UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3925
- Click on a sentence to show its analysis
- Keep the mouse pointer over a lemma to show its meanings.
śrīmārkaṇḍeya uvāca / (1.1)
Par.?
tīrthānāṃ paramaṃ tīrthaṃ tacchṛṇuṣva narādhipa / (1.2)
Par.?
revāyā dakṣiṇe kūle nirmitaṃ śūlapāṇinā // (1.3)
Par.?
mokṣārthaṃ mānavendrāṇāṃ nirmitaṃ nṛpasattama / (2.1)
Par.?
yudhiṣṭhira uvāca / (2.2)
Par.?
śrutā me vividhā dharmāstīrthāni vividhāni ca / (2.3)
Par.?
dānadharmāḥ samastāśca tvatprasādāddvijottama // (2.4)
Par.?
anyacca śrotumicchāmi saṃsāraśchidyate yathā / (3.1)
Par.?
punarāgamanaṃ nāsti mokṣaprāptirbhaved yathā // (3.2)
Par.?
etadākhyāhi me sarvaṃ prasādād dvijasattama // (4.1)
Par.?
mārkaṇḍeya uvāca / (5.1)
Par.?
śṛṇuṣvaikamanā bhūtvā tīrthāt tīrthāntaraṃ mahat / (5.2)
Par.?
śrute yasya prabhāve tu mucyate cābdikādaghāt // (5.3)
Par.?
vācikairmānasairvāpi śārīraiśca viśeṣataḥ / (6.1)
Par.?
kīrtanāt tasya tīrthasya mucyate sarvapātakaiḥ // (6.2)
Par.?
pañcakrośapramāṇaṃ tu tacca tīrthaṃ mahīpate / (7.1)
Par.?
bhuktimuktipradaṃ divyaṃ prāṇināṃ pāpakarmiṇām // (7.2)
Par.?
revāyā dakṣiṇe kūle parvato bhṛgusaṃjñitaḥ / (8.1)
Par.?
tasya mūrdhni ca tattīrthaṃ sthāpitaṃ caiva śambhunā // (8.2)
Par.?
śūlabhedeti vikhyātaṃ triṣu lokeṣu bhūpate / (9.1)
Par.?
tatra sthitāśca ye vṛkṣāstīrthāccaiva caturdiśam // (9.2)
Par.?
patitā nilayaṃ yānti rudrasya nātra saṃśayaḥ / (10.1)
Par.?
mṛtāstatraiva ye kecij jantavo bhuvi pakṣiṇaḥ // (10.2)
Par.?
te yānti paramaṃ lokaṃ tatra tīrthe na saṃśayaḥ / (11.1)
Par.?
pātālān niḥsṛtā gaṅgā bhogavatītisaṃjñitā // (11.2)
Par.?
niṣkrāntā śūlabhedāc ca sarvapāpakṣayaṃkarī / (12.1)
Par.?
yā sā gīrvāṇanāmnyanyā vahet puṇyā mahānadī // (12.2)
Par.?
patitā kuṇḍamadhye tu yatra bhinnaṃ triśūlinā / (13.1)
Par.?
śambhunā ca purā tāta utpādya ca sarasvatī // (13.2)
Par.?
sā tatra patitā rājan prācīnāghavimocinī / (14.1)
Par.?
bhāsvatyā tritayaṃ yatra śilā gīrvāṇasaṃjñitā // (14.2)
Par.?
tatra tīrthe ca tattīrthaṃ na bhūtaṃ na bhaviṣyati / (15.1)
Par.?
kedāraṃ ca prayāgaṃ ca kurukṣetraṃ gayā tathā // (15.2)
Par.?
anyāni ca sutīrthāni kalāṃ nārhanti ṣoḍaśīm / (16.1)
Par.?
pañca sthānāni tīrthāni pṛthagbhūtāni yāni ca // (16.2)
Par.?
vakṣyāmi ca samāsena ekaikaṃ ca pṛthakpṛthak / (17.1)
Par.?
gayā nābhyāṃ yathā puṇyā cakratīrthaṃ ca tatsamam // (17.2)
Par.?
