UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4628
- Click on a sentence to show its analysis
- Keep the mouse pointer over a lemma to show its meanings.
śrīmārkaṇḍeya uvāca / (1.1)
Par.?
bhūyo'pyahaṃ pravakṣyāmi ādityeśvaramuttamam / (1.2)
Par.?
sarvaduḥkhaharaṃ pārtha sarvavighnavināśanam // (1.3)
Par.?
āyuḥśrīvarddhanaṃ nityaṃ putradaṃ svargadaṃ śivam / (2.1)
Par.?
yasya tīrthasya cānyāni tīrthāni kurunandana // (2.2)
Par.?
nālabhanta śriyaṃ nāke martye pātālagocare / (3.1)
Par.?
kurukṣetraṃ gayā gaṅgā naimiṣaṃ puṣkaraṃ tathā // (3.2)
Par.?
vārāṇasī ca kedāraṃ prayāgam rudranandanam / (4.1)
Par.?
mahākālaṃ sahasrākṣaṃ śuklatīrthaṃ nṛpottama // (4.2)
Par.?
ravitīrthasya sarvāṇi kalāṃ nārhanti ṣoḍaśīm / (5.1)
Par.?
ravitīrthe hi yadvṛttaṃ tacchṛṇuṣva nṛpottama // (5.2)
Par.?
snehātte kathayiṣyāmi vārddhakenātipīḍitaḥ / (6.1)
Par.?
śṛṇvantu ṛṣayaḥ sarve taponiṣṭhā mahaujasaḥ // (6.2)
Par.?
śrutaṃ me rudrasāṃnidhye nandiskandagaṇaiḥ saha / (7.1)
Par.?
pārvatyā pṛṣṭaḥ śambhuśca ravitīrthasya yatphalam // (7.2)
Par.?
śambhunā ca yadākhyātaṃ girijāyāḥ sasambhramam / (8.1)
Par.?
tatsarvamekacittena rudrodgītaṃ śrutaṃ mayā // (8.2)
Par.?
tatte 'haṃ sampravakṣyāmi śṛṇu yatnena pāṇḍava / (9.1)
Par.?
durbhikṣopahatā viprā narmadāṃ tu samāśritāḥ // (9.2)
Par.?
uddālako vaśiṣṭhaśca māṇḍavyo gautamastathā / (10.1)
Par.?
yājñavalkyo 'tha gargaśca śāṇḍilyo gālavastathā // (10.2)
Par.?
nāciketo vibhāṇḍaśca vālakhilyādayastathā / (11.1)
Par.?
śātātapaśca śaṅkhaśca jaiminirgobhilastathā // (11.2)
Par.?
jaigīṣavyaḥ śatānīkaḥ sarva eva samāgatāḥ / (12.1)
Par.?
tīrthayātrā kṛtā taistu narmadāyāḥ samantataḥ // (12.2)
Par.?
ādityeśvaramāyātāḥ prasaṅgādṛṣipuṃgavāḥ / (13.1)
Par.?
vṛkṣaiḥ saṃchāditaṃ śubhraṃ dhavatindukapāṭalaiḥ // (13.2)
Par.?
jambīrairarjunaiḥ kubjaiḥ śamīkesarakiṃśukaiḥ / (14.1)
Par.?
tasmiṃstīrthe mahāpuṇye sugandhikusumākule // (14.2)
Par.?
punnāganālikeraiśca khadiraiḥ kalpapādapaiḥ / (15.1)
Par.?
anekaśvāpadākīrṇaṃ mṛgamārjārasaṃkulam // (15.2)
Par.?
