) Par.?

pakve tu duṣṭamāṃsāni gatīḥ sarvāśca śodhayet / (10.1) Par.?

śastreṇa samyag anu ca kṣāreṇa jvalanena vā // (10.2) Par.?

śastreṇotkṛtya niḥśeṣaṃ snehena kadaraṃ dahet / (11.1) Par.?

niruddhamaṇivat kāryaṃ ruddhapāyościkitsitam // (11.2) Par.?

cipyaṃ śuddhyā jitoṣmāṇaṃ sādhayecchastrakarmaṇā / (12.1) Par.?

duṣṭaṃ kunakham apyevaṃ caraṇāvalase punaḥ // (12.2) Par.?

dhānyāmlasiktau kāsīsapaṭolīrocanātilaiḥ / (13.1) Par.?

sanimbapattrairālimped dahet tu tilakālakān // (13.2) Par.?

maṣāṃśca sūryakāntena kṣāreṇa yadi vāgninā / (14.1) Par.?

tadvad utkṛtya śastreṇa carmakīlajatūmaṇī // (14.2) Par.?

lāñchanāditraye kuryād yathāsannaṃ sirāvyadham / (15.1) Par.?

lepayet kṣīrapiṣṭaiśca kṣīrivṛkṣatvagaṅkuraiḥ // (15.2) Par.?

vyaṅgeṣu cārjunatvag vā mañjiṣṭhā vā samākṣikā / (16.1) Par.?

lepaḥ sanavanītā vā śvetāśvakhurajā maṣī // (16.2) Par.?

raktacandanamañjiṣṭhākuṣṭhalodhrapriyaṅgavaḥ / (17.1) Par.?

vaṭāṅkurā masūrāśca vyaṅgaghnā mukhakāntidāḥ // (17.2) Par.?

dve jīrake kṛṣṇatilāḥ sarṣapāḥ payasā saha / (18.1) Par.?

piṣṭāḥ kurvanti vaktrendum apāstavyaṅgalāñchanam // (18.2) Par.?

kṣīrapiṣṭā ghṛtakṣaudrayuktā vā bhṛṣṭanistuṣāḥ / (19.1) Par.?

masūrāḥ kṣīrapiṣṭā vā tīkṣṇāḥ śālmalikaṇṭakāḥ // (19.2) Par.?

saguḍaḥ kolamajjā vā śaśāsṛkkṣaudrakalkitaḥ / (20.1) Par.?

saptāhaṃ mātuluṅgasthaṃ kuṣṭhaṃ vā madhunānvitam // (20.2) Par.?

piṣṭā vā chāgapayasā sakṣaudrā mausalī jaṭā / (21.1) Par.?

gorasthi musalīmūlayuktaṃ vā sājyamākṣikam // (21.2) Par.?

jambvāmrapallavā mastu haridre dve navo guḍaḥ / (22.1) Par.?

lepaḥ savarṇakṛt piṣṭaṃ svarasena ca tindukam // (22.2) Par.?

utpalam utpalakuṣṭhaṃ priyaṅgukālīyakaṃ badaramajjā / (23.1) Par.?

idam udvartanam āsyaṃ karoti śatapattrasaṃkāśam // (23.2) Par.?

ebhirevauṣadhaiḥ piṣṭair mukhābhyaṅgāya sādhayet / (24.1) Par.?

yathādoṣartukān snehān madhukakvāthasaṃyutaiḥ // (24.2) Par.?

yavān sarjarasaṃ lodhram uśīraṃ madanaṃ madhu / (25.1) Par.?

ghṛtaṃ guḍaṃ ca gomūtre paced ā darvilepanāt // (25.2) Par.?

tad abhyaṅgān nihantyāśu nīlikāvyaṅgadūṣikān / (26.1) Par.?

mukhaṃ karoti padmābhaṃ pādau padmadalopamau // (26.2) Par.?

kuṅkumośīrakālīyalākṣāyaṣṭyāhvacandanam / (27.1) Par.?

nyagrodhapādāṃstaruṇān padmakaṃ padmakesaram // (27.2) Par.?

sanīlotpalamañjiṣṭhaṃ pālikaṃ salilāḍhake / (28.1) Par.?

paktvā pādāvaśeṣeṇa tena piṣṭaiśca kārṣikaiḥ // (28.2) Par.?

lākṣāpattaṅgamañjiṣṭhāyaṣṭīmadhukakuṅkumaiḥ / (29.1) Par.?

ajākṣīraṃ dviguṇitaṃ tailasya kuḍavaṃ pacet // (29.2) Par.?

nīlikāpalitavyaṅgavalītilakadūṣikān / (30.1) Par.?

hanti tan nasyam abhyastaṃ mukhopacayavarṇakṛt // (30.2) Par.?

mañjiṣṭhā śabarodbhavastubarikā lākṣā haridrādvayaṃ nepālī haritālakuṅkumagadā gorocanā gairikam / (31.1) Par.?

pattraṃ pāṇḍu vaṭasya candanayugaṃ kālīyakaṃ pāradaṃ pattaṅgaṃ kanakatvacaṃ kamalajaṃ bījaṃ tathā kesaram // (31.2) Par.?

sikthaṃ tutthaṃ padmakādyo vasājyaṃ majjā kṣīraṃ kṣīrivṛkṣāmbu cāgnau / (32.1) Par.?

siddhaṃ siddhaṃ vyaṅganīlyādināśe vaktre chāyām aindavīṃ cāśu dhatte // (32.2) Par.?

mārkavasvarasakṣīratoyānīṣṭāni nāvane / (33.1) Par.?

prasuptau vātakuṣṭhoktaṃ kuryād dāhaṃ ca vahninā / (33.2) Par.?

utkoṭhe kaphapittoktaṃ koṭhe sarvaṃ ca kauṣṭhikam // (33.3) Par.?