Texts

nāyakasya saṃtatābhyāsāt pariśramam upalabhya rāgasya cānupaśamam anumatā tena tam adho 'vapātya puruṣāyitena sāhāyyaṃ dadyāt / (1.1) Par.?

svābhiprāyād vā vikalpayojanārthinī nāyakakutūhalād vā // (1.2) Par.?

tatra yuktayantreṇaivetareṇotthāpyamānā tamadhaḥ pātayet / (2.1) Par.?

evaṃ ca ratam avicchinnarasaṃ tathā pravṛttam eva syāt / (2.2) Par.?

ityeko 'yaṃ mārgaḥ / (2.3) Par.?

punar ārambheṇādita evopakramet / (2.4) Par.?

iti dvitīyaḥ // (2.5) Par.?

sā prakīryamāṇakeśakusumā śvāsavicchinnahāsinī vaktrasaṃsargārthaṃ stanābhyām uraḥ pīḍayantī punaḥ punaḥ śiro nāmayantī yāśceṣṭāḥ pūrvam aṃsau darśitavāṃstā eva pratikurvīta / (3.1) Par.?

pātitā pratipātayāmīti / (3.2) Par.?

hasantī tarjayantī pratighnatī ca brūyāt / (3.3) Par.?

punaśca vrīḍāṃ darśayet / (3.4) Par.?

śramaṃ virāmābhīpsāṃ ca / (3.5) Par.?

puruṣopasṛptair evopasarpet // (3.6) Par.?

tāni ca vakṣyāmaḥ // (4.1) Par.?

puruṣaḥ śayanasthāyā yoṣitastad vacanavyākṣiptacittāyā iva nīvīṃ viśleṣayet / (5.1) Par.?

tatra vivadamānāṃ kapolacumbanena paryākulayet / (5.2) Par.?

sthiraliṅgaśca tatra tatraināṃ parispṛśet / (5.3) Par.?

prathamasaṃgatā cet saṃhatorvor antare ghaṭṭanam / (5.4) Par.?

kanyāyāśca / (5.5) Par.?

tathā stanayoḥ saṃhatayor hastayoḥ kakṣayor aṃsayor grīvāyām iti ca / (5.6) Par.?

svairiṇyāṃ yathāsātmyaṃ yathāyogaṃ ca / (5.7) Par.?

alake cumbanārtham enāṃ nirdayam avalambet / (5.8) Par.?

hanudeśe cāṅgulisaṃpuṭena / (5.9) Par.?

tatretarasyā vrīḍā nimīlanaṃ ca / (5.10) Par.?

prathamasamāgame kanyāyāśca // (5.11) Par.?

ratisaṃyoge caināṃ katham anurajyata iti pravṛttyā parīkṣeta // (6.1) Par.?

yuktayantreṇopasṛpyamāṇā yato dṛṣṭim āvartayet tata evaināṃ pīḍayet // (7.1) Par.?

etad rahasyaṃ yuvatīnām iti suvarṇanābhaḥ // (8.1) Par.?

gātrāṇāṃ sraṃsanaṃ netranimīlanaṃ vrīḍānāśaḥ samadhikā ca ratiyojaneti strīṇāṃ bhāvalakṣaṇam // (9.1) Par.?

hastau vidhunoti svidyati daśatyutthātuṃ na dadāti pādenāhanti ratāvamāne ca puruṣātivartinī // (10.1) Par.?

tasyāḥ prāgyantrayogāt kareṇa saṃbādhaṃ gaja eva kṣobhayet / (11.1) Par.?

ā mṛdubhāvāt / (11.2) Par.?

tato yantrayojanam // (11.3) Par.?

upasṛptakaṃ manthanaṃ hulo 'vamardanaṃ pīḍitakaṃ nirghāto varāhaghāto vṛṣāghātaścaṭakavilasitaṃ saṃpuṭa iti puruṣopasṛptāni / (12.1) Par.?

nyāyyam ṛjusaṃmiśraṇam upasṛptakam / (12.2) Par.?

hastena liṅgaṃ sarvato bhrāmayet iti manthanam / (12.3) Par.?

nīcīkṛtya jaghanam upariṣṭād ghaṭṭayed iti hulaḥ / (12.4) Par.?

tad eva viparītaṃ sarabhasamavamardanam / (12.5) Par.?

liṅgena samāhatya pīḍayaṃściram avatiṣṭhed iti pīḍitakam / (12.6) Par.?

sudūram utkṛṣya vegena svajaghanam avapātayed iti nirghātaḥ / (12.7) Par.?

ekata eva bhūyiṣṭham avalikhed iti varāhaghātaḥ / (12.8) Par.?

sa evobhayataḥ paryāyeṇa vṛṣāghātaḥ / (12.9) Par.?

sakṛnmiśritam aniṣkramayya dvistriścatur iti ghaṭṭayed iti caṭakavilasitam / (12.10) Par.?

rāgāvasānikaṃ vyākhyātaṃ karaṇaṃ saṃpuṭam iti // (12.11) Par.?

teṣāṃ strīsātmyād vikalpena prayogaḥ // (13.1) Par.?

puruṣāyite tu saṃdaṃśo bhramarakaḥ preṅkholitam ityadhikāni // (14.1) Par.?

vāḍavena liṅgam avagṛhya niṣkarṣantyāḥ pīḍayantyā vā cirāvasthānaṃ saṃdaṃśaḥ // (15.1) Par.?

yuktayantrā cakravad bhramed iti bhramaraka ābhyāsikaḥ // (16.1) Par.?

tatretaraḥ svajaghanam utkṣipet // (17.1) Par.?

jaghanam eva dolāyamānaṃ sarvato bhrāmayed iti preṅkholitakam // (18.1) Par.?

yuktayantraiva lalāṭe lalāṭe nidhāya viśrāmyeta // (19.1) Par.?

viśrāntāyāṃ ca puruṣasya punar āvartanam / (20.1) Par.?

iti puruṣāyitāni // (20.2) Par.?

bhavanti cātra ślokāḥ / (21.1) Par.?

pracchāditasvabhāvāpi gūḍhākārāpi kāminī / (21.2) Par.?

vivṛṇotyeva bhāvaṃ svaṃ rāgād uparivartinī // (21.3) Par.?

yathāśīlā bhaven nārī yathā ca ratilālasā / (22.1) Par.?

tasyā eva viceṣṭābhistatsarvam upalakṣayet // (22.2) Par.?

na tv evartau na prasūtāṃ na mṛgīṃ na ca garbhiṇīm na cātivyāyatāṃ nārīṃ yojayet puruṣāyite // (23.1) Par.?