ṛkṣahastisamākīrṇaṃ citrakaiścopaśobhitam / (16.1)
Par.?
praviṣṭā ṛṣayaḥ sarve vane puṣpasamākule // (16.2)
Par.?
vanānte ca striyo dṛṣṭvā raktā raktāmbarānvitāḥ / (17.1)
Par.?
raktamālyānuśobhāḍhyā raktacandanacarcitāḥ // (17.2)
Par.?
raktābharaṇasaṃyuktāḥ pāśahastā bhayāvahāḥ / (18.1)
Par.?
tāsāṃ samīpagā dṛṣṭāḥ kṛṣṇajīmūtasannibhāḥ // (18.2)
Par.?
mahākāyā bhīmavaktrāḥ pāśahastā bhayāvahāḥ / (19.1)
Par.?
anāvṛṣṭyupamā dṛṣṭā āturāḥ piṅgalocanāḥ // (19.2)
Par.?
dīrghajihvā karālāsyā tīkṣṇadaṃṣṭrā durāsadā / (20.1)
Par.?
vṛddhā nārī kuruśreṣṭha dṛṣṭānyā ṛṣipuṃgavaiḥ // (20.2)
Par.?
tataḥ samīpagā vṛddhā tasya vṛndasya bhārata / (21.1)
Par.?
svādhyāyaniratā viprā dṛṣṭāstaiḥ pāpakarmabhiḥ // (21.2)
Par.?
ūcuste tu samūhena brāhmaṇāṃstapasi sthitān / (22.1)
Par.?
asmākaṃ svāminaḥ sarve tiṣṭhante tīrthamadhyataḥ / (22.2)
Par.?
te prasthāpyā mahābhāgāḥ sarvathaiva tvarānvitāḥ // (22.3)
Par.?
tacchrutvā vacanaṃ teṣāṃ sarve caiva tvarānvitāḥ / (23.1)
Par.?
jagmuste narmadākakṣaṃ dṛṣṭvā revāṃ dvijottamāḥ // (23.2)
Par.?
tataḥ kecitstuvantyanye jaya devi namo 'stu te // (24.1)
Par.?
namo 'stu te siddhagaṇair niṣevite namo 'stu te sarvapavitramaṅgale / (25.1)
Par.?
namo 'stu te viprasahasrasevite namo 'stu rudrāṅgasamudbhave vare // (25.2)
Par.?
namo 'stu te sarvapavitrapāvane namo 'stu te devi varaprade śive / (26.1)
Par.?
namāmi te śītajale sukhaprade saridvare pāpahare vicitrite // (26.2)
Par.?
anekabhūtaughasusevitāṅge gandharvayakṣoragapāvitāṅge / (27.1)
Par.?
mahāgajaughair mahiṣair varāhair āpīyase toyamahormimāle // (27.2)
Par.?
namāmi te sarvavare sukhaprade vimocayāsmānaghapāśabaddhān // (28.1)
Par.?
bhramanti tāvannarakeṣu martyā yāvattavāmbho nahi saṃśrayanti / (29.1)
Par.?
spṛṣṭaṃ karaiścandramaso raveścet taddevi dadyāt paramaṃ padaṃ tu // (29.2)
Par.?
anekasaṃsārabhayārditānāṃ pāpairanekair abhiveṣṭitānām / (30.1)
Par.?
gatistvamambhojasamānavaktre dvandvairanekairabhisaṃvṛtānām // (30.2)
Par.?
nadyaśca pūtā vimalā bhavanti tvāṃ devi samprāpya na saṃśayo 'tra / (31.1)
Par.?
duḥkhāturāṇāmabhayaṃ dadāsi śiṣṭair anekair abhipūjitāsi // (31.2)
Par.?
viṇmūtradehāśca nimagnadehā bhramanti tāvannarakeṣu martyāḥ / (32.1)
Par.?
mahābaladhvastataraṅgabhaṅgaṃ jalaṃ na yāvattava saṃspṛśanti // (32.2)
Par.?
mlecchāḥ pulindāstvatha yātudhānāḥ pibanti ye 'ṃbhastava devi puṇyam / (33.1)
Par.?
te 'pi
pramucyanti bhayācca ghorātkimatra viprā bhavapāśabhītāḥ // (33.2)
Par.?
sarāṃsi nadyaḥ kṣayamabhyupetā ghore yuge 'sminkalināvasṛṣṭe / (34.1)
Par.?
tvaṃ bhrājase devi jalaughapūrṇā divīva nakṣatrapathe ca gaṅgā // (34.2)
Par.?
