UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5567
- Click on a sentence to show its analysis
- Keep the mouse pointer over a lemma to show its meanings.
cumbananakhadaśanacchedyānāṃ na paurvāparyam asti / (1.1)
Par.?
prāksaṃyogād eṣāṃ prādhānyena prayogaḥ / (1.3)
Par.?
prahaṇanaśītkṛtayośca saṃprayoge // (1.4)
Par.?
sarvaṃ sarvatra / (2.1)
Par.?
rāgasyānapekṣitatvāt / (2.2)
Par.?
iti vātsyāyanaḥ // (2.3)
Par.?
tāni prathamarate nātivyaktāni
viśrabdhikāyāṃ vikalpena ca prayuñjīta / (3.1)
Par.?
tathābhūtatvād rāgasya / (3.2)
Par.?
tataḥ param atitvarayā viśeṣavatsamuccayena rāgasaṃdhukṣaṇārtham // (3.3)
Par.?
lalāṭālakakapolanayanavakṣaḥstanauṣṭhāntarmukheṣu cumbanam / (4.1)
Par.?
ūrusaṃdhibāhunābhimūlayor lāṭānām / (4.2)
Par.?
rāgavaśād deśapravṛtteśca santi tāni tāni sthānāni na tu sarvajanaprayojyānīti vātsyāyanaḥ // (4.3)
Par.?
nimittakaṃ sphuritakaṃ ghaṭṭitakam iti trīṇi kanyācumbanāni // (5.2)
Par.?
balāt
kāreṇa niyuktā mukhe mukham ādhatte na tu viceṣṭata iti nimittakam // (6.1)
Par.?
vadane praveśitaṃ cauṣṭhaṃ manāgapatrapāvagrahītum icchantī syandayati svam oṣṭhaṃ nottaram utsahata iti sphuritakam // (7.1)
Par.?
īṣatparigṛhya vinimīlitanayanā kareṇa ca tasya nayane avacchādayantī jihvāgreṇa ghaṭṭayati iti ghaṭṭitakam // (8.1) Par.?
samaṃ tiryag udbhrāntam avapīḍitakam iti caturvidham apare // (9.1)
Par.?
aṅgulisaṃpuṭena piṇḍīkṛtya nirdaśanam oṣṭhapuṭenāvapīḍayed ityavapīḍitakaṃ pañcamam api karaṇam // (10.1)
Par.?
dyūtaṃ cātra pravartayet // (11.1)
Par.?
pūrvam adharasaṃpādanena jitam idaṃ syāt // (12.1)
Par.?
tatra jitā sārdharuditaṃ karaṃ vidhunuyāt praṇuded daśet parivartayed balād āhṛtā vivadet punar apyastu paṇa iti brūyāt / (13.1)
Par.?
tatrāpi jitā dviguṇam āyasyet // (13.2)
Par.?
viśrabdhasya pramattasya vādharam avagṛhya daśanāntargatam anirgamaṃ kṛtvā hased utkrośet tarjayed valged āhvayennṛtyet pranartitabhruṇā ca vicalanayanena mukhena vihasantī tāni tāni ca brūyāt / (14.1)
Par.?
iti cumbanadyūtakalahaḥ // (14.2)
Par.?
etena nakhadaśanacchedyaprahaṇanadyūtakalahā vyākhyātāḥ // (15.1)
Par.?
caṇḍavegayor eva tveṣāṃ prayogaḥ / (16.1)
Par.?
tatsātmyāt // (16.2)
Par.?
tasyāṃ cumbantyāmayam apyuttaraṃ gṛhṇīyāt / (17.1)
Par.?
ityuttaracumbitam // (17.2)
Par.?
oṣṭhasaṃdaṃśenāvagṛhyauṣṭhadvayam api cumbeta / (18.1)
Par.?
iti saṃpuṭakaṃ striyāḥ puṃso vā ajātavyañjanasya // (18.2)
Par.?
tasminn itaro 'pi jihvayāsyā daśanān ghaṭṭayet tālu jihvāṃ ceti jihvāyuddham // (19.1)
Par.?
etena balād vadanaradanagrahaṇaṃ dānaṃ ca vyākhyātam // (20.1)
Par.?
samaṃ pīḍitam añcitaṃ mṛdu śeṣāṅgeṣu cumbanaṃ sthānaviśeṣayogāt / (21.1)
Par.?
iti cumbanaviśeṣāḥ // (21.2)
Par.?
suptasya mukham avalokayantyāḥ svābhiprāyeṇa cumbanaṃ rāgadīpanam // (22.1)
Par.?
pramattasya vivadamānasya vā anyato 'bhimukhasya suptābhimukhasya vā nidrāvyāghātārthaṃ calitakam // (23.1)
Par.?
cirarātrāv āgatasya śayanasuptāyāḥ svābhiprāyacumbanaṃ prātibodhikam // (24.1)
Par.?
sāpi tu bhāvajijñāsārthinī nāyakasyāgamanakālaṃ saṃlakṣya vyājena suptā syāt // (25.1)
Par.?
ādarśe kuḍye salile vā prayojyāyāśchāyācumbanam ākārapradarśanārtham eva kāryam // (26.1)
Par.?
bālasya citrakarmaṇaḥ pratimāyāśca cumbanaṃ saṃkrāntakam āliṅganaṃ ca // (27.1)
Par.?
tathā niśi prekṣaṇake svajanasamāje vā samīpe gatasya prayojyāyā hastāṅgulicumbanaṃ saṃviṣṭasya vā pādāṅgulicumbanam // (28.1)
Par.?
saṃvāhikāyāstu nāyakam ākārayantyā nidrāvaśād akāmāyā iva tasyorvor vadanasya nidhānam ūrucumbanaṃ pādāṅguṣṭhacumbanaṃ cetyābhiyogikāni // (29.1)
Par.?
bhavati cātra ślokaḥ / (30.1)
Par.?
kṛte pratikṛtaṃ kuryāt tāḍite pratitāḍitam / (30.2)
Par.?
karaṇena ca tenaiva cumbite praticumbitam // (30.3)
Par.?
Duration=0.077543973922729 secs.