UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4775
- Click on a sentence to show its analysis
- Keep the mouse pointer over a lemma to show its meanings.
śrīmārkaṇḍeya uvāca / (1.1)
Par.?
tasyāgre pāvanaṃ tīrthaṃ svarṇabindviti viśrutam / (1.2)
Par.?
yatra snātvā divaṃ yānti mṛtāśca na punarbhavam // (1.3)
Par.?
tatra tīrthe tu yaḥ snātvā datte viprāya kāñcanam / (2.1)
Par.?
tena yattu phalaṃ proktaṃ tacchṛṇuṣva mahīpate // (2.2)
Par.?
sarveṣām eva ratnānāṃ kāñcanaṃ ratnamuttamam / (3.1)
Par.?
agnitejaḥsamudbhūtaṃ tena tatparamaṃ bhuvi // (3.2)
Par.?
tenaiva dattā pṛthivī saśailavanakānanā / (4.1)
Par.?
sapattanapurā sarvā kāñcanaṃ yaḥ prayacchati // (4.2)
Par.?
mānasaṃ vācikaṃ pāpaṃ karmaṇā yatpurā kṛtam / (5.1)
Par.?
tatsarvaṃ naśyati kṣipraṃ svarṇadānena bhārata // (5.2)
Par.?
svarṇadānaṃ tu yo dattvā hyapi vālāgramātrakam / (6.1)
Par.?
tatra tīrthe mṛto yāti divaṃ nāstyatra saṃśayaḥ // (6.2)
Par.?
tatra vidyādharaiḥ siddhair vimānavaramāsthitaḥ / (7.1)
Par.?
pūjyamāno vasettāvadyāvadābhūtasamplavam // (7.2)
Par.?
pūrṇe tatra tataḥ kāle prāpya mānuṣyamuttamam / (8.1)
Par.?
suvarṇakoṭisahite gṛhe vai jāyate dvijaḥ // (8.2)
Par.?
sarvavyādhivinirmuktaḥ sarvalokeṣu pūjitaḥ / (9.1)
Par.?
jīvedvarṣaśataṃ sāgraṃ rājasaṃ satsu viśrutaḥ // (9.2)
Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe suvarṇabindutīrthamāhātmyavarṇanaṃ nāma saptādhikadviśatatamo 'dhyāyaḥ // (10.1) Par.?
Duration=0.030853033065796 secs.