tava prāsādādvarade viśiṣṭe kālaṃ yathemaṃ paripālayitvā / (35.1)
Par.?
yāsyāma mokṣaṃ tava suprasādādvayaṃ yathā tvaṃ kuru naḥ prasādam // (35.2)
Par.?
tvāmāśritā ye śaraṇaṃ gatāśca gatistvamambeva piteva putrān / (36.1)
Par.?
tvatpālitā yāvadimaṃ sughoraṃ kālaṃ tvanāvṛṣṭihataṃ kṣipāmaḥ // (36.2)
Par.?
evaṃ stutā tadā devī narmadā saritāṃ varā / (37.1)
Par.?
pratyakṣā sā parā mūrtir brāhmaṇānāṃ yudhiṣṭhira // (37.2)
Par.?
śrīmārkaṇḍeya uvāca / (38.1)
Par.?
paṭhanti ye stotramidaṃ narendra śṛṇvanti bhaktyā parayā praśāntāḥ / (38.2)
Par.?
te yānti rudraṃ vṛṣasaṃyutena yānena divyāmbarabhūṣitāṅgāḥ // (38.3)
Par.?
ye stotram etat satataṃ japanti snātvā ca toyena tu narmadāyāḥ / (39.1)
Par.?
tebhyo 'ntakāle sariduttameyaṃ gatiṃ viśuddhāmacirād dadāti // (39.2)
Par.?
prātaḥ samutthāya tathā śayāno yaḥ kīrtayetānudinaṃ stavendram / (40.1)
Par.?
dehakṣayaṃ sve salile dadāti samāśrayaṃ tasya mahānubhāva // (40.2)
Par.?
pāpair vimuktā divi modamānāḥ sambhoginaścaiva tu nānyathā ca // (41.1)
Par.?
prasannā narmadā devī stotreṇānena bhārata / (42.1)
Par.?
jalenāpyāyitān viprān dakṣiṇāpathavāhinī // (42.2)
Par.?
amṛtatvaṃ tu vo dadmi yogibhiryanna gamyate / (43.1)
Par.?
durlabhaṃ yatsuraiḥ sarvair matprasādāl labhiṣyatha // (43.2)
Par.?
iti te brāhmaṇā rājaṃllabdhā varamanuttamam / (44.1)
Par.?
gamiṣyantaḥ prītacittā dadṛśuścitram adbhutam // (44.2)
Par.?
śrīmārkaṇḍeya uvāca / (45.1)
Par.?
dṛṣṭāstaiḥ puruṣāḥ pārtha narmadātaṭasaṃsthitāḥ / (45.2)
Par.?
snānadevārcanāsaktāḥ pañca eva mahābalāḥ // (45.3)
Par.?
te dṛṣṭā brāhmaṇaiḥ sarvairvedavedāṅgapāragaiḥ / (46.1)
Par.?
saṃpṛṣṭāstairmahārāja yathā tadavadhāraya // (46.2)
Par.?
viprā ūcuḥ / (47.1)
Par.?
vanānte strīyugaṃ dṛṣṭvā mahāraudraṃ bhayāvaham / (47.2)
Par.?
vṛddhāśca puruṣāstatra pāśahastā bhayāvahāḥ // (47.3)
Par.?
durdharṣā durnirīkṣyāśca itaścetaśca cañcalāḥ / (48.1)
Par.?
vyāharantaḥ śubhāṃ vācaṃ na tatra gatirasti vai // (48.2)
Par.?
aparasparayoḥ sarve nirīkṣantaḥ punaḥpunaḥ / (49.1)
Par.?
tais tu yadvacanaṃ proktaṃ tatsarvaṃ kathyatām iti // (49.2)
Par.?
asmākaṃ puruṣāḥ pañca tiṣṭhanti tatra sattamāḥ / (50.1)
Par.?
te prasthāpyā mahābhāgāḥ sarvathaiva tvarānvitāḥ // (50.2)
Par.?
atha te puruṣāḥ pañca śrutvā vākyamidaṃ śubham / (51.1)
Par.?
parasparaṃ nirīkṣanto vadanti ca punaḥpunaḥ // (51.2)
Par.?
kva te kasya kuto yātāḥ kimuktaṃ tairbhayāvahaiḥ // (52.1)
Par.?
puruṣā ūcuḥ / (53.1)
Par.?
tīrthāvagāhanaṃ sarvaiḥ pūrvadakṣiṇapaścimaiḥ / (53.2)
Par.?
uttaraiśca kṛtaṃ bhaktyā na pāpaṃ tair vyapohitam // (53.3)
Par.?
niṣpāpāścātha saṃjātāstīrthasyāsya prabhāvataḥ / (54.1)
Par.?
