UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5894
- Click on a sentence to show its analysis
- Keep the mouse pointer over a lemma to show its meanings.
triguṇaṃ vyaktam / (1.1)
Par.?
sattvarajastamāṃsi trayo guṇā yasyeti / (1.2)
Par.?
aviveki vyaktam / (1.3)
Par.?
na viveko 'syāstīti / (1.4)
Par.?
idaṃ vyaktam ime guṇā iti na vivekaṃ kartuṃ yātyayaṃ gaur ayam aśva iti yathā / (1.5)
Par.?
ye guṇās tad vyaktaṃ yad vyaktaṃ te ca guṇā iti / (1.6)
Par.?
tathā viṣayo vyaktaṃ bhojyam ityarthaḥ / (1.7)
Par.?
sarvapuruṣāṇāṃ viṣayabhūtatvāt / (1.8)
Par.?
tathā sāmānyaṃ vyaktam / (1.9)
Par.?
mūlyadāsīvat sarvasādhāraṇatvāt / (1.10)
Par.?
acetanaṃ vyaktam / (1.11)
Par.?
sukhaduḥkhamohān na cetayatīty arthaḥ / (1.12)
Par.?
tathā prasavadharmi vyaktam / (1.13)
Par.?
tadyathā buddher ahaṃkāraḥ prasūyate tasmāt pañca tanmātrāṇyekādaśendriyāṇi ca prasūyante tanmātrebhyaḥ pañca mahābhūtānīti / (1.14)
Par.?
evam ete vyaktadharmāḥ prasavadharmāntā uktāḥ / (1.15)
Par.?
evam ebhir avyaktaṃ sarūpaṃ yathā vyaktaṃ tathā pradhānam iti / (1.16)
Par.?
tatra triguṇaṃ vyaktam avyaktam api triguṇam / (1.17)
Par.?
yasyaitanmahadādi kāryaṃ triguṇam / (1.18)
Par.?
iha yadātmakaṃ kāraṇaṃ tadātmakaṃ kāryam iti / (1.19)
Par.?
yathā kṛṣṇatantukṛtaḥ kṛṣṇa eva paṭo bhavati / (1.20)
Par.?
tathāviveki vyaktam / (1.21)
Par.?
pradhānam api guṇairna bhidyate / (1.22)
Par.?
anye guṇā anyat pradhānam evaṃ vivektuṃ na yāti / (1.23)
Par.?
tad aviveki pradhānam / (1.24)
Par.?
tathā viṣayo vyaktaṃ pradhānam api sarvapuruṣaviṣayabhūtatvād viṣaya iti / (1.25)
Par.?
tathā sāmānyaṃ vyaktaṃ pradhānam api sarvasādhāraṇatvāt / (1.26)
Par.?
tathācetanaṃ vyaktaṃ pradhānam api sukhaduḥkhamohān na cetayatīti katham anumīyate / (1.27)
Par.?
iha hyacetanān mṛtpiṇḍād acetano ghaṭa utpadyate / (1.28)
Par.?
evaṃ pradhānam api vyākhyātam / (1.29)
Par.?
idānīṃ tadviparītas tathā ca pumān ityetad vyākhyāyate / (1.30)
Par.?
tadviparītas tābhyāṃ vyaktāvyaktābhyāṃ viparītaḥ pumān / (1.31)
Par.?
triguṇaṃ vyaktam avyaktaṃ cāguṇaḥ puruṣaḥ / (1.33)
Par.?
aviveki vyaktam avyaktaṃ ca vivekī puruṣaḥ / (1.34)
Par.?
tathā viṣayo vyaktam avyaktaṃ cāviṣayaḥ puruṣaḥ / (1.35)
Par.?
tathā sāmānyaṃ vyaktam avyaktaṃ cāsāmānyaḥ puruṣaḥ / (1.36)
Par.?
acetanaṃ vyaktam avyaktaṃ ca cetanaḥ puruṣaḥ / (1.37)
Par.?
sukhaduḥkhamohāṃścetayati saṃjānīte / (1.38)
Par.?
prasavadharmi vyaktaṃ pradhānaṃ cāprasavadharmī puruṣaḥ / (1.39)
Par.?
na hi puruṣāt kiṃcit prasūyate / (1.40)
Par.?
tasmād uktaṃ tadviparītaḥ pumān iti / (1.41)
Par.?
tad uktaṃ tathā ca pumān iti / (1.42)
Par.?
tat pūrvasyām āryāyāṃ pradhānam ahetumad yathā vyākhyātaṃ tathā ca pumān / (1.43)
Par.?
tad yathā hetumad anityam ityādi vyaktaṃ tadviparītam avyaktam / (1.44)
Par.?
tatra hetumad vyaktam ahetumat pradhānaṃ tathā ca pumān ahetumān anutpādyatvāt / (1.45)
Par.?
anityaṃ vyaktaṃ nityaṃ pradhānam / (1.46)
Par.?
tathā nityaḥ pumān / (1.47)
Par.?
avyāpi vyaktaṃ vyāpi pradhānam / (1.48)
Par.?
tathā ca vyāpī pumān sarvagatatvāt / (1.49)
Par.?
sakriyaṃ vyaktam akriyaṃ pradhānaṃ tathā ca pumān akriyaḥ sarvagatatvād eva / (1.50)
Par.?
anekaṃ vyaktam ekam avyaktaṃ tathā pumān apy ekaḥ / (1.51)
Par.?
āśritaṃ vyaktam anāśritam avyaktaṃ tathā ca pumān anāśritaḥ / (1.52)
Par.?
liṅgaṃ vyaktam aliṅgam avyaktaṃ tathā ca pumān apyaliṅgaḥ / (1.53)
Par.?
na kvacillīyata iti / (1.54)
Par.?
sāvayavaṃ vyaktaṃ niravayavam avyaktam / (1.55)
Par.?
tathā ca pumān niravayavaḥ / (1.56)
Par.?
na hi puruṣe śabdādayo 'vayavāḥ santi / (1.57)
Par.?
kiṃ ca paratantraṃ vyaktaṃ svatantram avyaktam / (1.58)
Par.?
tathā ca pumān api svatantra ātmanaḥ prabhavatīty arthaḥ / (1.59)
Par.?
evam etad avyaktapuruṣayoḥ sādharmyaṃ vyākhyātaṃ pūrvasyām āryāyām / (1.60) Par.?
vyaktapradhānayoḥ sādharmyaṃ puruṣasya vaidharmyaṃ ca triguṇam avivekītyādi prakṛtyāryāyāṃ vyākhyātam / (1.61)
Par.?
tatra yad uktaṃ triguṇam iti vyaktam avyaktaṃ ca / (1.62)
Par.?
tat ke te guṇā iti / (1.63)
Par.?
tat svarūpapratipādanāyedam āha // (1.64)
Par.?
Duration=0.15393400192261 secs.