dharmāraṇye yathā kūpaṃ śūlabhedaṃ ca tatsamam / (18.1)
Par.?
brahmayūpaṃ yathā puṇyaṃ devanadyāstathaiva ca // (18.2)
Par.?
yathā gayāśiraḥ puṇyaṃ surāṇāṃ ca yathā śilā / (19.1)
Par.?
yathā ca puṣkaraṃ sthānaṃ mārkaṇḍahrada eva ca // (19.2)
Par.?
dattvā piṇḍodakaṃ tatra piṇḍāṇāṃ ca tathākṣayam / (20.1)
Par.?
yas tatra kurute śrāddhaṃ toyaṃ pibati nityaśaḥ / (20.2)
Par.?
mucyate sarvapāpaistu uragaḥ kañcukairiva / (20.3)
Par.?
anindyānpūjayed viprān dambhakrodhavivarjitān // (20.4)
Par.?
trayodaśadinaṃ dānaṃ trayodaśaguṇaṃ bhavet / (21.1)
Par.?
abhyarcitaṃ suraṃ dṛṣṭvā gaṇanāthaṃ gajānanam // (21.2)
Par.?
sarve vighnā vinaśyanti dṛṣṭvā kambalakṣetrapam // (22.1)
Par.?
pūjayetparayā bhaktyā śūlapāṇiṃ maheśvaram // (23.1)
Par.?
devasya pūrvabhāge tu umā pūjyā prayatnataḥ / (24.1)
Par.?
mārkaṇḍeśaṃ tato bhaktyā pūjayed guhavāsinam // (24.2)
Par.?
mucyante pātakaiḥ sarvair ajñānajñānasaṃcitaiḥ / (25.1)
Par.?
guhāmadhye praviṣṭastu japet sūktaṃ tu tryakṣaram // (25.2)
Par.?
nīlaparvatajaṃ puṇyaṃ ṣaṣṭhāṃśena labheta saḥ / (26.1)
Par.?
trinarās tatra tiṣṭhanti sādityamarutaiḥ saha // (26.2)
Par.?
sarvadevamayaṃ sthānaṃ koṭiliṅgamanuttamam / (27.1)
Par.?
yathā nadīnadāḥ sarve sāgare yānti saṃkṣayam // (27.2)
Par.?
tathā pāpāni naśyanti śūlabhedasya darśanāt / (28.1)
Par.?
pratyakṣo dṛśyate 'dyāpi pratyayo hyavanīpate // (28.2) Par.?
visphuliṅgā liṅgamadhye spandante snānayogataḥ / (29.1)
Par.?
dvitīyaḥ pratyayas tatra tailabindur na sarpati // (29.2)
Par.?
evaṃ hi pratyayas tatra śūlabhedaprabhāvajaḥ / (30.1)
Par.?
yaḥ smarecchūlabhedaṃ tu trikālaṃ nityameva ca // (30.2)
Par.?
sa pūtaśca bhavetsākṣāt sabāhyābhyantaro nṛpa / (31.1)
Par.?
na kasyacin mayā khyātaṃ pṛṣṭo 'haṃ tridaśairapi // (31.2)
Par.?
guhyādguhyataraṃ tīrthaṃ sadā gopyaṃ kṛtaṃ mayā / (32.1)
Par.?
sarvapāpaharaṃ puṇyaṃ sarvadoṣaghnamuttamam // (32.2)
Par.?
sarvatīrthamayaṃ tīrthaṃ śūlabhedaṃ janeśvara / (33.1)
Par.?
śrute yasya prabhāve tu mucyate sarvapātakaiḥ // (33.2)
Par.?
śūlabhedaṃ mayā tāta saṃkṣepāt kathitaṃ tava / (34.1)
Par.?
yaḥ śṛṇoti naro bhaktyā mucyate sarvapātakaiḥ // (34.2)
Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe śūlabhedapraśaṃsāvarṇanaṃ nāma catuścatvāriṃśo 'dhyāyaḥ // (35.1)
Par.?
Duration=0.11068511009216 secs.