Texts

duḥkhatrayeti / (1.1) Par.?

asyā āryāyā upodghātaḥ kriyate / (1.2) Par.?

iha bhagavān brahmasutaḥ kapilo nāma tad yathā / (1.3) Par.?

sanakaśca sanandanaśca tṛtīyaśca sanātanaḥ / (1.4) Par.?

āsuriḥ kapilaścaiva voḍhuḥ pañcaśikhastathā / (1.5) Par.?

ityete brahmaṇaḥ putrāḥ sapta proktā maharṣayaḥ // (1.6) Par.?

kapilasya sahotpannāni dharmo jñānaṃ vairāgyam aiśvaryaṃ ceti / (2.1) Par.?

evaṃ sa utpannaḥ sann andhe tamasi majjajjagad ālokya saṃsārapāraṃparyeṇa satkāruṇyo jijñāsamānāya āsurisagotrāya brāhmaṇāyedaṃ pañcaviṃśatitattvānāṃ jñānam uktavān / (2.2) Par.?

yasya jñānād duḥkhakṣayo bhavati / (2.3) Par.?

pañcaviṃśatitattvajño yatra tatrāśrame vaset / (2.4) Par.?

jaṭī muṇḍī śikhī vāpi mucyate nātra saṃśayaḥ // (2.5) Par.?

tad idam āhuḥ / (3.1) Par.?

duḥkhatrayābhighātājjijñāseti / (3.2) Par.?

tatra duḥkhatrayam ādhyātmikam ādhibhautikam ādhidaivikaṃ ceti / (3.3) Par.?

tatrādhyātmikaṃ dvividhaṃ śārīraṃ mānasaṃ ceti / (3.4) Par.?

śārīraṃ vātapittaśleṣmaviparyayakṛtaṃ jvarātīsārādi / (3.5) Par.?

mānasaṃ priyaviyogāpriyasaṃyogādi / (3.6) Par.?

ādhibhautikaṃ caturvidhabhūtagrāmanimittaṃ manuṣyapaśumṛgapakṣisarīsṛpadaṃśamaśakayūkāmatkuṇamatsyamakaragrāhasthāvarebhyo jarāyujāṇḍajasvedajodbhijjebhyaḥ sakāśād upajāyate / (3.7) Par.?

ādhidaivikaṃ devānām idaṃ daivaṃ divaḥ prabhavatīti vā daivam / (3.8) Par.?

tadadhikṛtya yad upajāyate śītoṣṇavātavarṣāśanipātādikam / (3.9) Par.?

evaṃ yathā duḥkhatrayābhighātājjijñāsā kāryā / (3.10) Par.?

kva / (3.11) Par.?

tadabhighātake hetau / (3.12) Par.?

tasya duḥkhatrayasya abhighātako yo hetus tatreti / (3.13) Par.?

dṛṣṭe sāpārthā cet / (3.14) Par.?

dṛṣṭe hetau duḥkhatrayābhighātake sā jijñāsāpārthā ced yadi / (3.15) Par.?

tatrādhyātmikasya dvividhasyāpyāyurvedaśāstrakriyayā priyasamāgamāpriyaparihārakaṭutiktakaṣāyādikvāthādibhir dṛṣṭa evādhyātmikopāyaḥ / (3.16) Par.?

ādhibhautikasya rakṣādinābhighāto dṛṣṭaḥ / (3.17) Par.?

dṛṣṭe sāpārthā ced evaṃ manyase / (3.18) Par.?

na / (3.19) Par.?

ekāntātyantato 'bhāvāt / (3.20) Par.?

yata ekāntato 'vaśyam atyantato nityaṃ dṛṣṭena hetunābhighāto na bhavati / (3.21) Par.?

tasmād anyatraikāntātyantābhighātake hetau jijñāsā vividiṣā kāryeti / (3.22) Par.?

yadi dṛṣṭād anyatra jijñāsā kāryā tato 'pi naiva / (3.23) Par.?

yata ānuśraviko hetur duḥkhatrayābhighātakaḥ / (3.24) Par.?

anuśrūyata ityanuśravastatra bhava ānuśravikaḥ / (3.25) Par.?

sa cāgamāt siddhaḥ / (3.26) Par.?

yathā / (3.27) Par.?

apāma somam amṛtā abhūmāganma jyotir avidāma devān / (3.28) Par.?

kiṃ nūnam asmān kṛṇavad arātiḥ kim u dhūrtir amṛta martyasya // (3.29) Par.?

kadācid indrādīnāṃ devānāṃ kalpa āsīt kathaṃ vayam amṛtā abhūmeti vicārya yasmād vayam apāma somaṃ pītavantaḥ somaṃ tasmād amṛtā abhūma amarā bhūtavanta ityarthaḥ / (4.1) Par.?

kiṃca aganma jyotiḥ / (4.2) Par.?

gatavanto labdhavanto jyotiḥ svargam iti / (4.3) Par.?

avidāma devān / (4.4) Par.?

divyān viditavantaḥ / (4.5) Par.?

evaṃ ca kiṃ nūnam asmān kṛṇavad arātiḥ / (4.6) Par.?

nūnaṃ niścitaṃ kim arātiḥ śatrur asmān kṛṇavat karteti / (4.7) Par.?

kim u dhūrtir amṛta martyasya dhūrtir jarā hiṃsā vā kiṃ kariṣyatyamṛta martyasya / (4.8) Par.?

anyacca vede śrūyata ātyantikaṃ phalaṃ paśuvadhena / (4.9) Par.?

sarvāṃllokāñjayati mṛtyuṃ tarati pāpmānaṃ tarati brahmahatyāṃ tarati yo yo 'śvamedhena yajata iti / (4.10) Par.?

ekāntātyantika evaṃ vedokte 'pārthiva jijñāseti na / (4.11) Par.?

ucyate // (4.12) Par.?