UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4644
- Click on a sentence to show its analysis
- Keep the mouse pointer over a lemma to show its meanings.
śrīmārkaṇḍeya uvāca / (1.1)
Par.?
tato gacchettu rājendra pāreśvaram anuttamam / (1.2)
Par.?
parāśaro mahātmā vai narmadāyāstaṭe śubhe // (1.3)
Par.?
tapaścacāra vipulaṃ putrārthaṃ pāṇḍunandana / (2.1)
Par.?
himavadduhitā tena gaurī nārāyaṇī nṛpa // (2.2) Par.?
toṣitā parayā bhaktyā narmadottarake taṭe / (3.1)
Par.?
tasya tuṣṭā mahādevī śaṅkarārdhāṅgadhāriṇī // (3.2)
Par.?
bhobho ṛṣivara śreṣṭha tuṣṭāhaṃ tava bhaktitaḥ / (4.1)
Par.?
varaṃ yācaya me vipra parāśara mahāmate // (4.2)
Par.?
parāśara uvāca / (5.1)
Par.?
parituṣṭāsi me devi yadi deyo varo mama / (5.2)
Par.?
dehi putraṃ bhagavati satyaśaucaguṇānvitam // (5.3)
Par.?
vedābhyasanaśīlaṃ hi sarvaśāstraviśāradam / (6.1)
Par.?
tīrthe cātra bhaved devi sannidhānavareṇa tu // (6.2)
Par.?
lokopakārahetośca sthīyatāṃ girinandini / (7.1)
Par.?
parāśarābhidhānena narmadādakṣiṇe taṭe // (7.2)
Par.?
śrīdevyuvāca / (8.1)
Par.?
evaṃ bhavatu te vipra tatraivāntaradhīyata / (8.2)
Par.?
parāśaro mahātmā vai sthāpayāmāsa pārvatīm // (8.3)
Par.?
śaṅkaraṃ sthāpayāmāsa surāsuranamaskṛtam / (9.1)
Par.?
acchedyam apratarkyaṃ ca devānāṃ tu durāsadam // (9.2)
Par.?
parāśaro mahātmā vai kṛtārtho hyabhavan nṛpa // (10.1)
Par.?
tatra tīrthe tu yo bhaktyā śuciḥ prayatamānasaḥ / (11.1)
Par.?
stryathavā puruṣo vāpi kāmakrodhavivarjitaḥ // (11.2)
Par.?
māghe caitre 'tha vaiśākhe śrāvaṇe nṛpanandana / (12.1)
Par.?
māsi mārgaśire caiva śuklapakṣe tu sarvadā // (12.2)
Par.?
tatra gatvā śubhe sthāne narmadādakṣiṇe taṭe // (13.1)
Par.?
upoṣya parayā bhaktyā vratam etat samācaret / (14.1)
Par.?
rātrau jāgaraṇaṃ kṛtvā dīpadānaṃ svaśaktitaḥ // (14.2)
Par.?
gītaṃ nṛtyaṃ tathā vādyaṃ kāmakrodhavivarjitaḥ / (15.1)
Par.?
prabhāte vimale prāpte dvijāḥ pūjyāḥ svaśaktitaḥ // (15.2)
Par.?
sampūjya brāhmaṇān pārtha dhanadānahiraṇyataḥ / (16.1)
Par.?
vastreṇa chatradānena śayyātāmbūlabhojanaiḥ // (16.2)
Par.?
prīṇayennarmadātīre brāhmaṇāñchaṃsitavratān / (17.1)
Par.?
śrāddhaṃ kāryaṃ nṛpaśreṣṭha āmaiḥ pakvairjalena ca // (17.2)
Par.?
strīṇāṃ caiva tu śūdrāṇām āmaśrāddhaṃ praśasyate / (18.1)
Par.?
āmaṃ caturguṇaṃ deyaṃ brāhmaṇānāṃ yudhiṣṭhira // (18.2)
Par.?
vedoktena vidhānena dvijāḥ pūjyāḥ prayatnataḥ / (19.1)
Par.?
hastamātraiḥ kuśaiścaiva tilaiścaivākṣatairnṛpa // (19.2)
Par.?
viprā udaṅmukhāḥ kāryāḥ svayaṃ vai dakṣiṇāmukhaḥ / (20.1)
Par.?
darbheṣu nikṣipedannamityuccārya dvijāgrataḥ // (20.2)
Par.?
pretā yāntu pare loke tīrthasyāsya prabhāvataḥ / (21.1)
Par.?
pāpaṃ me praśamaṃ yātu etu vṛddhiṃ śubhaṃ sadā // (21.2)
Par.?
vṛddhiṃ yātu sadā vaṃśo jñātivargo dvijottama / (22.1)
Par.?
evamuccārya viprāya dānaṃ deyaṃ svaśaktitaḥ // (22.2)
Par.?
gobhūtisahiraṇyādi cānnaṃ vastraṃ svaśaktitaḥ / (23.1)
Par.?
dātavyaṃ pāṇḍavaśreṣṭha pāreśvaravarāśrame // (23.2)
Par.?
ye śṛṇvanti paraṃ bhaktyā mucyante sarvapātakaiḥ // (24.1)
Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe pāreśvaratīrthamāhātmyavarṇanaṃ nāma ṣaṭsaptatitamo 'dhyāyaḥ // (25.1)
Par.?
Duration=0.10307693481445 secs.