śṛṇvantu ṛṣayaḥ sarve vahnikālopamā dvijāḥ // (54.2)
Par.?
pātakāni ca ghorāṇi yānyacintyāni dehinām / (55.1)
Par.?
pāpiṣṭhena tu caikena gurudārā niṣevitā // (55.2)
Par.?
hṛtaṃ cānyena mitrasvaṃ suvarṇaṃ ca dhanaṃ tathā / (56.1)
Par.?
brahmahatyā mahāraudrā kṛtā cānyena pātakam // (56.2)
Par.?
surāpānaṃ tu cānyasya saṃjātaṃ cāpyakāmataḥ / (57.1)
Par.?
govadhyā cāpyakāmena kṛtā caikena pāpinā // (57.2)
Par.?
akāmato 'pi sarveṣāṃ pātakāni narādhipa / (58.1)
Par.?
brāhmaṇānāṃ tu te śrutvā vākyaṃ tadvismayānvitāḥ // (58.2)
Par.?
sadya eva tadā jātāḥ pāpiṣṭhā gatakalmaṣāḥ / (59.1)
Par.?
tīrthasyāsya prabhāvena narmadāyāḥ prabhāvataḥ // (59.2)
Par.?
na kvacitpātakānāṃ tu praveśaścātra jāyate / (60.1)
Par.?
evaṃ
saṃcitya te sarve pāpiṣṭhāśca parasparam // (60.2)
Par.?
citrabhānuḥ smṛtastaistu vicintya hṛdaye harim / (61.1)
Par.?
snātvā revājale puṇye tarpitāḥ pitṛdevatāḥ // (61.2)
Par.?
natvā tu bhāskaraṃ devaṃ hṛdi dhyātvā janārdanam / (62.1)
Par.?
pradakṣiṇaṃ tu taṃ bhaktyā jvalantaṃ jātavedasam // (62.2) Par.?
patitāḥ pāṇḍavaśreṣṭha pāpodvignā mahīpate / (63.1)
Par.?
sāttvikīṃ vāsanāṃ kṛtvā tyaktvā rajastamastathā // (63.2)
Par.?
hataṃ taiḥ pāvake sarvaṃ revāyā uttare taṭe / (64.1)
Par.?
vimānasthās tadā dṛṣṭā brāhmaṇaiste yudhiṣṭhira // (64.2)
Par.?
āścaryamatulaṃ dṛṣṭam ṛṣibhir narmadātaṭe / (65.1)
Par.?
tadāprabhṛti te sarve rāgadveṣavivarjitāḥ // (65.2)
Par.?
ravitīrthaṃ dvijā hṛṣṭāḥ sevante mokṣakāṅkṣayā / (66.1)
Par.?
tīrthasyāsya ca yatpuṇyaṃ tacchṛṇuṣva narādhipa // (66.2)
Par.?
pīḍito vṛddhabhāvena bhaktyā prīto nareśvara / (67.1)
Par.?
uddeśaṃ kathayiṣyāmi dvikrośābhyantare sthitaḥ // (67.2)
Par.?
kurukṣetraṃ yathā puṇyaṃ ravitīrthaṃ śrutaṃ mayā / (68.1)
Par.?
īśvareṇa purā khyātaṃ ṣaṇmukhasya narādhipa // (68.2)
Par.?
śrutaṃ rudrācca taiḥ sarvair ahaṃ tatra samīpagaḥ / (69.1)
Par.?
