UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5471
- Click on a sentence to show its analysis
- Keep the mouse pointer over a lemma to show its meanings.
brāhmaprājāpatyārṣadaivāḥ brāhmaṇasya gāndharvva āsuro rāja tatra manuḥ / (1.1)
Par.?
ācchādya cārcayitvā ca śrutaśīlavate svayam / (1.2)
Par.?
āhūya dānaṃ kanyāyā brāhmo dharmmaḥ prakīrtitaḥ // (1.3)
Par.?
ācchādya vastrayugaṃ paridhāpya arcayitvā arccanāṃ kṛtvā / (2.1)
Par.?
tato vinītāṃ kalyāṇīṃ kularūpavayo'nvitām / (2.3)
Par.?
alaṃkṛtyārhate dadyād vivāho brāhma ucyate // (2.4)
Par.?
kalyāṇīṃ pūrvoktadoṣaśūnyām / (3.1)
Par.?
arhate pūrvoktaguṇayuktāya // (3.2)
Par.?
ācchādyālaṃkṛtāṃ kṛtvā triḥ parikramya pāvakam / (4.2)
Par.?
nāmagotre samuddiśya dadyādbrāhmo vidhistvayam // (4.3)
Par.?
atra triḥ pāvakaparikramaṇaṃ nāmagotroccāraṇayoḥ pāṭhakramo nādriyate // (5)
Par.?
alaṃkṛtya tvalaṅkārairvarāya sadṛśāya vai / (6.2)
Par.?
brāhmeṇa tu vivāhena dadyāt kanyāṃ supūjitām // (6.3)
Par.?
supūjitāṃ vastrapuṣpacandanādinā // (7)
Par.?
adbhiryā dīyate kanyā brahmadeyeti tāṃ viduḥ // (8.2)
Par.?
brahmadeyeti saṃjñā tatra vivāhe jātasya śrāddhapaṅktipāvanatvavyavahārāt // (9)
Par.?
anindannanyair avitarkayan vidhivadvastrayugaṃ dattvā saha dharmmaṃ caryatām iti brāhmaḥ // (10.2)
Par.?
anindan adūṣayann anyairavitarkayan itaraiḥ saha dūṣaṇamaśaṅkamānaḥ // (11)
Par.?
vidhivat madhuparkādipuraḥsaraṃ saha dharmmaṃ caryatām ityuktvā yatra vivāhe kanyāṃ dadyāt sa brāhma ityarthaḥ // (12)
Par.?
āpastambaḥ / (13.1)
Par.?
brāhme vivāhe bandhuśīlaśrutārogyāṇi buddhvā prajāṃ sahatvakarmmabhyaḥ pratipādayed bhuktiviṣayenālaṃkṛtya // (13.2)
Par.?
prajāṃ kanyāṃ // (14)
Par.?
sahatvakarmmabhya iti yeṣu karmmasvādhānādiṣu patnīsahabhāvaḥ śrutaḥ tadarthatayā pratipādayet dadyāt // (15)
Par.?
baudhāyanaḥ / (16.1)
Par.?
śrutaśīle vijñāya brahmacāriṇe arthine dīyata iti sa brāhmaḥ // (16.2)
Par.?
brahmacāriṇe asaṃjātastrīsaṅgamāya iti lakṣmīdharaḥ // (17)
Par.?
samāvartanānantarameva dātavyeti halāyudhaḥ // (18)
Par.?
brahmacāriṇe vedavate iti bhāvaḥ // (19) Par.?
jātapariṇītastrīsaṅgamasya dvitīyavivāhe vivāhāṣṭakabahirbhāvāpatteḥ // (20)
Par.?
arthine vivāham īhate // (21)
Par.?
śaṅkhalikhitau / (22.1)
Par.?
tatra savarṇaḥ savarṇāya vidito viditāya yo nagnikāṃ dadyāt / (22.2)
Par.?
sa brāhmaḥ // (22.3)
Par.?
viditaḥ kulādibhiḥ // (23)
Par.?
Duration=0.074503898620605 secs.