īśvara uvāca / (69.2)
Par.?
mārtaṇḍagrahaṇe prāpte ye vrajanti ṣaḍānana / (69.3)
Par.?
ravitīrthe kurukṣetre tulyametatphalaṃ labhet // (69.4)
Par.?
snāne dāne tathā japye home caiva viśeṣataḥ / (70.1)
Par.?
kurukṣetre samaṃ puṇyaṃ nātra kāryā vicāraṇā // (70.2)
Par.?
grāme vā yadi vāraṇye puṇyā sarvatra narmadā / (71.1)
Par.?
ravitīrthe viśeṣeṇa revā puṇyaphalapradā // (71.2)
Par.?
ṣaṣṭhyāṃ sūryadine bhaktyā vyatīpāte ca vai dhṛtau / (72.1)
Par.?
saṃkrāntau grahaṇe 'māyāṃ ye vrajanti jitendriyāḥ // (72.2)
Par.?
kāmakrodhairvimuktāśca rāgadveṣais tathaiva ca / (73.1)
Par.?
upoṣya parayā bhaktyā devasyāgre narādhipa // (73.2)
Par.?
rātrau jāgaraṇaṃ kṛtvā dīpaṃ devasya bodhayet / (74.1)
Par.?
kathāṃ vai vaiṣṇavīṃ pārtha vedābhyasanam eva ca // (74.2)
Par.?
ṛgvedaṃ vā yajurvedaṃ sāmavedamatharvaṇam / (75.1)
Par.?
ṛcamekāṃ japedyastu sa vedaphalamāpnuyāt // (75.2)
Par.?
gāyatryā ca caturvedaphalamāpnoti mānavaḥ / (76.1)
Par.?
prabhāte pūjayed viprānannadānahiraṇyataḥ // (76.2)
Par.?
bhūmidānena vastreṇa annadānena śaktitaḥ / (77.1)
Par.?
chatropānahaśayyādigṛhadānena pāṇḍava // (77.2)
Par.?
grāmadhūrvahadānena gajakanyāhayena ca / (78.1)
Par.?
vidyāśakaṭadānena sarveṣām abhayaṃ bhavet // (78.2)
Par.?
śatruśca mitratāṃ yāti viṣaṃ caivāmṛtaṃ bhavet / (79.1)
Par.?
grahā bhavanti suprītāḥ prītastasya divākaraḥ // (79.2)
Par.?
etatte sarvam ākhyātaṃ ravitīrthaphalaṃ nṛpa / (80.1)
Par.?
ye śṛṇvanti narā bhaktyā ravitīrthaphalaṃ śubham // (80.2)
Par.?
te 'pi pāpavinirmuktā raviloke vasanti hi / (81.1)
Par.?
godānena ca yatpuṇyaṃ yatpuṇyaṃ bhṛgudarśane // (81.2)
Par.?
kedāra udakaṃ pītvā tatpuṇyaṃ jāyate nṛṇām / (82.1)
Par.?
abdamaśvatthasevāyāṃ tilapātraprado bhavet // (82.2)
Par.?
tatphalaṃ samavāpnoti ādityeśvarakīrtanāt / (83.1)
Par.?
śrute yasya prabhāve na jāyate yannṛpātmaja // (83.2)
Par.?
tatsarvaṃ kathayiṣyāmi bhaktyā tava mahīpate / (84.1)
Par.?
pāpāni ca pralīyante bhinnapātre yathā jalam // (84.2)
Par.?
tīrthasyābhimukho nityaṃ jāyate nātra saṃśayaḥ / (85.1)
Par.?
guhyādguhyataraṃ tīrthaṃ kathitaṃ tava pāṇḍava // (85.2)
Par.?
pāpiṣṭhānāṃ kṛtaghnānāṃ svāmimitrāvaghātinām / (86.1)
Par.?
tīrthākhyānaṃ śubhaṃ teṣāṃ gopitavyaṃ sadā budhaiḥ // (86.2)
Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe ādityeśvaratīrthamāhātmyavarṇanaṃ nāma ṣaṣṭitamo 'dhyāyaḥ // (87.1)
Par.?
Duration=0.41192007064819 secs.